लाम्‍दिक् 30:23 - लिम्‍बु

²³ “खे़ने़ॽ नुःब्‍नुबा मारुक्, इग्र ५०० सेकेल कुवा मुर्र नु खे़ल्‍ले़ कुभ्रे़ःङ्, इग्र २५० सेकेल सिन्‍काउलिःल्‍ले़ कुभे़क्‌वा, हे़क्‍क्‍याङ् २५० सेकेल कुनाम्‍गे़नुॽबा लुप्‍लाःक्,

लाम्‍दिक् 30:23 Referans Kwoze

इजकिएल 27:19

हे़क्‍क्‍याङ् खे़ङ्‌हाॽरे़ उजाललाम् चे़ल्‍ले़क्‍सेॽ थिःल्‍ले़ मे़धिम्‍सुबा कुयाङ्‌माहाॽरे़ खे़ने़ॽ के़जिगक्‌वाहाॽ मे़ले़क्‍तु॥ खे़ने़ॽ के़जिगक्‌वाहाॽरे़ लागि मे़भे़ःत्‍छुबा फे़न्‍जेॽ, बबुल सिङ् नु कुनाम्‍गे़नुॽबा मारुक्‍हाॽ मे़ले़क्‍तुआङ् वये़॥

सोलोमनरे़ कुसाम्‍लो 4:14

चतामसि, चाःन्‍द्रुक्, लुप्‍लाःक्, सोरङ्‌बा हे़क्‍क्‍याङ् के़रे़क् परिक्‍पा सुक्‍पाहाॽ, खे़प्‍मो मुर्र नु खाम्‍दोलि, काक् परिक्‍ले़न् नुबा कुनाम्‍गे़नुॽबा मारुक्‍हाॽ॥

इजकिएल 27:22

खे़ने़ॽ के़जिगक्‌वाहाॽरे़ लागि कुले़क्‌वाओ सेबा नु रामाहबा ले़ङ्‌हङ्‌बाहाॽ खुन्‍छिॽ के़रे़क् परिक्‍पा मारुक्‍हाॽ, मुधिङ्‌हाॽ, हे़क्‍क्‍याङ् साम्‍म्‍याङ्‌हाॽ मे़भे़त्तुआङ् मे़भे़रे़॥

यर्मिया 6:20

सेबा लाजेॽलाम् नु माःङ्‌घा लाजेॽलाम् कुनाम्‍गे़नुॽबा सुक्‍पा हे़क्‍क्‍याङ् मारुक्‍हाॽ थेःल्‍ले़ लागि आङ्‌गाॽओ मे़दारुबाइरो? आङ्‌गाॽ खे़ङ्‌हाॽरे़ खुन्‍छिॽ मिधिङ्‌मनादेमनाबा सिदुङ्‌जभान् मे़दाःक्‍कान्‍लो, खे़ब्‍याङ् खे़ङ्‌हाॽरे़ खुन्‍छिॽ वयागे़न् सिदुङ्‌जभाःल्‍ले़आङ् आनिङ्‌वाॽ मे़दाने़ल्‍लो॥

सोलोमनरे़ कुसाम्‍लो 1:13

लुङ्‌माॽ हिःप्‍तुङ्‌बे़न् आसाङ्‌बेओ फोःम्‍मनाआङ् के़बप्‍पा पाङ्‌बःत् फुङ्‌मे़ल्‍ले़ कुसुङ्‌मे़न् हे़क्‍के लॽरो॥

सोलोमनरे़ कुसाम्‍लो 1:3

खे़ने़ॽ के़नाम्‍नुॽमान् चाॽरिक् सिराॽके़धाङ्‌बा चोक्, खे़ने़ॽ के़मिङ्‌ङिन् फुङ्‌नाम् हुङ्‌मनाबा हे़क्‍के लॽरो॥ खे़ल्‍ले़चोगुल्‍ले़ मे़न्‍छुमा हिन्‍जाॽहाॽरे़ खे़ने़ॽ लुङ्‌माॽ के़न्‍हिःप्‍लो॥

खाहुन् 7:17

आङ्‌गाॽ आने़त्‍नान् मारुक्, खाम्‍दोलि नु नाम्‍सिङ् से़सुङ्‌ङाङ् कुनाम्‍गे़नुॽबा चोगुङ्‌ङाङ् ने़रो॥

निङ्‌वाॽफु साम्‍लोसुम् 45:8

के़जाङ्‌हाॽ के़रे़क् पाङ्‌बःत्‍फुङ्, से़म्‍भुङ् नु अन्‍दङ्‌भुङ् हे़क्‍के कुनाम्‍नुॽरो॥ तक्‍मिबाल्‍ले़ केःङ्‌ङिल्‍ले़ चोःक्‍मनाबा हाङ्‌हिम्‍मो मुक्‍ला के़मुङ्‌बाहाॽरे़ के़सिराॽथाङ्‌ल के़म्‌याःन्‍लो॥

लाम्‍दिक् 37:29

खुने़ॽ माङ्‌थोःक्‍ना पिमासि सुत्‍थो निःङ्‌गेॽ नु फुङ्‌नाम् के़जोःक्‍पाल्‍ले़ कुइसिक् साॽरिक् कुनाम्‍गे़नुॽबा सुत्‍थो सुक्‍पा चोगुरो॥

लाम्‍दिक् 25:6

सेमि हाःम्‍मारे़ लागि चैतुन निःङ्‌गेॽ, माङ्‌थोःक्‍ना चोःक्‍मा निःङ्‌गेॽरे़ लागि मारुक्‍हाॽ नु कुनाम् के़नुॽबा सुक्‍पारे़ लागि मारुक्‍हाॽ

