लाम्‍दिक् 24:3 - लिम्‍बु

³ मोसान् पेआङ् यहवे दाङ्‌बाल्‍ले़ के़रे़क् कुइङ्‌जाङ्‌हाॽ नु कुसाम्‌यो साक्‍थिम्‍हाॽ मनाहाॽ चे़क्‍तुसि॥ मनाहाॽरे़ थिक्‍ले़ङ्‌ले़ नोगप् मे़बिरु, “यहवे दाङ्‌बे़ल्‍ले़ पाःत्तुबा के़रे़क् पाःन्‍हाॽ आनिगे के़त्तुम्‍बे़॥”

लाम्‍दिक् 24:3 Referans Kwoze

लाम्‍दिक् 19:8

के़रे़क् मनाहाॽरे़ थिक्‍ले़ङ्‌ले़ अक्‍खे मे़बाःत्तु, “यहवे दाङ्‌बे़ल्‍ले़ पाःत्तुबा के़रे़क् पाःन्‍हाॽ आनिगे इःत्तुम् नाःत्तुम्‍बे़रो॥” खे़ब्‍याङ् मनाहाॽरे़ मे़बाःत्तुबा नोगप्‍पिन् मोसाःल्‍ले़ यहवे दाङ्‌बे़न् मे़त्तु॥

लाम्‍दिक् 24:7

खे़न् एगाङ् खुने़ॽ यहवे दाङ्‌बे़ल्‍ले़ कुइङ्‌जाङ्‌हाॽ साप्‍मनाबा माङ्‌हुप् साप्‍पन्‍निन् याङ्‌सिङ् हे़क्‍क्‍याङ् मनाहाॽरे़ खुनिॽ तगि मे़घे़प्‍सुर निरुआङ् खे़म्‍बाङ्‌घुसि॥ मनाहाॽरे़ मे़बाःत्तु, “यहवे दाङ्‌बाल्‍ले़ कुइङ्‌जाङ्‌ङिन् आनिगे इःत्तुम् नाःत्तुम्‍बे़रो हे़क्‍क्‍याङ् यहवे दाङ्‌बाल्‍ले़ इङ्‌जाङ् चोगुबा के़रे़क् पाःन्‍हाॽ आनिगे के़त्तुम्‍बे़रो॥”

यहोसु 24:22

खे़ब्‍याङ् यहोसुःल्‍ले़ खे़ङ्‌हाॽ मे़त्तुसि, “यहवे दाङ्‌बाओ माङ्‌से़वा चोःक्‍मा खिनिॽ आप्‍फेक्‍के निःन्‍धो के़जोगुम्‍बा पाःन्‍नो खिनिॽ आप्‍फेक् तोःन्‍दि के़बोःक्‍खिआङ् के़वयिॽ॥” खे़ङ्‌हाॽरे़ मे़बाःत्तु, “आनिगे आप्‍फेक्‍के तोःन्‍दि वयिगे़रो॥”

साम्‌योथिम् इङ् 6:1

खिनिॽ यर्दन नाधाःम्‍बि के़बेगिआङ् युक् चोःक्‍मा के़इःत्तुम्‍बा लाजेॽओ खिनिॽ के़इःत्तुम् के़नाःत्तुम्‍ल फाॽआङ् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हुॽसे़ आङ्‌गाॽ इङ्‌जाङ् पिराङ्‌बा इङ्‌जाङ्, थिम् नु साम्‌यो साक्‍थिम्‍हाॽ हाबा कन्‍हाॽरो॥

साम्‌योथिम् इङ् 5:1

मोसाःल्‍ले़ के़रे़क् इस्राइलिहाॽ उःत्तुसिआङ् मे़त्तुसि, “इस्राइलिसे, आइन् आङ्‌गाॽ खिनिॽ पिनिङ्‌बा थिम् नु साम्‌यो साक्‍थिम्‍हाॽ खे़प्‍से़म्‍मे़ॽ, हे़क्‍क्‍याङ् खे़ङ्‌हाॽ खिनिॽ सिङ्‌सिङ् ये़क्‌ये़क्‍काङ् इःत्ते़म् नाःत्ते़म्‍मे़ॽ॥

साम्‌योथिम् इङ् 4:45

मिस्रलाम् मे़लःन्‍दे़ मे़भे़रे़आङ् मोसाःल्‍ले़ इस्राइलिहाॽ मे़त्तुसिबा थिम् नु साक्‍थिम्‍हाॽ हाबा कन्‍हाॽएरो॥

