लाम्दिक् 3:17 - लिम्बु17 मिस्र लाजेॽबा तुक्खे लाक्खेलाम् खुने़ॽ खिनिॽ के़लःत्तिआङ् लत्छा पित्नु नु सक्वाघु के़गुङ्बा लाजेॽ के़ने़बा लाजेॽओ के़गे़त्ति फाॽआङ् खुने़ॽ कुत्चाॽ निःन्धो चोगुआङ् वाॽ॥ खे़न् लाजेःङ्ग कनानि, हित्ति, एमोरि, परिज्जि हिब्बि नु यबुसिहाॽरे़ खुन्छिॽ लाजेॽरो॥ Gade chapit la |
लाम्दिक् 3:17
22 Referans Kwoze
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
इस्राइलिसे खे़प्से़म्मे़ॽ, कन्हाॽ के़रे़क् इःप्मा नाःप्मारे़ लागि सिङ्सिङ् ये़क्ये़क् लॽरे़म्मे़ॽ, खे़ब्याङ् खिनिॽ के़नुरि के़दासिर, हे़क्क्याङ् यहवे दाङ्बा खिनिॽ पाधे़बाहाॽरे़ खुनिॽ निङ्वाॽफुमाङ्ङिल्ले़ खिनिॽनु माङ्हुप् चोगुबा कुइसिक् पित्नु नु सक्वाघु के़गुङ्बा लाजेॽओ खिनिॽ यरिक् के़बोःन्दि के़धे़ॽरिॽआङ्लो॥
आल्ल यर्दन वहःङ् नाम्धा पिसाङ्बा के़रे़क् हाङ्हाॽरे़ थे़मा पोःक्खे़आङ् वये़ के़लॽबा पाःन्निन् मे़घे़प्सु॥ कन् हाङ्हाॽग नाम्धा पिसाङ्बा थे़गु माङ्वाहाॽओबा लाजेॽहाॽओ नु लुम्बाङ् वरःङ्ङिल्ले़ कुया कुया लेबनान थाङ्गे़त् ले़प्माङ् कोःक्माहाॽओ थारिक् के़युङ्बा हित्ति, एमोरि, कनानि, परिज्जि, हिब्बि नु यबुसिहाॽ मे़वये़॥
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
Piblisite