लाम्दिक् 29:1 - लिम्बु1 “खे़ङ्हाॽरे़ निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् मे़जोगुर फाॽआङ् खे़ङ्हाॽ सेसे चोःक्मासि खे़ङ्हाॽरे़ खुन्छिॽ लागि चोःक्मा के़बोङ्बा याःम्बक्किन् आम्भा कन्लो—लत्छा पित्सात् नु ने़त्छि वरिक्लिक्पा मे़ल्लुक्हाॽ तारे़से़ॽआङ् त्ये़ॽ, Gade chapit la |
लाम्दिक् 29:1
23 Referans Kwoze
कर थे हारुने़ल्ले़ कुधाःक्कोबा यहवे दाङ्बे़ल्ले़ कुनिङ्वाॽफुसाम्बाहाॽ नु ले़बिहाॽ खिनिॽ के़लःत्तुम् के़देसुम्सिम्माङ् वेॽ लाजेॽबा थिम् कुइसिक् खिनिॽ आप्फेक् निङ्वाॽफुसाम्बाहाॽ युक्तिङ् के़जोगुम्सिम्माङ् मे़न्वाॽने़म्बि? कुभा मनाधिक् खुने़ॽ तोःन्छिङ्मारे़ लागि पित्सात् थिक् नु नुसि थुःम्बाहाॽ तारुसिआङ् ताःल्ले़ थे खे़न् माङ् मेःम्बान् माङ्ङिल्ले़ कुनिङ्वाॽफुसाम्बा फाॽआङ् खिनिॽ के़दाःक्तुम्बि?
हे़क्क्याङ् ले़त्ति तोःम्मादे़न्नो के़युङ्बा सामाक्खिन् नु माङ्थोःक्ना पिमा निःङ्गेॽओलाम् आजे़ःत्छिक् याङ्सिङ्ङे़ॽआङ् हारुने़न् नु खुने़ॽ कुजाङ्हाॽओ हे़क्क्याङ् खुने़ॽ कुस्साहाॽरे़ खुन्छिॽ सम्धाङ् नु खुन्छिॽ चाङ्हाॽरे़ कुसम्धाङ् साक्खे़ॽ॥ कम्भलॽरिक् खुने़ॽ, खुने़ॽ कुस्साहाॽ नु खे़ङ्हाॽ के़रे़क्ले़ खुन्छिॽ चाङ्हाॽआङ् सेसेसाङ्साङ् पोङ्ॽ॥
कुहुक्वा के़नुॽबा आक्ख्यारिक् मे़वाॽ आङ्गाॽ खे़ङ्हाॽ अक्तङ्बा पाःन्नो सिक्कुम्दिङ् निङ्वाॽरे़ कुधिम् चोगुङ्सिङ्ङाङ् मे़वाॽ, खे़ङ्हाॽरे़ हारुने़न् कन् याःम्बक्को युक्तिङ् चोःक्मारे़ लागि खुने़ॽ कुजाङ्ङिन् यारिप् मे़जोगुर फाॽआङ् खे़ने़ॽ खे़ङ्हाॽ मे़त्ते़से़ॽ, हे़क्क्याङ् खे़ल्ले़ निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् चोगुर॥
थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
हारुने़न् नु खुने़ॽ कुस्साहाॽ आत्तिन् ये़न्नो निङ्वाॽफुसाम्बा ताक्फाओ यहवे दाङ्बाल्ले़ कुलागि माङ्से़वा चोःक्से़ माङ्थोःक्ना मे़बिरुसिआङ् मे़वये़, हाबा खे़ल्ले़ याःन्दिक्के यहवे दाङ्बे़ल्ले़ कुलागि मिओलाम् यहवे दाङ्बाओ तोःम्मनाबा सिदुङ्जभाहाॽलाम् कन् खे़ङ्हाॽरे़ खुन्छिॽ लक् पोःक्खे़आङ् वये़॥
Piblisite