साम्‌योथिम् इङ् 4:5

ओमे़त्ते़म्‍मे़ॽ, यहवे दाङ्‌बा आङ्‌गाॽ माङ्‌से़वा मे़त्तुङ्‌बा निङ्‌वाॽफुमाङ्‌ङिल्‍ले़ इङ्‌जाङ् पिराङ्‌बा कुइसिक् खिनिॽ युक् चोःक्‍मा के़जोगुम्‍बा लाजेॽओ कन्‍हाॽ के़रे़क् इःप्‍मा नाःप्‍मारे़ लागिए आङ्‌गाॽ खिनिॽ कन् थिम्‍हाॽ हुॽनिङ्‌ङाङ् वाॽ॥

साम्‌योथिम् इङ् 4:1

आल्‍ल, इस्राइलिसे, आङ्‌गाॽ खिनिॽ हुॽमा चोःक्‍निङ्‌बा साक्‍थिम्‍हाॽओ निङ्‌वाॽ पिरे़म्‍मे़ॽ॥ खे़ङ्‌हाॽ खिनिॽ इःत्ते़म् नाःत्ते़म्‍मे़ॽ, खे़ब्‍याङ् खिनिॽ के़हिङिॽ, खम्‍भ्‍याङ् खिनिॽ पाधे़बाहाॽरे़ खुनिॽ यहवे दाङ्‌बा निङ्‌वाॽफुमाङ्‌ङिल्‍ले़ खिनिॽ पिमा के़इःत्तिबा लाजेन् युक् के़जोगुम्‌ॽ॥

साम्‌योथिम् इङ् 11:1

यहवे दाङ्‌बा खिनिॽ निङ्‌वाॽफुमाङ्‌ङिन् मिःम् मे़त्ते़म्‍मे़ॽ, हे़क्‍क्‍याङ् खुने़ॽ कुभाङ्‌हाॽ, कुइङ्‌दत्‍हाॽ, कुधिम्‍हाॽ नु कुइङ्‌जाङ्‌हाॽ आभे़ल्‍ले़साङ् इःत्ते़म् नाःत्ते़म्‍मे़ॽ॥

साम्‌योथिम् इङ् 5:31

कर खे़ने़ॽ कॽयो आङ्‌गाॽ आबेसाङ् ये़बे़ॽ॥ हे़क्‍क्‍याङ् खे़ने़ॽ खे़ङ्‌हाॽ हुॽमासि के़बोङ्‌बा के़रे़क् इङ्‌जाङ्‌हाॽ, थिम् नु साम्‌योथिम्‍हाॽ आङ्‌गाॽ खे़ने़ॽ मे़त्‍ने़, खे़ब्‍याङ् आङ्‌गाॽ खे़ङ्‌हाॽरे़ खुनिॽ युक्‍को पिरुङ्‌सिङ्‌ङाङ् ने़बा लाजेॽओ खे़ङ्‌हाॽरे़ खे़न् थिम्‍हाॽ मे़इःत्तु मे़नाःत्तुर॥”

लाम्‍दिक् 24:2

कर खे़ने़ॽरक् आङ्‌गाॽ आबेसाङ् थाङे़ॽ, वेॽहाॽ आङ्‌गाॽ आबेसाङ् मे़न्‍धाङ्‌ने़ल्‍ल, मनाहाॽआङ् खे़ने़ॽनु थाःङ् मे़न्‍धाङ्‌ने़न्‍ल॥”

यहोसु 24:24

हे़क्‍क्‍याङ् मनाहाॽरे़ यहोसुन् मे़मे़त्तु, “यहवे दाङ्‌बा आनिगे निङ्‌वाॽफुमाङ्‌ङो आनिगे माङ्‌से़वा चोगुम्‍बे़ खे़ब्‍याङ् आनिगे खुने़ॽए इःत्तुम्‍बे़ नाःत्तुम्‍बे़॥”

यर्मिया 11:4

खे़ङ्‌हाॽरे़ ये़त्तुक्‍खे मे़दुमुबा फे़न्‍जेॽ योःम्‍मादे़न् हे़क्‍तङ्‌बा मिस्र लाजेॽलाम्‍बा आङ्‌गाॽ खे़ङ्‌हाॽ लःत्तुङ् थाक्‍तुङ्‌सिङ्‌ङिल्‍ले़ कन् माङ्‌हुप्‍पिन् आङ्‌गाॽ खे़ङ्‌हाॽरे़ खुन्‍छिॽ पाधे़बाहाॽनु खे़न् ये़म्‍मो चोगुङ्‌ङाङ् वयाङ्॥ आङ्‌गाॽ आइङ्‌जाङ्‌ङिन् खे़ङ्‌हाॽ इःत्ते़म्‍मे़ नाःत्ते़म्‍मे़ॽ हे़क्‍क्‍याङ् खे़न् हे़क्‍के के़रे़क् याःम्‍बक्‍हाॽ चोगे़म्‍मे़ॽ मे़त्तुङ्‌सिङ्‌ङाङ् वयाङ्॥’ आङ्‌गाॽ खिनिॽ मे़त्‍निङ्, ‘आङ्‌गाॽ आइङ्‌जाङ्‌ङिन् के़इःत्तुम् के़नाःत्तुम्‍ने़भग्र खिनिॽ आमना के़बोःक्‍खिॽ खे़ब्‍याङ् आङ्‌गाॽ खिनिॽ निङ्‌वाॽफुमाङ् पोङ्‌ङा॥

