लाम्‍दिक् 3:21 - लिम्‍बु

²¹ “आङ्‌गाॽ मिस्रिहाॽरे़ खिनिॽ नुरिक् के़म्‍मे़त्तिर चोगुङ्‌ॽ हे़क्‍क्‍याङ् आङ्‌गाॽ आमनाहाॽ खे़प्‍मोलाम् से़म्‍मुॽइ मे़बोङ्‌ङिल्‍ले़ हुक्‍को थे़माआङ् मेःन्‍ने मे़ल्‍लःन्‍ने़न् मे़म्‍बेःक्‍ने़न्॥

लाम्‍दिक् 3:21 Referans Kwoze

लाम्‍दिक् 12:36

यहवे दाङ्‌बे़ल्‍ले़ मिस्रिहाॽरे़ इस्राइलिहाॽ नुरिक् मे़मे़त्तुसिर चोगु, हे़क्‍क्‍याङ् इस्राइलिहाॽरे़ मे़नाःक्‍तुबा पाःन्‍हाॽ मिस्रहाॽरे़ के़रे़क् मे़बिरुसिर चोगु॥ कम्‍भलॽरिक् मिस्रिहाॽरे़ खुन्‍छिॽ याङ्‌साकुन्‍धेहाॽ इस्राइलिहाॽरे़ मे़देॽरुआङ् मे़बेरो॥

निङ्‌वाॽफु साम्‍लोसुम् 105:37

मिस्र लाजेॽलाम्‍बा खुने़ॽ इस्राइलिहाॽ लःत्तु थाक्‍तुसिरो, खे़ङ्‌हाॽरे़ साम्‍म्‍याङ् युप्‍पाहाॽ मे़धाक्‍तुआङ् मे़धाङे़रो, हे़क्‍क्‍याङ् खे़ङ्‌हाॽओ हाःत्ताङ् मे़न्‍जोःन्‍दे़न् मे़ङ्‌गे़ङे़ल्‍लो॥

लाम्‍दिक् 11:3

हे़क्‍क्‍याङ् इस्राइलिहाॽ मिङ्‌सो इङ्‌धाङ् पिमासि निङ्‌वाॽ यहवे दाङ्‌बे़ल्‍ले़ मिस्रिहाॽ पिरुसि॥ से़क्‍खाःल्‍ले़ के़रे़क् सुहाङ्‌गे़म्‍बा नु मनाहाॽरे़ मोसान् लत्‍छा साॽरिक् यम्‍बा मना मे़लेःत्तुॽ॥

खाहुन् 16:7

मनाःल्‍ले़ कुलाम्‍हाॽ यहवे दाङ्‌बे़ल्‍ले़ कुसिराॽ के़धाङ्‌बा पोङ्‌ङिल्‍ले़, खुने़ॽ खे़ल्‍ले़ कुनिङ्‌मिहाॽआङ् खे़न्‍नु नादङ् चोगुआङ् कत्तुसिरो॥

निङ्‌वाॽफु साम्‍लोसुम् 106:46

खुने़ॽ खे़न् तुक्‍खे के़जाःप्‍पाहाॽरे़ खे़ङ्‌हाॽ लुङ्‌माॽ मे़दुक्‍तुसिर चोगुसिरो॥

तोलिङ्‌सोमु 39:21

कर यहवे दाङ्‌बान् युसुफे़न्‍नु वये़, हे़क्‍क्‍याङ् खुने़ॽ खे़न् कुलुङ्‌माॽ स्‍याःत् लॽरे़, हे़क्‍क्‍याङ् खे़न् पुङ्‌लाहिम् ओगे़मप्‍पा सुहाङ्‌गे़म्‍बाल्‍ले़ खुने़ॽ नुरिक् मे़त्तुर याःन्‍दु॥

