लाम्दिक् 23:8 - लिम्बु8 “स्वाःत्ताङ् सुरुत्याङ् मे़जे़म्मिन्ने़ॽ, थेआङ्भे़ल्ले़ सुरुत् याङ्ङिल्ले़ मनान् मिक्फःम्बा चोगुॽ, हे़क्क्याङ् साम्योबा पाःन्निन् मे़न्वाॽमनाबा पाःन्नो ले़क्खुॽ॥ Gade chapit la |
लाम्दिक् 23:8
20 Referans Kwoze
आङ्गाॽ आम्भा कप्मो वाॽआ॥ आङ्गाॽनु खे़निॽ सिराॽमे़न्धाङ्मनाबा पाःन्हाॽ पाःप्मा के़गत्तुम्ने़भग्र कप्मो यहवे दाङ्बान् नु खुने़ॽ सेःन्दुबा कुमनाःल्ले़ कुदगि पाःत्ताम्मे़ॽ॥ आङ्गाॽ हाःत्ले़ कुबित्ते़न् तेॽरुङ् पिरुङ्ङाङ् वाॽआ? हाःत्ले़ कुअदङ्ङिन् तेॽरुङ् पिरुङ्ङाङ् वाॽआ? आङ्गाॽ आत्तिन् इङ्ले़क्तुङ्ङाङ् वाआ? आङ्गाॽ हाःत्ले़ ताप्फे़ःम्बा कुयाःम्बक्किन् माॽमारे़ लागि याङ् ते़म्सुङ्ङाङ् वाॽआ? आङ्गाॽ आमे़त्ताम्मे़ॽ, खे़न् हान्ति के़बोङ्बाहाॽ आङ्गाॽ नुःक्तुङ्ॽ॥”
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन्ने माङ्हाॽरे़ खुनिॽ निङ्वाॽफुमाङ् नु दाङ्बाहाॽरे़ खुनिॽ यहवे दाङ्बा, के़रे़क्नुःल्ले़ यम्बा निङ्वाॽफुमाङ्, मुक्साम्साबा नु किप्मा के़घुबा चोक्लो॥ खुने़ॽ आत्तिन्हाॽआङ् एःक् पएःक् मे़जोगुसिन्ॽ, खे़ब्याङ् खुने़ॽ आप्फाल्ले़आङ् स्वाःत्ताङ् सुरुत्याङ् मे़दाःक्तुन्ॽ॥
ने़प्माङ् हुक्हाॽ फे़न्याःम्बक् चोःक्मा के़ले़बा चोक्लो, युक्साबाहाॽरे़ मिक्तोःक्हाॽ मे़नाःक्तुरो हे़क्क्याङ् खासे़न्लोःम्बाहाॽरे़ याङ् चामा मे़नाःक्तुरो॥ आयुक्युक्पाहाॽरे़ च्या चोःक्मा निङ्वाॽ मे़जोगुॽ हाबा खे़न्ने चोःक्मारे़ लागि इङ्जाङ् मे़जोगुरो, खे़ङ्हाॽ के़रे़क् मे़दङ्सिङ्ङाङ् चे़म्भन् मे़जोगुरो॥
थेआङ्भे़ल्ले़ खिनिॽ आप्तिक्हाॽ यरिक् वाॽ हे़क्क्याङ् खिनिॽ यम्बा लायोहाॽ के़जोगुम्माङ् वाॽबान् निसुङ्लो॥ साम्योबाहाॽ खिनिॽ तुक्खे के़जाःत्तुम्सिम्लो हे़क्क्याङ् खिनिॽग स्वाःत्ताङ् याङ् के़दाःक्तुम्लो हे़क्क्याङ् खासे़न्लोम्मा हिम्हाॽओ याङ्गे़साॽबाहाॽ कुदोःप्मा खासे़न् लोःम्मा पिमासि के़म्भाःक्तुम्सिम्मिन्लो॥
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
हात् कुदोःप्मा लाम्मो लाङ्घेःक्, हे़क्क्याङ् के़वाॽबा पान् पाःत्, हात् याङ्ङिल्ले़ कुस्सा चामा मे़दे़न्ने़न्, आत्तिल्ले़ स्वाःत्ताङ् सुरुत्याङ् ताःक्मारे़ लागि कुहुक्के़न् मे़सन्छुन्, हात् मनासे़प्मा चे़म्भन् पान् खे़म्मा मे़दे़न्ने़न्, ताप्फे़ःम्बा पाःन्निन् निङ्वाॽ इःप्मानुःल्ले़ परु कुमिक्के़न् इम् मे़त्तुॽ॥
Piblisite