लाम्दिक् 24:6 - लिम्बु6 खे़न् थक्साहाॽरे़ खुन्छिॽ माक्खिन् कुभ्रे़ःङ् मोसाःल्ले़ खप्प्याओ केःत्तु हे़क्क्याङ् कुभ्रे़ःङ् सामाक्खिन् ले़त्ति तोःम्मादे़न्नो साक्खु॥ Gade chapit la |
लाम्दिक् 24:6
22 Referans Kwoze
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
खे़ल्ले़ कुहुक्किन् खुने़ॽ तोःन्दुबा वयागे़न् सिदुङ्जभाःल्ले़ कुधे़गेःक्पो ने़स्सुर हे़क्क्याङ् तुम्मादे़न् साःङ्गाहिम् लाःप्मादे़न्नो च्ये़प्तु स्ये़रुर॥ खे़ब्याङ् हारुने़ल्ले़ कुस्साहाॽ, इग्र निङ्वाॽफुसाम्बाहाॽरे़ खे़ल्ले़ कुमाक्खिन् ले़त्ति तोःम्मादे़न् कब्रिङ् मे़साक्खुर॥
खे़ल्ले़ खे़न् पित्सात्तिन् यहवे दाङ्बे़ल्ले़ कुदगि च्ये़प्तुआङ् स्ये़रुर॥ हे़क्क्याङ् हारुने़ल्ले़ कुस्सा निङ्वाॽफुसाम्बाहाॽरे़ सामाक्खिन् निःत्ताङ् मे़देॽरुर हे़क्क्याङ् तुम्मादे़न् साःङ्गाहिम्मोबा लाम्धेःत्तिल्ले़ कुबेसाङ्बा ले़त्ति तोःम्मादे़न्निल्ले़ कुयाम्ले़ङ्बो छ्वाःक् मे़हुक्खु मे़देसुर॥
खे़ब्याङ् मे़ल्लुक्किन् वयागे़न् सिदुङ्जभा चोगे़ॽ हे़क्क्याङ् खे़ल्ले़ कुभा कुमाक्खिॽजि याङ्सिङ्ङे़ॽआङ् हारुने़ल्ले़ कुजुक्वा कुन्भाक्को नु खुने़ॽ कुस्साहाॽरे़ खुन्छिॽ चुक्वा ने़भाक् खिओ, हे़क्क्याङ् खे़ङ्हाॽरे़ खुन्छिॽ चुक्वा हुक्कोबा हुक्माओ नु चुक्वा लाङ्ङोबा लाङ्माओ हुःत्ते़ पिरे़से़ॽ॥ खे़न् एगाङ् ले़त्ति तोःम्मादे़न्निल्ले़ कुयाम्ले़ङ्बे़न् सामाक्खिल्ले़ ले़ःक्ते़ॽ॥
हिसप याःन्निल्ले़ लत्छा चुक्सा कुबोराक् थिक् तारे़म्मे़ॽ, मे़ःन्दसाःत्तिल्ले़ कुमाक्खिॽ याङ्मा खप्प्याओ खे़न् हुम्साम्मे़ॽ हे़क्क्याङ् खिनिॽ हिम्मोबा लाम्धेत् सित्लाङ्हाॽ नु लाम्धेःत्तो थाःङ् माक्खिन् हुःत्ते़म्मे़ॽ॥ तानाम् खाओःत् थारिक् हाःत्ताङ् हिम्मोलाम् लाःक्कात् मे़लःन्ने़न्ल॥
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
Piblisite