लाम्‍दिक् 23:26 - लिम्‍बु

²⁶ खिनिॽ लाजेॽओ आत्तिन् मे़न्‍छुमाहाॽआङ् कुस्‍सा के़ले़म्‍मा नु सामे़ङ्‌गप्‍मनामा मे़म्‍बोङ्‌ने़न्॥ आङ्‌गाॽ खिनिॽ थाःक् चाॽर चोगुङ् पिनिङ्‌ॽ॥

लाम्‍दिक् 23:26 Referans Kwoze

साम्‌योथिम् इङ् 7:14

खिनिॽ वेॽ मनाहाॽनुःल्‍ले़ साॽरिक् मुॽइसाबा के़बोःक्‍खिॽ॥ खिनिॽ ये़म्‍बित्‍छा इग्र मे़न्‍छुमा मनाहाॽओ आत्तिन्‍हाॽआङ् लुक्‍पा खक्‍पा मे़म्‍बोङ्‌ने़न् हे़क्‍क्‍याङ् थक्‍साहाॽओआङ् आत्तिन्‍हाॽआङ् मे़न्‍धाप्‍मना मे़म्‍बोङ्‌ने़न्॥

अयुब 5:26

पोगुगे़न् कुजा सिन् तुम्‍माङ् कुहे़क्‍मा ये़म् थारिक् ये़प्‍लो हाबाहे़क्‍के लॽरिक् खे़ने़ॽ के़धाःक् चाॽर के़हिङ्‌लो॥

साम्‌योथिम् इङ् 28:4

खिनिॽ थिन्‍दाङ् सायोबोराहाॽओ हाङ्‌वागे़न् मुॽइसाम् थारो, खे़न्‍नु सोसोरिक् इक्‍ताप्‍पोबा पोगुगे़न् कुजाओ मुॽइसाम् थारो, पित्‍थक्‍सा, मे़ल्‍लुक् मे़ःन्‍दाहाॽओ मुॽइसाम् थारो॥

अयुब 21:10

खे़ङ्‌हाॽरे़ खुनिॽ पित् थक्‍साहाॽरे़ सा मे़धाप्‍तुसिरो॥ खे़ङ्‌हाॽरे़ खुन्‍छिॽ सामे़ले़म्‍ने़ल्‍लो॥

यसैया 65:20

“अङे़ःक्‌वाहाॽ मे़जुःक्‍लए मे़न्‍छिने़न्‍लो, के़रे़क् मनाहाॽ खुन्‍छिॽ थाःक् चाॽर थारिक् मे़हिङ्‌लो॥ किप् थिक् तङ्‌बेॽ के़गे़प्‍पाहाॽ थाङ्‌बे़न् लेःप्‍मासि पोङ्‌लो, खे़न्‍नुःल्‍ले़ तगि के़सिबाहाॽग आङ्‌गाॽ खुम्‍दिङ् पिरुङ्‌सिङ्‌बा फाॽआङ् इःप्‍मा पोङ्‌लो॥

निङ्‌वाॽफु साम्‍लोसुम् 144:13

आनिगे चायाङ्‌मा थाःङ्‌हाॽ के़रे़क् परिक्‍पा चाहाॽरे़ तिम्‍लो, आनिगे मे़ल्‍लुक्‍हाॽ हे़न्‍छिङ् हे़न्‍छिङ् यारिक् मे़बोङ्‌लो हे़क्‍क्‍याङ् आनिगे इक्‍ताप्‍हाॽओ मे़वाॽरो॥

निङ्‌वाॽफु साम्‍लोसुम् 107:38

निङ्‌वाॽफुमाङ्‌ङिल्‍ले़ कुमनाहाॽ हाङ्‌वागे़न् मुॽइसाम् पिरुसिरो, हे़क्‍क्‍याङ् खे़ङ्‌हाॽ यरिक् मे़बोःन्‍दे़ मे़धे़ॽरे़रो, खे़ब्‍याङ् खुने़ॽ खे़ङ्‌हाॽरे़ खुनिॽ पित् साःङ्‌वाहाॽ फोसुसिरो॥

