लाम्दिक् 30:10 - लिम्बु10 तङ्बेरे़ थिक्ले़ङ् हारुने़ल्ले़ लायोलाम् ले़प्मि नाःक्मा वयागे़न् सिदुङ्जभाःल्ले़ कुमाक्खिन् खे़प्मोबा कुदाङ्हाॽओ हुःत्तुॽ हे़क्क्याङ् ले़त्ति तोःम्मादे़न्निन् सुत्थो चोःक्मा थिम् चोगुआङ् सेसे सासाङ् चोगुर॥ के़दाबा ये़म्मो सदादिङ्ले़ लागि तङ्बे थक्मा अक्खे चोःक्मा पोङ्ॽ॥ कन् ले़त्ति तोःम्मादे़न्निन् के़रे़क् सेसेसाङ्साङ् पोङ्मा पोङ्ॽ हे़क्क्याङ् यहवे दाङ्बाओ तोःम्मा पोङ्लो॥” Gade chapit la |
लाम्दिक् 30:10
18 Referans Kwoze
कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
यहवे दाङ्बे़ल्ले़ मोसान् मे़त्तु, “खे़ने़ॽ के़म्भुॽ हारुने़न् सन्दोक्किल्ले़ कुसम्धाङ् के़युङ्बा कुदे़प्फेल्ले़ कुदगि फोःन्दा सिगाङ्बा साॽरिक् सेसेबादे़न्नो कुनिङ्वाॽ पाःत्पाःत् मे़दाने़न्ल फाॽआङ् मे़त्ते़ॽ॥ मेःन्ने़भग्र खुने़ॽ सिरो, थेआङ्भे़ल्ले़ आङ्गाॽ सन्दोक्किल्ले़ कुसम्मोबा लायोलाम् ले़प्मि खोमा कुदे़प्फेःल्ले़ कुसम्धाङ् खाॽमिःत्तो आङ्गाॽ ओसेःन्धाङ् पोङ्ङा॥
कर हारुन नु खुने़ॽ कुमुॽइदाङ्साहाॽरे़ सुक्पा हाःम्मा ले़त्ति तोःम्मादे़न्नो सुक्पा नु मिधिङ्मनादेमनाबा ले़त्ति तोःम्मादे़न्नो मिधिङ्मनादेमनाबा सिदुङ्जभा मे़दोन्दु॥ खे़ङ्हाॽरे़ के़रे़क्नुःल्ले़ साॽरिक् सेसेबादे़न्नो चोःक्मा के़बोङ्बा याःम्बक् नु निङ्वाॽफुमाङ्लाम् ले़प्मि नाःक्मारे़ लागि चाहा के़जोःक्पा लायोलाम् ले़प्मि खोमा मिधिङ्मादेमनाबा सिदुङ्जभा तोःम्मा याःम्बक् चोःक्मा के़बोङ्बा वये़॥ निङ्वाॽफुमाङ्ङिल्ले़ कुसे़वारोबा मोसाःल्ले़ पिरुसिबा इङ्जाङ् कुइसिक् खे़ङ्हाॽरे़ के़रे़क् याःम्बक्हाॽ मे़जोगु॥
खे़न् एगाङ् निङ्वाॽफुसाम्बाल्ले़ तुम्मादे़न् साःङ्गाहिम् सिगाङ् के़युङ्बा कुनाम्गे़नुॽबा सुक्पा ले़त्ति तोःन्मादे़न्नोबा ताङ्हाॽओ यहवे दाङ्बाल्ले़ कुबेसाङ् खे़न् माक्खिॽओलाम् कुभा तारुर, हे़क्क्याङ् से़गम्बाल्ले़ के़नम्बा कुमाक्खिन् तुम्मादे़न् साःङ्गाहिम्मोबा लाम्धेःत्तो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
खे़न् एगाङ् तुम्मादे़न् साःङ्गाहिम् सिगाङ् के़युङ्बा ले़त्ति तोःम्मादे़न्नोबा ताङ्हाॽओ खे़ल्ले़ यहवे दाङ्बे़ल्ले़ कुदगि खे़न् माक्खिॽओलाम् कुभा हुःत्तुर, हे़क्क्याङ् के़रे़क् के़नम्बा माक्खिन् तुम्मादे़न् साःङ्गाहिम् लाःप्मादे़न्नो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
Piblisite