लाम्‍दिक् 32:16 - लिम्‍बु

¹⁶ खे़न् साप्‍लुङ्‌हाॽ निङ्‌वाॽफुमाङ्‌ङिल्‍ले़ कुयाःम्‍बक् वये़॥ खे़न् साप्‍लुङ्‌ङो के़बप्‍पान् निङ्‌वाॽफुमाङ्‌ङिल्‍ले़ लक्‍तुआङ् साप्‍तुआङ् पत्‍छे़॥

लाम्‍दिक् 32:16 Referans Kwoze

लाम्‍दिक् 31:18

सिनै कोःक्‍माओ निङ्‌वाॽफुमाङ्‌ङिल्‍ले़ मोसाःन्‍नु पाःप्‍मा सुरुआङ्, आबाङे कुहुक्‍किल्‍ले़ साप्‍तुबा ने़त्‍छि साप्‍लुङ्‌हाॽ खुने़ॽ मोसान् पिरुरो॥

हिब्रु 8:10

खे़न् ये़म् एगाङ् इस्राइलि मनाहाॽनु कन् माङ्‌हुप्‍पिन् चोगुङ्, खुनिॽ निङ्‌वाॽबो आधिम्‍हाॽ केःत्तुङ् पिरुङ्‌सिङ्‌ङाङ् खुनिॽ सिक्‍लुङ्‌मो साप्‍तुङ् पिरुङ्‌सिङ्, हे़क्‍क्‍याङ् इङ्‌गाॽ खुनिॽ निङ्‌वाॽफुमाङ् पोङ्‌ङाॽ हे़क्‍क्‍याङ् खे़ङ्‌हाॽ आमना मे़बोङ्‌लो लॽरिक् यहवे दाङ्‌बाल्‍ले़ पाःत्तुॽरो॥

२ कोरन्‍थि 3:3

से़क्‍खाए खिनिॽग ख्रिस्‍तरे़ साप्‍तुआङ् आनिगे़लाम्‍बा हाङुबा सक्‍इङ्‌घङ्‌निङ्‌लो॥ खे़ङ्‌ग नाक्‍चा नु साप्‌वारे़ मेःन्, कर आजुनि निङ्‌वाॽफुमाङ्‌ङिल्‍ले़ पाङ्‌घुबा सेसेमाङ्‌ङिल्‍ले़ साप्‍तुबारो, साप्‍लुङ्‌ङो साप्‍तुबा मेःन्, कर मे़न्‍छाम् सिक्‍लुङ्‌मो ख्रिस्‍तरे़ साप्‍तुबा सक्‍इङ्‌घङ्‌निङ्‌लो॥

२ कोरन्‍थि 3:7

सिमे़न् के़दाःप्‍पा साम्‌योथिम्‍मिन् मोसारे़ लुङ्‌साप्‍पो साप्‍तुआङ् मिमिदिङ्‌ङिन्‍नु त्‍ये़॥ हे़क्‍केःल्‍ले़ मोसारे़ कुनाराःल्‍ले़ कुमिमिदिङ्‌ङिन् से़रे़म् लॽरे़बेर पत्‍छे़साङ् इस्राइलिहाॽरे़ कुनारान् ओमे़प्‍मा मे़न्‍छुक्‍तुन्‍लो॥

साम्‌योथिम् इङ् 10:1

खे़न् ये़म्‍मो यहवे दाङ्‌बे़ल्‍ले़ आङ्‌गाॽ मे़त्ताङ्, “तगिबा हे़क्‍केए लुङ्‌ङिल्‍ले़न् साप्‍लुङ् ने़त्‍छि खे़रे़ॽ, हे़क्‍क्‍याङ् कोःक्‍मा फाङ्‌जङ्‌ङो थोःक्‍सिङ्‌ङे़ॽआङ् आङ्‌गाॽओ थाङे़ॽ॥ लत्‍छा सिङ्‌ङिल्‍ले़न् सन्‍दोक् थिक्‍काङ् चोगे़ॽ॥

