लाम्दिक् 27:9 - लिम्बु9 “खे़ने़ॽ सेसे साःङ्गाहिम्मिल्ले़ लागि लक्खुम् थिक् चोगे़ॽ॥ खे़ल्ले़ लाङ्गे़त् ले़प्माङ्बा लक्किल्ले़ कुलाम्तिःन् किप् थिक् हुक्सिक् ने़र पोङ्ॽ, हे़क्क्याङ् खे़ल्ले़ लागि चुन्जुम्बा खिःल्ले़ फमनाबा नैनासुत् चिरिक्किल्ले़न् फोःन्दाहाॽ चोगे़ॽ॥ Gade chapit la |
लाम्दिक् 27:9
29 Referans Kwoze
नाङ्गे़न् ले़प्माङ् के़ने़बा कुइसिक्, कन् थाङ्गे़त् ले़प्माङ्, कन् लाकात्पा यम्बा लाम्धेःत्तिल्ले़ कुदोःप्मा सिगाङ्बा लक्खुम् थारिक् आगे़त्गे़प्पा खे़प्मो वेॽ लत्छा यम्बा लाम्धेत् ने़स्से़॥ कन् ने़त्छि यम्बा लाम्धेःत्हाॽरे़ कुलुम्मोबा माःङ्लिक्किन् किप् थिक् हुक्सिक् ने़स्से़रो॥
आम्भा कल्ले़ याःन्दिक् हाङ्ङिल्ले़ यहवे दाङ्बे़ल्ले़ कुहिम् तगिबा लक्खुम्मोबा कुलुम् लक्किन् तोःन्दु, हे़क्क्याङ् खुने़ॽ खे़प्मो मिधिङ्मनादेमनाबा सिदुङ्जभा, पोगुगे़न् कुजा सिदुङ्जभा नु तङ्जुम् सिदुङ्जभाःल्ले़ कुसोःत्तिन् तोःन्दु, थेआङ्भे़ल्ले़ मिधिङ्मनादेमनाबा वयागे़न् सिदुङ्जभा, पोगुगे़न् कुजा सिदुङ्जभा नु तङ्जुम् वयागे़न् सिदुङ्जभाःल्ले़ कुसोत् याङ्मारे़ लागि यहवे दाङ्बे़ल्ले़ कुदगि के़युङ्बा कासा ले़त्ति तोःम्मादे़न्निन् साॽरिक् चुःक्पा चोगे़॥
सेसे साःङ्गाहिम् नु ले़त्ति तोःम्मादे़न् के़रे़क् पिसाङ्बा लक्खुम्मोबा फोःन्दाहाॽ, खे़प्मोबा लाःम्धेःत् फोःन्दा, थाक्पाहाॽ, हे़क्क्याङ् खे़ल्ले़ कुसे़वा याःम्बक्ले़ लागि याङ्मनाबा के़रे़क् सामा चिगक्वाहाॽ मे़बक्खुर॥ कन् के़रे़क् पाःन्हाॽलाम् च्याज्या याःम्बक् चोःक्मा के़बोङ्बा पोङ्ॽ, खे़ङ्हाॽआङ् गेर्सोन सुवाङ्हाॽरे़ए मे़जोगुर॥
खे़न्नु सोसोरिक् के़रे़क् पिसाङ्बा लक्खुम्मोबा सित्लाङ्हाॽ, हे़क्क्याङ् खे़ल्ले़ कुयुक्नाहाॽ, लक्चुहाॽ, थाक्पाहाॽ नु खे़न्नु सोरिक्पा सामा चिगक्वाहाॽ, खे़ब्याङ् कन्हाॽ याङ्मारे़ चाहा के़जोःक्पा के़रे़क् पाःन्हाॽ खे़ङ्हाॽरे़ मे़बक्खुर॥ परिक् परिक्पा सामाहाॽ पङ्मारे़ लागि खे़ङ्हाॽओ आप्फेक् आप्फेक् खुन्छिॽ मिङ् कुइसिक् मनाहाॽ मुरामे़त्ते़से़ॽ॥
Piblisite