लाम्दिक् 32:11 - लिम्बु11 कर मोसाःल्ले़ यहवे दाङ्बा खुने़ॽ कुनिङ्वाॽफुमाङ्ङिन् पेलि फाक्तुआङ् मे़त्तु, “यहवे दाङ्बाए, खे़ने़ॽ यम्बा के़मुक्साम् नु मुक्साम्साबा के़हुक्किल्ले़ मिस्रलाम् के़लःत्तु के़भे़त्तुसिबा के़मनाहाॽनु खे़ने़ॽ थेआङ् कम्म्याक् साॽरिक् के़साक्के़न्निल्ले़ मि के़बोङ्बाबे? Gade chapit la |
लाम्दिक् 32:11
23 Referans Kwoze
“आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥
यहवे दाङ्बाए, ओमे़त्ते़ॽओ, हे़क्क्याङ् निङ्वाॽ इःत्ते़ॽओ, आदाङ्बारे़ अक्तङ्बा तुक्खे हात् के़जाःत्तुआङ् वाॽबे? थे मे़न्छुमाहाॽरे़ खुन्छिॽ आप्फेक् फक्थुङ्मो मे़ने़स्सुसिबा, खुन्छिॽ आप्फेक् मे़गत्तुसिबा आम्ब्रे़ःङ्वा साहाॽ मे़जसिरबि? निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ यहवे दाङ्बे़ल्ले़ कुसेसेदे़न्नो मे़स्ये़रुसिरबि?
कर आङ्गाॽ आमिङ्सो आधाङ्सोन् से़ःप्मारे़ लागि आङ्गाॽ मे़न्जोःक्पा॥ मिस्रलाम् आङ्गाॽ इस्राइलिहाॽ लःत्तुङ् फे़त्तुङ्सिङ्ङिल्ले़ आङ्गाॽ हाःत्आ फाॽआङ् आप्फेक् ओसेःन्धाङ् पोःक्खाङ्बा के़निबा के़रे़क् पिसाङ्बा मे़न्छाम् सुवाङ्हाॽरे़ खुन्छिॽ लुम्मो आङ्गाॽ आमिङ्ङो सिरिङ्ममा के़बोङ्बा पोःक्खे़र मे़न्जोक्पे़न्॥
यहवे दाङ्बे़ल्ले़ कुदगि याःम्बक् के़जोःक्पा निङ्वाॽफुसाम्बाहाॽ माङ्हिम्मोबा आःम्भोॽ नु ले़त्ति तोःम्मादे़न् लुम्मो मे़हाःप्लरो॥ खे़ङ्हाॽरे़ अक्खे मे़बाःत्तुर, “यहवे दाङ्बाए, के़मनाहाॽ से़ःप्ते़से़ॽओ॥ खे़ने़ॽ के़लक्खोमा मनाहाॽ कुनामे़न्छाॽ पोङ्मा चाहाक् नु मे़न्छाम् सुवाङ्हाॽ लुम्मो कुनामे़न्छाॽ पोङ्मा मे़बाङ्घे़से़न्ने़ॽओ॥ वेॽ सुवाङ्बा मनाहाॽरे़ थेआङ् अक्खे पाःप्मा मे़घोसुरबे? ‘खे़ङ्हाॽरे़ खुन्छिॽ निङ्वाॽफुमाङ्ङिन् आत्ति वाॽबे?’”
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
हे़क्क्याङ् मनाहाॽ मोसाओ मे़द्ये़आङ् मे़मे़त्तु, “यहवे दाङ्बे़ल्ले़ कुदक्ले़ङ्वाओ नु खे़ने़ॽ के़दक्ले़ङ्वाओ पारिगे़आङ् आनिगे लायो चोगुम्बे़आङ् वाॽ॥ खुने़ॽ आनिगे़ओलाम् कन् असेःक्हाॽ खे़त्तुदेसुसिर फाॽआङ् यहवे दाङ्बान् पेलि फाक्ते़ आबिरे़ॽ॥” खे़ब्याङ् खे़न् मनाहाॽरे़ खुन्छिॽ लागि मोसाःल्ले़ पेलिगे़न् तुवा चोगु॥
Piblisite