साम्‌योथिम् इङ् 9:15

खे़ल्‍ले़चोगुल्‍ले़ आङ्‌गाॽ हिल्‍लिक् हिसिङ्‌ङाङ् हे़क्‍क्‍याङ् कोःक्‍मा फाङ्‌जङ्‌ङोलाम् यो थ्‍याङ्॥ खे़न् ये़म्‍मो कोःक्‍मा फाङ्‌जङ्‌ङिन् मिधुङ्‌दिङ् मिराःक्‍के़ल्‍ले़ तिरे़आङ् युङे़, हे़क्‍क्‍याङ् तगाङ् नु एगाङ् ने़प्‍माङ् ले़प्‍माङ् साप्‍मनाबा माङ्‌हुप्‍पिल्‍ले़न् ने़त्‍छि साप्‍लुङ्‌हाॽ आङ्‌गाॽ आहुक्‍को वये़॥

लाम्‍दिक् 34:4

खे़ब्‍याङ् मोसाःल्‍ले़ तगिबा हे़क्‍तङ्‌बा लुङ्‌ङिल्‍ले़न् साप्‍लुङ् ने़त्‍छि खक्‍तु हे़क्‍क्‍याङ् यहवे दाङ्‌बाल्‍ले़ मे़त्तुबा कुइसिक् तानाम्‍सा पोगे़ॽआङ् सिनै कोःक्‍माओ थोःक्‍सिङ्॥ खुने़ॽ कुहुक्‍को खे़न् ने़त्‍छि साप्‍लुङ्‌हाॽआङ् तेॽरुआङ् पे॥

लाम्‍दिक् 34:1

यहवे दाङ्‌बे़ल्‍ले़ मोसान् मे़त्तु, “तगिबा हे़क्‍केए लुङ्‌ङिल्‍ले़न् साप्‍लुङ् ने़त्‍छि खे़रे़आङ् तारे़ॽ॥ खे़ने़ॽ खे़न् तगि के़हे़रु के़देसुबा साप्‍लुङ्‌ङो साप्‍ते़आङ् के़बप्‍पा आम्‍भा खे़न् पाःन्‍निन् आङ्‌गाॽ खे़न् साप्‍लुङ्‌ङो साप्‍तुङ्‌ॽ॥

लाम्‍दिक् 32:15

हे़क्‍क्‍याङ् मोसान् नुःक्‍खे़आङ् इङ्‌जाङ्‌हाॽ साप्‍ते़आङ् के़बप्‍पा ने़प्‍माङ् साप्‍लुङ्‌हाॽ खुने़ॽ कुहुक्‍को याङ्‌सिङ्‌ङाङ् कोःक्‍माओलाम् थासिङ् ये़॥ खे़न् साप्‍लुङ्‌हाॽओ तगाङ् नु एगाङ् ने़प्‍माङ् ले़प्‍माङ् साप्‍मनाबा पत्‍छे़॥

लाम्‍दिक् 32:17

यहोसुःल्‍ले़ मनाहाॽ मे़भिःक्‍ते़बा खे़प्‍सुआङ् मोसान् मे़त्तु, “साःङ्‌गाहिम्‍मोग ते़ङ्‌धङ्‌ङोबा हयङ् किल्‍लिङ् हे़क्‍तङ्‌बा इक्‍लानि खे़म्‍दे़त्‍ल पत्॥”

अयुब 19:24

इग्र फे़न्‍जेॽ छिनुःल्‍ले़ लुङ्‌ङो मे़लक्‍तुआङ् मे़जाःन्‍दुल्‍ले़ नुरे़बारो सदादिङ् आभे़ल्‍ले़साङ् साखि पोङ्‌मारे़ याक्‍पेॽओ मे़घोःन्‍दुल्‍ले़ग पोःक्‍खे़बारो॥