आङ्गाॽ के़रे़क् इस्राइलि थाःक्हाॽओ खे़ने़ॽ के़सुधे़बा हारुने़न् आङ्गाॽओ माङ्से़वा चोःक्मारे़ लागि निङ्वाॽफुसाम्बा पोङ्से़, मनाहाॽरे़ आङ्गाॽओ सिदुङ्जभा मे़दोन्दुबा ले़त्ति तोःम्मादे़न्नो सिदुङ्जभा तोःन्छे़, सुक्पा-साङ्सिङ् हाःन्छे़ हे़क्क्याङ् आङ्गाॽ आबेसाङ् नाइनासुःत् एपोद चाङ्माआङ् से़वा चोःक्मारे़ लागि सेगुङ्॥ हे़क्क्याङ् के़रे़क् इस्राइलिहाॽरे़ ले़त्ति मे़दोःन्दुबाओलाम् कुभा लक्हाॽ खे़ने़ॽ के़सुधे़बा हिम्सयङ्हाॽरे़ खुनिॽ लागि कप्मा युक् पिरुङ्सिङ्॥
लाम्दिक् 30:7 - लिम्बु7 “ले़त्ति तोःम्मादे़न्नो हारुने़ल्ले़ तानाम् थप्मे सेमिहाॽ तोःक्तुल्ले़ कुनाम्गे़नुॽबा मारुक् सुक्पा हाःन्दुर पोङ्ॽ॥ Gade chapit la |
लाम्दिक् 30:7
20 Referans Kwoze
अम्रामरे़ कुस्साहाॽ हारुन नु मोसा॥ हारुने़न् लाःत्लाःत् मे़से़न्दुआङ् वये़॥ खे़न् नु खुने़ॽ कुमुॽइदाङ्साहाॽ सदादिङ्ले़ लागि हे़क्क्याङ् के़रे़क्नुःल्ले़ सेसे पाःन्हाॽ तोःम्मारे़ लागि, यहवे दाङ्बे़ल्ले़ कुदगि सिदुङ्जभाहाॽ तोःम्मारे़ लागि नु खुने़ॽ कुदगि माङ्से़वा चोःक्मारे़ लागि हे़क्क्याङ् खुने़ॽ कुमिङ्ङो आभे़ल्ले़साङ् हाङ्वागे़न् मुॽइसाम् पिमासिरे़ लागि मे़वये़॥
यहवे दाङ्बे़ल्ले़ मोसाःन्लाम् एलाजारे़न् मे़त्तुआङ् वये़बा हे़क्केए खे़ल्ले़ चोगु॥ हारुनरे़ कुमुॽइदाङ्साहाॽनुःल्ले़ वेॽ आत्तिन् मनाःन्नाङ् सुक्पा हाःन्छे़ निःत्ताङ् मे़दाने़न्ल फाॽआङ् सिङ्सिङ् ये़क्ये़क् लॽमारे़ लागि इस्राइलिहाॽरे़ खुन्छिॽ लागि कन् के़रे़क् पाःन्हाॽ पोःक्खे़आङ् वये़, मेःन्ने़भग्र खे़न्नाङ् कोरहःन् नु खुने़ॽ के़दिम्बा मनाहाॽ हे़क्के खाप्पुथ्यःङ् मे़बोङ्ॽ॥
आल्ल आङ्गाॽआङ् यहवे दाङ्बा आनिङ्वाॽफुमाङ्ङिल्ले़ कुमिङ्ङिल्ले़ लागि लत्छा माङ्हिम् चोःक्माआङ् तोःम्मा नु खुने़ॽ कुदगि कुनाम्गे़नुॽबा सुक्पा हाःम्मा, हे़क्क्याङ् तोःम्मनाबा खरे़ःङ्हाॽ चक्मे़ल्लॽए थे़ःक्पे़त् थे़ःक्पे़त् ने़माआङ् तोःम्मारे़ लागि, हे़क्क्याङ् तानाम्, युःन्छिक् थक्मा, सबाथ, लादुप्पो नु यहवे दाङ्बा आनिॽ निङ्वाॽफुमाङ्ङिल्ले़ निःन्धो चोगुबा तङ्नाम्हाॽओ मिधिङ्मनादेमनाबा वयागे़न् सिदुङ्जभा तोःम्मारे़ लागि खे़न् माङ्हिम्मिन् खुने़ॽ कुलागि तोःम्मा चोगुङ्ल पत्ता॥ इस्राइलरे़ कुलागि कन् लत्छा मे़न्नुप्मना सदादिङ्बा थिम्लो॥
खे़ङ्हाॽरे़ खुने़ॽ नादुम्दुम्बा मे़मे़त्तु, “उज्जियाहए, यहवे दाङ्बे़ल्ले़ कुलागि सुक्पा हाःम्मा याःम्बक्किन् आदाङ्बारे़न् मेःन्॥ कन् याःम्बक्किल्ले़ लागिग तोःम्मनाबा हारुनरे़ कुधाःक्कोबा निङ्वाॽफुसाम्बाहाॽ मे़वाॽ॥ सेसेदे़न्नोलाम् लःन्दे़आङ् पेगे़ॽ, थेआङ्भे़ल्ले़ आदाङ्बारे़ नसान् के़ले़क्खुआङ् वाॽ॥ यहवे दाङ्बा निङ्वाॽफुमाङ्लाम् आदाङ्बारे़ थे़मा इङ्धाङ्ङाङ् के़ङ्घोसुन्ॽ॥”
इग्र च्याज्या पाःन्निल्ले़ कुयाःम्बेओ खे़ल्ले़ मे़न्वाॽमनाबा पाःन्नो माङ्हे़क्सिङ्ङाङ् वाॽने़भग्र, खे़ल्ले़ कन् के़रे़क् पाःन्हाॽओ कुलक् ङासि योॽरुआङ् के़रे़क् नुःक्तुर पोङ्ॽ॥ खे़ल्ले़ आप्तिक्लाम् ले़प्मि खोमा सिदुङ्जभा तोःन्दुबा ये़न्निल्ले़ याःन्दिक्के खे़न् सामाःन् हाःत्ले़ कुसामा वये़, खुने़ॽए खे़न् नुःक्तुर पिरुर पोङ्ॽ॥
Piblisite