सेःक्‌युक्‍मिबाहाॽ 7:10

हे़क्‍क्‍याङ् खुने़ॽ कुदुक्‍खेवालाम् से़ःप्‍तुरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ खुने़ॽ लुङ्‌माॽ तुक्‍तुआङ् सिक्‍कुम्‍दिङ् निङ्‌वाॽ पिरुबाल्‍ले़ चोगुल्‍ले़ फारो हाङ्‌ङिल्‍ले़ खुने़ॽ मिङ्‌सो इङ्‌धाङ् पिरुर मिस्र लाजेॽ नु कुयाङ्‌साकुन्‍धे सम्‍दाङ् सुहाङ्‌युक्‍पा चोगुरो॥

नहेम्‍याह 1:11

यहवे दाङ्‌बाए, आङ्‌गाॽ चोगुङ्‌बा तुवान् खे़प्‍से़ॽओ॥ खे़ने़ॽ मिङ्‌सो इङ्‌धाङ् पिमा निङ्‌वाॽ के़जोःक्‍पा खे़ने़ॽ के़से़वारोबाहाॽरे़ खुनिॽ पेलिओ निङ्‌वाॽ पिरे़ॽओ॥ आङ्‌गाॽ आइन् कुलिङ्‌दो के़त्ताङ्‌ङे़ॽओ हे़क्‍क्‍याङ् हाङ्‌ङिन् आङ्‌गाॽ लुङ्‌माॽ तुक्‍कार याःन्‍दे़ॽओ॥” खे़न् ये़न्‍नो आङ्‌गाॽ हाङ्‌ङिल्‍ले़ कुसेॽजःङ्‌वा के़दोम्‍बा लत्‍थिक् सुहाङ्‌युक्‍पा वयाङ्‌लो॥

लाम्‍दिक् 12:35

हे़क्‍क्‍याङ् इस्राइलिहाॽरे़ मोसाःल्‍ले़ मे़त्तुसिबा हे़क्‍के मे़जोगुआङ् वये़, खे़ङ्‌हाॽरे़ मिस्रिहाॽलाम्‍बा साम्‍म्‍याङ् युप्‍पा वाःत्ति सामाहाॽ नु तेःप्‍फुङ्‌हाॽ मे़नाःक्‍तुसि॥

१ हाङ् 8:50

हे़क्‍क्‍याङ् खे़ने़ॽ के़दक्‍ले़ङ्‌वाओ लायो के़जोःक्‍पा खे़ने़ॽ के़मनाहाॽ ले़प्‍मि पिरे़से़ॽओ, हे़क्‍क्‍याङ् खे़ङ्‌हाॽरे़ खुन्‍छिॽ के़रे़क् फे़न्‌याःम्‍बक्‍हाॽ ले़प्‍मि पिरे़से़ॽओ, खे़ब्‍याङ् खुन्‍छिॽ के़नाःम्‍बाहाॽरे़ खे़ङ्‌हाॽ लुङ्‌माॽ मे़दुक्‍तुसिर याःन्‍दे़से़ॽओ॥

तोलिङ्‌सोमु 15:14

कर खे़ङ्‌हाॽ योःक्‍पा के़जोःक्‍पा सुवाङ्‌हाॽ आङ्‌गाॽ खुम्‍दिङ् पिरुङ्‌सिङ्, हे़क्‍क्‍याङ् याङ्‌सि खे़ङ्‌हाॽ साॽरिक् यरिक् याङ्‌साकुन्‍धेनु मे़लन् मे़भे़न्‍लो॥

लाम्‍दिक् 11:2

आल्‍ल इस्राइलि मे़न्‍छुमा ये़म्‍बित्‍छा के़रे़क्‍ले़ खुन्‍छिॽ हिम्‍बेसाङ्‌बाहाॽ साम्‍म्‍याङ् नु युप्‍पा वाःत्ति सामाहाॽ मे़नाःक्‍तुसिर याःन्‍दे़से़ॽ॥”

साम्‌योथिम् इङ् 15:13

खे़न् चोःक्‌युम्‍भो पोङ्‌ङाङ् पेःक्‍किल्‍ले़ थे़माआङ् मेःन्‍ने मे़बाङ्‌घाम् मे़देसे़म्‍मिन्‍ने़ॽ,