लाम्दिक् 32:13 - लिम्बु13 अब्राहाम, इसहाक नु याकुब आदाङ्बारे़ के़से़वारोबाहाॽ निङ्वाॽ इःत्ते़से़ॽओ, खे़ङ्हाॽनु आदाङ्बारे़ आबाङे के़मिङ्ङो माङ्हुप् के़जोगु हे़क्क्याङ् आदाङ्बारे़ अक्खे के़बाःत्तुआङ् वये़, ‘आङ्गाॽ खिनिॽ मुॽइदाङ्साहाॽ ताङ्साङ्बोबा खेःम्सिक्पाहाॽ कुइसिक् यरिक् चोगुङ्सिङ्ॽ॥ आङ्गाॽ माङ्हुप् चोगुङ्बा कन् के़रे़क् लाजेन् खिनिॽ थिन्दाङ् सायोबोराहाॽ पिरुङ्सिङ्ॽ, हे़क्क्याङ् खे़ङ्हाॽ आभे़ल्ले़ आभे़ल्ले़ थारिक्साङ् खे़न् लाजेःल्ले़ लागि लक्के़घोबा मे़बोङ्ॽ॥’” Gade chapit la |
लाम्दिक् 32:13
23 Referans Kwoze
कर यहवे दाङ्बे़ल्ले़ खिनिॽ लुङ्माॽ के़दुक्तिबाल्ले़ चोगुल्ले़, हे़क्क्याङ् खुने़ॽ खिनिॽ पाधे़बाहाॽनु चोगुबा माङ्हुप्पिन् के़प्मारे़ लागिए यहवे दाङ्बाल्ले़ खुने़ॽ आप्फेक् कुमुक्साम्मिल्ले़ खिनिॽ के़लःत्ति के़भे़त्ति, खे़ब्याङ् मिस्रबा हाङ् फारोल्ले़ कुहुक्कोलाम्, योक् के़म्जोगिबा लाजेॽलाम् चोःक्युम्भो के़बिरि॥
के़रे़क् काःम्मालाम् याप्मि ताङ्गे़से़ःप्पा माङ्लाइङ्बाल्ले़ निङ्वाॽफुमाङ्ङिल्ले़ कन् अङे़ःक्वाहाॽ हाङ्वा मुॽइसाम् पिरुसिररो॥ कङ्हाॽओए आङ्गाॽ आमिङ्ङिन् वाॽररो, हे़क्क्याङ् आङ्गाॽ आम्बा अब्राहाम नु इसहाक्के़ल्ले़ खुन्छिॽ मिङ् सदादिङ् वाॽररो, हे़क्क्याङ् इक्सादिङ् खाम्बेःक्मो कङ्हाॽ निःत्मे़न्दे़त्ते थारिक् मे़बोःन्लरो॥”
आङ्गाॽ आम्बारे़ कुहिम् नु आमनाहाॽरे़ खुन्छिॽ लाजेॽलाम् के़भे़प्पा साङ्ग्राम्पेदाङ् नु इक्सादिङ् खाम्बेःक्मोबा यहवे दाङ्बा निङ्वाॽफुमाङ्ङिन् माङ्हे़क्सिङ्ङाङ् आङ्गाॽनु कम्भलॽरिक् माङ्हुप् चोगुआङ् वाॽ, ‘आङ्गाॽ खे़ने़ॽ के़मुॽइदाङ्साहाॽए कन् लाजेन् पिरुङ्सिङ्॥’ आङ्गाॽ आस्साःल्ले़ कुलागि लत्छा मेःत्थिक् खे़प्मोलाम् फे़प्मा के़सुक्तुर फाॽआङ् खुने़ॽ कुमाङ्ला इङ्बाधिक् खे़ने़ॽ के़दगि पाङ्घुरो॥
के़न्दाङ्घुम्बाल्ले़ चोगुल्ले़ आङ्गाॽ से़क्खाए हाङ्वागे़न् मुॽइसाम् पिने़॥ खे़ने़ॽ के़मुॽइदासाहाॽ फोसुङ्सिङ्ङाङ् ताङ्साक्कोबा खेःम्सिक्पाहाॽ नु वरःङ्ङिल्ले़ कुयाओबा ये़ःङ्घा यारिक् यरिक् चोगुङ्सिङ्ॽ॥ खे़ने़ॽ के़मुॽइदाङ्साहाॽरे़ खुनिॽ निङ्मिहाॽरे़ खुन्छिॽ ये़क्यक्हाॽ मे़नाप्तुसिरो॥
Piblisite