यर्मिया 34:13

“यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ अक्‍खे पाःत्तुॽ, आङ्‌गाॽ खिनिॽ थाःक्‍हाॽ योक् पोङ्‌मालाम् चोःक्‌युम्‍भो पिरुङ्‌सिङ्‌ङाङ् मिस्रलाम् लःत्तुङ् फे़त्तुङ्‌सिङ्‌ङिल्‍ले़ आङ्‌गाॽ खे़ङ्‌हाॽनु कन् माङ्‌हुप्‍पिन् चोगुङ्‌ङाङ् वयाङ्॥ आङ्‌गाॽ खे़ङ्‌हाॽ अक्‍खे मे़त्तुङ्‌सिङ्,

मलाकि 2:10

आनिॽ के़रे़क्‍ले़ पानुदिङ् पा लत्‍छा मे़वाॽने़म्‍बि? थे लत्‍छा निङ्‌वाॽफुमाङ्‌ङिल्‍ले़ आनिॽ नावागे़न् चइःत् आजोगे़बा मेःम्‍बि? हे़क्‍केःल्‍ले़ थेआङ् इङ्‌आले़क्‍सिङ्‌ङाङ् आनिॽ पाधे़बाहाॽरे़ मे़जोगुबा माङ्‌हुप्‍पिन् आजिःन्‍दुम्‍बाबे?

यहोसु 24:21

कर मनाहाॽरे़ यहोसुन् मे़मे़त्तु, “मेःन्, यहवे दाङ्‌बाओए आनिगे माङ्‌से़वा याःम्‍बक् चोगुम्‍बे़॥”

२ साप्‍मुःन्‍धुम् 15:14

यम्‍बा इक्‍लाओ मे़भिःक्‍ते़आङ् सादाङ्‌हाॽ नु थुत्‍थुरिःप्‍पाहाॽ मे़मुक्‍खुर खे़ङ्‌हाॽ यहवे दाङ्‌बाओ माङ्‌हुप् मे़जोगुआङ् माङ्‌मे़हे़क्‍सिङ्॥

२ साप्‍मुःन्‍धुम् 15:15

कन् माङ्‌हे़क्‍किन् मे़जोगुबाल्‍ले़ चोगुल्‍ले़ यहुदाबाहाॽ के़रे़क् खुन्‍छिॽ निङ्‌वाॽ त्‍ये़॥ थेआङ्‌भे़ल्‍ले़ खे़ङ्‌हाॽरे़ खुनिॽ के़रे़क् निङ्‌वाॽ इगेःक्‍काङ् यहवे दाङ्‌बे़न् मे़गोःत्तुआङ् वये़॥ खे़ब्‍याङ् खुने़ॽआङ् खे़ङ्‌हाॽरे़ मे़घोआर फाॽआङ् आबाङे ओसेःन्‍धाङ् चोःक्‍सिङ्॥ कल्‍ले़चोगुल्‍ले़ यहवे दाङ्‌बे़ल्‍ले़ के़रे़क् पिसाङ्‌लाम् कम्‍ब्राङ् मे़त्तुसिआङ् खे़ङ्‌हाॽ ताप्‍थेक् याम्‍धेक् मे़वये़॥

निङ्‌वाॽफु साम्‍लोसुम् 50:5

खुने़ॽ पाःत्तु, “आङ्‌गाॽओ सिदुङ्‌जभा के़जोःक्‍पार माङ्‌हुप् के़जोःक्‍पा नसाःन्‍साबा आमनाहाॽ आङ्‌गाॽओ सुप्‍से़से़ॽओ॥”

हाग्‍गै 2:5

‘मिस्र लाजेॽलाम् खिनिॽ के़लःन्‍दि के़धाङ्‌ङिल्‍ले़ आङ्‌गाॽ खिनिॽनु चोगुङ्‌बा माङ्‌हुप्‍पिन् हाबा कन्‍लो, आङ्‌गाॽ आयाम्‍साम्‍मिन् खिनिॽनु सोरिक् वाॽरो॥ खिनिॽ मे़गिसे़म्‍मिन्‍ने़ॽओ॥’