तोलिङ्‌सोमु 35:29

खे़ब्‍याङ् इसहाके़न् मासिङ्॥ खुने़ॽ खदाक्‍मि तुम्‍से़र थारिक् हिङे़ हे़क्‍क्‍याङ् कुसुधे़बा कुधाक्‍थे़बाहाॽनु तङ्‌से़ पे॥ हे़क्‍क्‍याङ् कुस्‍सा एसाब नु याकुबरे़ खे़न् लुप्‍ते़त्‍छु॥

१ साप्‍मुःन्‍धुम् 23:1

आल्‍ल दाउदे़न् काप्‍पोबा तुम्‍से़आङ् यरिक् तङ्‌बे योरे़आङ् वये़, खे़ब्‍याङ् खुने़ॽ कुस्‍सा सोलोमने़न् इस्राइलओ हाङ् चोगु॥

तोलिङ्‌सोमु 25:8

हे़क्‍क्‍याङ् खुने़ॽ खदाक्‍मि पोःक्‍खे़र थारिक् हिङे़ हे़क्‍क्‍याङ् खदाक्‍मि तुम्‍से़आङ् मासिङ्॥ हे़क्‍क्‍याङ् आबाङे कुधाःक्‍थे़बाहाॽनु तङ्‌सिङ्‌से़ पे॥

अयुब 42:17

हे़क्‍केलॽरिक् खुने़ॽ यरिक् तङ्‌बे थारिक् हिङे़आङ् मासिङ्‌लो॥

निङ्‌वाॽफु साम्‍लोसुम् 55:23

कर यहवे दाङ्‌बाए, कुइगे़भे़म्‍बा मनाहाॽग मे़क्‍मासिमा लुम्‍बाःत्तो लाप्‍के़भुसुसिरो॥ मना के़से़प्‍पाहाॽ नु इङ्‌ले़क् के़जोःक्‍पा मनाहाॽ खुनिॽ थाःक् सॽआङ् इरिक् मे़न्‍हिङ्‌ने़ल्‍लो, कर आङ्‌गाॽग खे़ने़ॽओ ताःक्‍पो युक्‍खुङ्‌लो॥

निङ्‌वाॽफु साम्‍लोसुम् 90:10

आनिॽग तङ्‌बे नुबोङ् थारिक् आहिङ्‌लो, के़धुम्‍बा आबोङ्‌ने़भग्र तङ्‌बे ये़प्‍पोङ् आगे़त्‍लो॥ हे़क्‍केसाङ् खे़ल्‍ले़ग हिङ्‌मन्‍नो तुक्‍खे नु लाक्‍खेरक् तारुरो, हे़क्‍क्‍याङ् थाःक् सॽआङ् आनिॽग आमासिङ् आबेःक्‍लो॥

साम्‌योथिम् इङ् 4:40

आइन् आङ्‌गाॽ खिनिॽ पिनिङ्‌बा खुने़ॽ कुधिम् नु कुइङ्‌जाङ्‌हाॽ इःत्ते़म् नाःत्ते़म्‍मे़ॽ, खे़ब्‍याङ् खिनिॽ नु खिनिॽ याङ्‌सिबा थाःक्‍हाॽ मे़नुॽमे़दार, खम्‍भ्‍याङ् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ सदादिङ्‌ले़ लागि के़बिरिबा लाजेॽओ खिनिॽ थाःक् चाॽररो॥

होसे 9:14

यहवे दाङ्‌बाए, खे़ने़ॽ खे़ङ्‌हाॽ पिरे़से़ॽओ— खे़ने़ॽ खे़ङ्‌हाॽ थे़मा के़बिरुसिबे? सागे़ले़म्‍बा के़देबा साराभेःत् पिरे़से़ॽओ हे़क्‍क्‍याङ् के़जप्‍पा के़बेःक्‍पा नुबक् पिरे़से़ॽओ॥