खुने़ॽ केःम्ब केःम्बादे़न्नोबा माङ्धाःन्हाॽ इःक्सुदेसु, माङ्लुङ्हाॽ थुप्सुदेसु, हे़क्क्याङ् असेरा माङ् सित्लाङ्हाॽ सोःन्दुदेसु॥ मोसाःल्ले़ चोगुबा कासा असेःक्किन् कुम्जिक्मा चोगु, थेआङ्भे़ल्ले़ खे़न् ये़म्मो थारिक् इस्राइलिहाॽरे़ खे़प्मो सुक्पा मे़हाःन्दुआङ् वये़॥ खे़ङ्हाॽरे़ खे़न् नहुस्तान मे़मे़त्तु॥
लाम्दिक् 34:13 - लिम्बु13 खे़ङ्हाॽरे़ खुन्छिॽ ले़त्ति तोःम्मादे़न्हाॽ यन्छे़ पिरे़से़ॽ॥ खे़ङ्हाॽरे़ खुन्छिॽ सुत्थो फाॽआङ् मे़इःत्तुबा लुङ्हाॽ फयःप्फयःप् यःप्से़ पिरे़से़ॽ, हे़क्क्याङ् खे़ङ्हाॽरे़ खुन्छिॽ असेरा माङ्सित्लाङ्हाॽ च्ये़प्ते़आङ् सोःन्दे़ पिरे़से़ॽ॥ Gade chapit la |
लाम्दिक् 34:13
25 Referans Kwoze
खिनिॽ खे़ङ्हाॽनु अक्तङ्बा याःम्बक् चोगे़म्मे़ॽ॥ खे़ङ्हाॽरे़ खुन्छिॽ ले़त्ति तोःम्मादे़न्हाॽ यन्छे़म् पिरे़म्सिम्मे़ॽ, खे़ङ्हाॽरे़ खुन्छिॽ चखोबा लुङ्हाॽ फयःप्फयःप् यःप्से़म् पिरे़म्सिम्मे़ॽ, खे़ङ्हाॽरे़ खुन्छिॽ असेरा माङ्ङिल्ले़ कुसित्लाङ्हाॽ खक्ते़म्मे़ॽआङ् सोःन्दे़म् पिरे़म्सिम्मे़ॽ, हे़क्क्याङ् खे़हाॽरे़ खुन्छिॽ नावाइत्लाहाॽ मिओ मिधिक्खे़म् पिरे़म्सिम्मे़ॽ॥
कन् सोसोःत्लराङ्ङिन् चुरे़ल्ले़ खे़प्मो के़जुम्बा काक् इस्राइलिहाॽ यहुदाबा ये़क्यक्हाॽओ मे़बेआङ् खे़ङ्हाॽ के़रे़क् युम्रे़क् मे़म्मे़ङ्ङे थारिक् खे़ङ्हाॽरे़ सेसे लुङ्हाॽ कुम्जिक्मा मे़यःप्सु हे़क्क्याङ् असेरा माङ् नावाइत्लाहाॽ मे़लुःन्दु मे़देसु॥ के़रे़क् यहुदा नु बेन्यामिन हे़क्क्याङ् एफ्राइम नु मनस्सेबा केःम्ब केःम्बा माङ्धाःन्हाॽ नु ले़त्ति तोःम्मादे़न्हाॽ मे़यन्छु मे़देसु॥ खे़म्म्याक् मे़जोगु मे़सुरुआङ् इस्राइलिहाॽ के़रे़क् खुन्छिॽ आप्फेक् ये़क्यक्हाॽओ नु पालाम्बाबा लाजेॽओ मे़नुःक्खे़ मे़बेरो॥
आम्भा खे़न् से़न्दिक् यहवे दाङ्बे़ल्ले़ गिदोने़न् मे़त्तु, “खे़ने़ॽ के़म्बारे़ कुधक्सा लुप्पोलाम् तङ्बे नुसि के़गे़प्पा निसिगेक्पा से़गम्बा पित् थिक् तारे़ॽ, के़म्बारे़ कुबाल माङ्ङिल्ले़ कुले़त्ति तोःम्मादे़न्निन् यन्छे़देसे़ॽ, हे़क्क्याङ् खे़ल्ले़ कुयाओ के़युङ्बा असेरा माङ् नावाइत्लान् सोःन्दे़ॽ॥
