खे़ब्याङ् मोसोःल्ले़ माङ्थोःक्ना पिमासि कुभा निःङ्गेॽजि नु ले़त्ति तोःम्मादे़न्निल्ले़ कुसम्धाङ् के़युङ्बा माक्खिॽलाम्बा कुभा याङ्सिङ्ङाङ् हारुने़न् नु खे़ल्ले़ कुजाङ्हाॽओ हे़क्क्याङ् खे़ल्ले़ कुस्साहाॽ नु खे़ङ्हाॽरे़ खुन्छिॽ चाङ्हाॽओआङ् साक्खु॥ अक्खेलॽरिक् खे़ल्ले़ हारुने़न् खुने़ॽ कुजाङ्हाॽनु सोरिक् हे़क्क्याङ् खे़ल्ले़ कुस्साहाॽ खुन्छिॽ चाङ्हाॽआङ् तोःन्दु॥
लाम्दिक् 28:2 - लिम्बु2 मिङ्सो थाङ्सो नु खे़म्सिङ्मारे़ लागि खे़ने़ॽ के़म्भुॽ हारुने़ल्ले़ कुलागि सेसे चाङ्हाॽ तये़ॽ॥ Gade chapit la |
लाम्दिक् 28:2
36 Referans Kwoze
कर आनिॽ ये़सुन् आनिसुम्लो॥ खुने़ॽग माङ्लाइङ्बाहाॽनुःल्ले़आङ् च्यॽरक् योयोक् वये़, आल्लग खुने़ॽ सिमे़न्नो तुक्खे च्ये़बाल्ले़ चोगुल्ले़ निङ्वाॽफुमाङ्ङिल्ले़ मिमिदिङ् नु मिङ्सो इङ्धाङ्ङिल्ले़न् तिचःन् खुःक्तुआङ् वाॽ॥ हे़क्केलॽरिक् निङ्वाॽफुमाङ्ङिल्ले़ कुलुङ्गुम्लाम् खुने़ॽ काक् मे़न्छाम् याप्मिरे़ लागि सिमे़न् साॽरुरो॥
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
के़रे़क् आसुत्थो मना हे़क्तङ्बा पोःक्खिगे़आङ् वयिगे़रो, हे़क्क्याङ् आनिगे साम्योबा याःम्बक्हाॽ के़रे़क् चिःन्जिःन् के़घुबा कुद्रे़क् चाङ् हे़क्तङ्बा पोःक्खे़आङ् वाॽरो॥ आनिगे के़रे़क् ते़त्लाफे़क्वा कुइसिक् इले़मिघे़रिगे़रो, हे़क्क्याङ् आनिगे लायोल्ले़ सुरित् केजङ्ङिल्ले़ हे़क्के पक्खि तेॽरिगे़रो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
Piblisite