लाम्दिक् 28:41 - लिम्बु41 खे़न् चाङ्वाःन्हाॽ खे़ने़ॽ के़म्भुॽ नु कुस्साहाॽ चाक्ते़से़ॽ हे़क्क्याङ् खे़ङ्हाॽ माङ्थोःक्ना पिरे़से़ॽआङ् युक्तिङ् चोगे़से़ॽ॥ खे़ङ्हाॽ सेसे चोगे़से़ॽ, खम्भ्याङ् खे़ङ्हाॽरे़ निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् मे़जोगुर॥ Gade chapit la |
लाम्दिक् 28:41
24 Referans Kwoze
खे़ने़ॽ खे़ङ्हाॽरे़ खुन्छिॽ पानुदिङ् पान् माङ्थोःक्ना के़बिरुबा हे़क्केए खे़ङ्हाॽआङ् माङ्थोःक्ना पिरे़से़ॽ, खम्भ्याङ् खे़ङ्हाॽरे़ निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् मे़जोगुर॥ खे़ङ्हाॽरे़ खुन्छिॽ लागि माङ्थोःक्नाःङ्ग लत्छा सदादिङ् के़वाॽबा निङ्वाॽफुसाम्बा ताक्फा कुइसिक् खे़ङ्हाॽरे़ खुन्छिॽ के़रे़क् थाःक्हाॽरे़ लागि पोङ्ॽ॥”
हम्भ्याङ् खे़ङ्हारे़ खुन्छिॽ थे़गेःक्पो फे़ता खेःक्खे़ पिरे़से़ॽ॥ खे़ब्याङ् हारुने़न् नु खे़ल्ले़ कुस्साहाॽ फॽइ युप्ते़से़ॽ॥ सदादिङ् के़वाॽबा साक्थिक्लाम् खे़ङ्हाॽरे़ निङ्वाॽफुसाम्बा ताक्फा मे़घोसुॽ॥ कम्भलॽरिक् खे़ने़ॽ हारुने़न् नु खे़ल्ले़ कुस्साहाॽ निङ्वाॽफुसाम्बा याःम्बक्को युक्तिङ् चोगे़से़ॽ॥
कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मेःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न् मे़ल्ले़त्ते वये़म्मे़ॽओ॥
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
खे़ङ्हाॽरे़ चोःक्मा के़बोङ्बा चाङ्हाॽ हाबा कन्हाॽरो—साःङ्बे से़ःप्चाङ्, एपोद, लगेःप्, थाक्मनाबा तागावा, फे़ता नु फॽइ॥ चोःक्मारे़ लागि चबेगुहाॽ मे़त्ते़से़ॽ॥ खे़ङ्हाॽरे़ खे़ने़ॽ के़म्भुॽ हारुने़न् नु खुने़ॽ कुस्साहाॽरे़ लागि निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् चोःक्से़ सेसे चाङ्हाॽ तये़ॽ॥
हे़क्क्याङ् खुने़ॽ कोरहःन् नु खुने़ॽनु के़दिम्बा के़रे़क् मनाहाॽ अक्खे मे़त्तुसि, “ताःन्दिक् तानाम् हात् खुने़ॽ कुमना, आत्तिन् सेसेबा चोक्, हे़क्क्याङ् हात् खुने़ॽ कुबेसाङ् तामा फाःक्तुॽ खे़न् पाःन्निन् यहवे दाङ्बे़ल्ले़ ओसेःन्धाङ् चोगुॽ॥ हात् खुने़ॽ सेगुॽ, खे़न् खुने़ॽ कुबेसाङ् तामा फाःक्तुॽ॥
Piblisite