लाम्दिक् 3:18 - लिम्बु18 “इस्राइलबा लाम्लोबाहाॽरे़ खे़ने़ॽ के़बाःन्निन् मे़घे़प्सुॽ॥ खे़ब्याङ् खे़ने़ॽ नु इस्राइलबा खे़न् लाम्लोबाहाॽ मिस्रबा हाङ्ङे़ओ के़बेगिॽ, हे़क्क्याङ् खिनिॽ खे़न् अक्खे के़मे़त्तुम्ॽ, ‘यहवे दाङ्बा हिब्रुहाॽरे़ खुनिॽ निङ्वाॽफुमाङ्ङिन् आनिगे तुम्से़ ये़आङ् वाॽ, खे़ब्याङ् यहवे दाङ्बा आनिगे निङ्वाॽफुमाङ्ङिल्ले़ कुलागि वयागे़न् सिदुङ्जभा तोःन्छे़ मुरे़क् खारे़क्पा थेआङ् के़होप्पादे़न्नो सुम्यान्बा लाम्दिःक्को पेःक्मा आभाःक्ते़ॽ॥’ Gade chapit la |
लाम्दिक् 3:18
40 Referans Kwoze
हे़क्क्याङ् खुने़ॽ मे़त्ते़ॽ, ‘यहवे दाङ्बा, हिब्रुहाॽरे़ खुनिॽ निङ्वाॽफुमाङ्ङिल्ले़ कुमनाहाॽ पेःक्मा फाःक्ते़से़ॽ खम्भ्याङ् खे़ङ्हाॽरे़ मुरे़क् खारे़क् थेआङ् के़होप्पादे़न्नो खुने़ॽ माङ्से़वा मे़मे़त्तुॽ फाॽआङ् के़मे़त्छे़ खुने़ॽ आङ्गाॽ पाङ्घाङ्बा॥ कर आल्ल थारिक् खे़ने़ॽ के़ङ्घे़प्सुन्॥
कल्ले़चोगुल्ले़ मोसान् नु हारुने़न् फारोओ पेसे़त्छिआङ् मे़त्ते़सु, “हिब्रुहाॽरे़ खुनिॽ निङ्वाॽफुमाङ् यहवे दाङ्बाल्ले़ पाःत्तुॽ, ‘आप्फाल्ले़ थारिक् खे़ने़ॽ आङ्गाॽ आदगि नःम्सिङ्मा के़न्दे़न्ने़म्बाबे? आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽ मे़बेःक्काङ् आङ्गाॽ माङ्से़वा मे़मे़त्तार॥
“पेगे़ॽआङ् इस्राइलबा लाम्लोबाहाॽ थिक्मे़त् फुक्खे़से़ॽ हे़क्क्याङ् यहवे दाङ्बा खिनिॽ ताक्थे़बा अब्राहाम, इसहाक नु याकुबरे़ कुनिङ्वाॽफुमाङ्ङिल्ले़ खे़ने़ॽ सुफो पिने़बा फाॽआङ् खे़ङ्हाॽ मे़त्ते़से़ॽ, खुने़ॽ खे़ङ्हाॽरे़ खुनिॽ लुम्मो ये़आङ् वाॽ हे़क्क्याङ् मिस्रिहाॽरे़ खे़ङ्हाॽ थे मे़मे़त्तुसिर मे़वाॽ खे़न् के़रे़क् आङ्गाॽ निसुङ्ङाङ् वाॽ॥
हे़क्क्याङ् निङ्वाॽफुमाङ्ङिल्ले़ मोसान् मे़त्तु, “आङ्गाॽ खे़ने़ॽनु वाॽआ, खे़ब्याङ् आङ्गाॽ खे़ने़ॽ पाङ्ने़बा के़लॽबा पाःन्निल्ले़ मिक्सेःन्निन् खे़ने़ॽओ कन् पोङ्ॽ—खे़ने़ॽ खे़न् मनाहाॽ मिस्रलाम्बा के़लःत्तु के़भे़त्तुसिल्ले़ खे़निॽ कन् कोःक्माओ निङ्वाॽफुमाङ्ङिन् माङ्से़वा के़मे़त्तुम्॥”
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
खे़न् एगाङ् मोसान् नु हारुने़न् मिस्रबा हाङ्ङे़ओ पेसे़त्छिआङ् मे़त्ते़सु, “इस्राइलबा निङ्वाॽफुमाङ् यहवे दाङ्बे़ल्ले़ अक्खे पाःत्तुॽ, ‘आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽरे़ मुरे़क् खारे़क् थेआङ् के़होप्पादे़न्नो आङ्गाॽ माङ्से़वा मे़प्मारे़ लागि लत्छा तङ्नाम्धिक् मे़दोसुर॥’”
मोसान् नु हारुने़ल्ले़ नोगप् पिरे़त्छुआङ् मे़त्ते़सु, “हिब्रुहाॽरे़ खुन्छिॽ निङ्वाॽफुमाङ्ङिल्ले़ आनिगे मिक् निमा सुफो पिरिगे़आङ् वाॽ॥ मुरे़क् खारे़क् थेआङ् के़होप्पादे़न्नो सुम्यान् थारिक् लाम्दिक् चोःक्मा आनिगे आभाःक्ते़ॽ हे़क्क्याङ् आनिगे खे़प्मो पेगिगे़आङ् आनिगे यहवे दाङ्बा निङ्वाॽफुमाङ्ङो सिदुङ्जभा तोःन्दुम्बे़॥ आनिगे अक्खे मे़जोगुम्बे़न्ने़भग्र माङ्दुक्मा इग्र थङ्लाम्बा खुने़ॽ खाप्पुथ्यःङ् चोगिगे़॥”
Piblisite