लाम्‍दिक् 30:22

याम्‍मो यहवे दाङ्‌बे़ल्‍ले़ मोसान् मे़त्तु,

लाम्‍दिक् 30:24

खम्‍भ्‍याङ् ५०० सेकेल नाम्‍सिङ्—कन् के़रे़क्‍ले़ कुधाङ्‌मान् सेसेदे़न्‍नोबा कुधाङ्‌मा कुइसिक् पोङ्‌ल—हे़क्‍क्‍याङ् हिन् थिक् चैतुन निःङ्‌गेॽ तेॽरे़ॽ॥

लाम्‍दिक् 31:11

खम्‍भ्‍याङ् सेसेदे़न्‍निल्‍ले़ लागि माङ्‌थोःक्‍ना पिमासि निःङ्‌गेॽ नु कुनाम्‍गे़नुॽबा सुक्‍पान् खे़ङ्‌हाॽरे़ मे़जोगुर॥ आङ्‌गाॽ खे़ने़ॽ पिने़बा के़रे़क् इङ्‌जाङ्‌हाॽ कुइसिक् खे़ङ्‌हाॽरे़ मे़जोगुररो॥”

लाम्‍दिक् 35:28

सेमिरे़ लागि निःङ्‌गेॽ, माङ्‌थोःक्‍ना पिमासि निःङ्‌गेॽरे़ लागि मारुक् नु कुनाम्‍गे़नुॽबा सुक्‍पा हाःम्‍मारे़ लागि मारुक् मे़दारु॥

१ सामुए़ल 10:1

हे़क्‍क्‍याङ् सामुए़लरे़ कान्‍द्‌याधिक निःङ्‌गेॽ याङ्‌सिङ्‌ङाङ् खे़न्‍निन् सावलरे़ कुधे़गेक् सम्‍धाङ् हुक्‍खु॥ हे़क्‍क्‍याङ् चुप् मे़त्तुआङ् अक्‍खे मे़त्तु, “यहवे दाङ्‌बाल्‍ले़ खे़ने़ॽ इस्राइलि कुमनाहाॽओ लाम्‍लोबा याःम्‍बक् चोःक्‍मारे़ लागि के़सेःन्‍दे़आङ् वाॽ॥

१ हाङ् 1:39

निङ्‌वाॽफुसाम्‍बा सादोकरे़ सेसे साःङ्‌गाहिम्‍मोलाम् निःङ्‌गेॽ याङ्‌मा सादाङ्‌ङिन् याङ्‌सिङ्‌ङाङ् सोलोमने़न् निःङ्‌गेःल्‍ले़ हाङ् माङ्‌थोःक्‍ना पिरु॥ खे़ब्‍याङ् खे़ङ्‌हाॽरे़ सादाङ्‌ङिन् मे़मुःत्तु हे़क्‍क्‍याङ् के़रे़क् मनाहाॽ मे़अःक्‍ते़आङ् मे़बाःत्तु, “सोलोमन हाङ्‌ङिन् कुधाःक् चाॽररो!”

१ साप्‍मुःन्‍धुम् 9:30

कर कुभा कुभा निङ्‌वाॽफुसाम्‍बाहाॽरे़ मारुक्‍हाॽ मे़भःन्‍दुआङ् यारिप् मे़जोगु॥

यसैया 43:24

खे़ने़ॽ आङ्‌गाॽ आलागि कुनाम् के़से़बा लुप्‍लाःक्‍के़न् के़न्‍इङुन्‍लो, खे़ने़ॽ सासोःत्तिल्‍ले़ सिदुङ्‌जभा के़न्‍दोःन्‍दुन्‍नाङ् आसिक् मे़एःप्‍तुन्‍लो॥ कर खे़ने़ॽ के़लायोल्‍ले़ कक् के़गुःत्ताङ्‌ङाङ् वाॽरो, खे़ने़ॽ के़लायोल्‍ले़ चोगुल्‍ले़ नासाङ्‌ल के़याःन्‍दाङ्‌ङाङ् वाॽरो॥

खानिःत् 4:16

“निङ्‌वाॽफुसाम्‍बा हारुने़ल्‍ले़ कुस्‍सा एलाजारे़ल्‍ले़ कुलक्‍पे़न्‍नो हुक्‍सुप्‍मनाबा पाःन्‍हाॽ हाबा कन्‍हाॽरो—सेमि हाःम्‍मारे़ लागि निःङ्‌गेॽ, कुनाम्‍गे़नुॽबा सुक्‍पा, थिक्‌याःन्‍धक्‍पा पोगुगे़न् कुजा सिदुङ्‌जभा, माङ्‌थोःक्‍ना पिमा निःङ्‌गेॽ—के़रे़क् सेसेदे़न्‍निन् नु खे़प्‍मो के़युङ्‌बा खक्‍पे़त् सामापुमाहाॽ॥”

१ साप्‍मुःन्‍धुम् 9:29

खे़ङ्‌हाॽओबा कुभा वेॽ सामाहाॽ हे़क्‍क्‍याङ् सेसेदे़न्‍नोबा वेॽ के़रे़क् खप्‍प्‍या सामाहाॽ नु फेॽदुम्, चे़ल्‍ले़क्‍सेॽ सेजःङ्‌वा, चैतुन निःङ्‌गेॽ, सुक्‍पा नु मारुक्‍हाॽ ओमे़प्‍मारे़ लागि मुरा मे़मे़त्तुसिआङ् मे़वये़॥