खे़ब्याङ् हाबा खे़न् चन्जम्बादे़न्नो यहवे दाङ्बा के़निङ्वाॽफुमाङ्ङिल्ले़ कुलागि कुइःत् के़दाबा ले़त्ति तोःम्मादे़न् थिक् चोगे़ॽ, हे़क्क्याङ् खे़न् निसिगेक्पा से़गम्बा पित्ते़न् याङ्सिङ्ङे़ॽआङ् खे़ने़ॽ के़सोःन्दुबा असेरा नावाइत्ला सिङ्ङिल्ले़ मिधिङ्मनादेमनाबा सिदुङ्जभा तोःन्दे़ॽ॥”
च्वाःत्तो फःङ्दुःन् ना नु कत्ना वाःन्जो वाःन्जो मुम्बा कुसिङ् यहवे दाङ्बे़ल्ले़ इस्राइले़न् हिप्तुॽ॥ खे़ङ्हाॽरे़ खुन्छिॽ पाधे़बाहाॽ पिरुसिबा कन् नुबा लाजेॽलाम् खुने़ॽ इस्राइलिहाॽ खुन्छिॽ साःप्पोनुए हाॽयाक् आःक्खुदेसुसिॽ, हे़क्क्याङ् खे़ङ्हाॽ युफ्रेतिस वहःङ् नाधाःम्बि फुत्छिङ्ज्याङ् से़सुदेसुसिॽ, थेआङ्भे़ल्ले़ खे़ङ्हाॽरे़ असेरा नावाइत्ला सित्लाङ्हाॽ मे़जोगुसिआङ् यहवे दाङ्बे़ल्ले़ कुस्साक्के़न् मे़भोःक्खु॥
खुने़ॽ आप्फेक् नःम्नःम्बा चोःक्सिङ्मानुःल्ले़ तगि पेलि फाक्तुबा नु निङ्वाॽफुमाङ्ङिल्ले़ आक्खेलॽरिक् खुने़ॽ कुबेलिन् खे़प्सु, हे़क्क्याङ् खुने़ॽ के़रे़क् कुलायोहाॽ नु नसान् ले़क्खुआङ् चोगुबा याःम्बक्हाॽ, थे़गुहाॽओ खुने़ॽ चोगुबा माङ्धाःन्हाॽ नु असेरा माङ् सित्लाङ्हाॽ नु नावाइत्ला ये़प्सुसिबा कन् के़रे़क् पाःन्हाॽ खागे़इक्पाहाॽरे़ खुन्छिॽ साप्मुःन्धुम् साप्पन्नो साप्ते़आङ् पत्॥
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
हुम्बे़त् के़दाप्पा सरेःक्याःप्पा के़रे़क् सिङ्बुङ्हाॽरे़ कुबेसाङ्बा हे़क्क्याङ् केःम्ब केःम्बा कोःक्मा फाङ्जङ् थे़गु माङ्वाहाॽओ खे़ङ्हाॽरे़ खुन्छिॽ ले़त्ति तोःम्मादे़न्हाॽ हे़क्क्याङ् असेरा साम्माङ्ङिल्ले़ कुसित्लाङ्हाॽ खे़ङ्हाॽरे़ खुन्छिॽ साएहाॽरे़आङ् से़वा मे़मे़त्तुरो॥
खे़ब्याङ् खिनिॽ खे़न् लाजेॽओबा यक्युङ्बाहाॽ के़रे़क् खे़प्मोलाम् नाःत्ते़म्देसे़म्सिम्मे़ॽ, हे़क्क्याङ् खे़ङ्हाॽरे़ खुन्छिॽ खोःम्मना लक्मनाबा चइःत्हाॽ नु योःम्मनाबा नावाइत्लाहाॽ के़रे़क् खाप्पुथ्यःङ् चोगे़म् पिरे़म्सिम्मे़ॽ॥ खे़ङ्हाॽरे़ खुन्छिॽ कोःक्माओबा माङ्धाःन्हाॽ लुःन्दे़म् पिरे़म्सिम्मे़ॽ॥
Piblisite