लाम्दिक् 27:2 - लिम्बु2 खे़ल्ले़ के़रे़क् लिसि कुसुक्पो लत्छा लत्छा कुदाङ् फत्छे़ॽ॥ ले़त्ति तोःम्मादे़न्निन्नु खे़ल्ले़ कुदाङ्हाॽ हाबा खे़न् लत्छा सिङ्भे़ल्ले़क्लाम् चोःक्मनाबा पोङ्ल॥ ले़त्ति तोःम्मादे़न्निन् कासाःल्ले़ सुःप्ते़ॽ॥ Gade chapit la |
लाम्दिक् 27:2
19 Referans Kwoze
खे़न् एगाङ् निङ्वाॽफुसाम्बाल्ले़ तुम्मादे़न् साःङ्गाहिम् सिगाङ् के़युङ्बा कुनाम्गे़नुॽबा सुक्पा ले़त्ति तोःन्मादे़न्नोबा ताङ्हाॽओ यहवे दाङ्बाल्ले़ कुबेसाङ् खे़न् माक्खिॽओलाम् कुभा तारुर, हे़क्क्याङ् से़गम्बाल्ले़ के़नम्बा कुमाक्खिन् तुम्मादे़न् साःङ्गाहिम्मोबा लाम्धेःत्तो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
आम्भा कल्ले़ याःन्दिक् हाङ्ङिल्ले़ यहवे दाङ्बे़ल्ले़ कुहिम् तगिबा लक्खुम्मोबा कुलुम् लक्किन् तोःन्दु, हे़क्क्याङ् खुने़ॽ खे़प्मो मिधिङ्मनादेमनाबा सिदुङ्जभा, पोगुगे़न् कुजा सिदुङ्जभा नु तङ्जुम् सिदुङ्जभाःल्ले़ कुसोःत्तिन् तोःन्दु, थेआङ्भे़ल्ले़ मिधिङ्मनादेमनाबा वयागे़न् सिदुङ्जभा, पोगुगे़न् कुजा सिदुङ्जभा नु तङ्जुम् वयागे़न् सिदुङ्जभाःल्ले़ कुसोत् याङ्मारे़ लागि यहवे दाङ्बे़ल्ले़ कुदगि के़युङ्बा कासा ले़त्ति तोःम्मादे़न्निन् साॽरिक् चुःक्पा चोगे़॥
आल्ल कन् इङ्घङ्ङिन् योआबरे़ओ के़रे़, खे़ब्याङ् खुने़ॽ यहवे दाङ्बे़ल्ले़ कुसेसे साःङ्गाहिम्मो खे़त्छिङ् पेआङ् ले़त्ति तोःम्मादे़न्निल्ले़ कुदाङ्हाॽ ते़म्सुआङ् ये़बे़ थेआङ्भे़ल्ले़ अब्सालोमरे़ दाउदरे़ कुदक्ले़ङ्वाओ चे़म्भन् चोगुल्ले़ खुने़ॽ अब्सालोमनु मेःन्, कर अदोनियाहःन्नु चे़म्भन् चोगुआङ् वये़॥
खे़ब्याङ् मोसाःल्ले़ खे़न् से़रु, खम्ब्याङ् खे़ल्ले़ कुभा माक्खिॽजि याङ्सिङ्ङाङ् कुहुक्चोःल्ले़ ले़त्ति तोःम्मादे़न्नोबा ताङ्हाॽओ हुःत्तु हे़क्क्याङ् ले़त्ति तोःम्मादे़न्निन् सेसेसाङ्साङ् चोगु॥ हे़क्क्याङ् के़नम्बा कुमाक्खिन् खे़ल्ले़ ले़त्ति तोःम्मादे़न्निल्ले़ कुबुङ्ङो हुक्खु॥ खे़ल्ले़ लागि लायोलाम् ले़प्मि नाःक्मारे़ लागि खे़ल्ले़ कम्भलॽरिक् ले़त्ति तोःम्मादे़न्निन् सेसेसाङ्साङ् चोगु॥
खे़न् एगाङ् तुम्मादे़न् साःङ्गाहिम् सिगाङ् के़युङ्बा ले़त्ति तोःम्मादे़न्नोबा ताङ्हाॽओ खे़ल्ले़ यहवे दाङ्बे़ल्ले़ कुदगि खे़न् माक्खिॽओलाम् कुभा हुःत्तुर, हे़क्क्याङ् के़रे़क् के़नम्बा माक्खिन् तुम्मादे़न् साःङ्गाहिम् लाःप्मादे़न्नो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
माङ्हुप् सन्दोक्, चप्ते़न्, सेमियुङ्दे़न्, ले़त्ति तोःम्मादे़न्हाॽ हे़क्क्याङ् खे़ङ्हाॽरे़ माङ्से़वा याःम्बक् मे़जोगुल्ले़ सेसेदे़न्नो चाहा के़जोःक्पा चिगक्वा सामाहाॽ, साॽरिक् सेसेबादे़न् के़धेःक्पा फोःन्दा नु कन्हाॽ याङ्मा के़रे़क् सामा पुमाहाॽ ओमे़प्मा के़बोङ्बा खे़ङ्हाॽरे़ खुन्छिॽ याःम्बक् वये़॥
मुक्साम्दाङ्बा यहवे दाङ्बे़ल्ले़ खे़ङ्हाॽ ताङ्से़ःप्तुसिरो हे़क्क्याङ् खे़ङ्हाॽरे़ निङ्मिहाॽ खाप्पुथ्यःङ् मे़जोगुसिरो, हे़क्क्याङ् अर्दोओबा लुङ्हाॽरे़ खे़ङ्हाॽ मे़नाःन्दुसिरो॥ खे़ङ्हाॽरे़ सोसोत्लराङ्ङो मे़ज मे़धुङुरो हे़क्क्याङ् मयुसिबा कुइसिक् मे़अःक्लो॥ खे़ङ्हाॽ ले़त्ति तोःम्मादे़न्निल्ले़ कुसुक्पाहाॽओ सामाक्खिॽ साङ्मा छे़ःङ्ग्यान् तिम्बा हे़क्के माक्खिल्ले़ ले़ःक्तुसिरो॥
Piblisite