लाम्दिक् 23:25 - लिम्बु25 यहवे दाङ्बा खिनिॽ आबाङे निङ्वाॽफुमाङ्ङिन् माङ्से़वा मे़त्ते़म्मे़ॽ, हे़क्क्याङ् खुने़ॽ खिनिॽ पोगुगे़न् चामा कुजा नु च्वाःत्तो हाङ्वागे़न् मुॽइसाम् थासु के़बिरिॽ॥ आङ्गाॽ खिनिॽलुम्मोलाम् तुक्मा लाःक्माहाॽ खे़त्तुङ्देसुङ् पिनिङ्ॽ॥ Gade chapit la |
लाम्दिक् 23:25
26 Referans Kwoze
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
यहवे दाङ्बा खिनिॽ निङ्वाॽफुमाङ्ङिन् मिःम्जि मे़त्ते़म्मे़ॽ, खुने़ॽ के़रे़क् कुलाम्हाॽओ लाङ्घेगे़म्मे़ॽ, खुने़ॽ कुइङ्जाङ्हाॽ इःत्ते़म् नाःत्ते़म्मे़ॽ, खुने़ॽओए पत्छे़म्मे़ॽ, खिनिॽ सिक्लुङ्माॽ नु निङ्वाःल्ले़ खुने़ॽओ माङ्से़वा याःम्बक् चोगे़म्मे़ॽ फाॽआङ् यहवे दाङ्बे़ल्ले़ कुसे़वारोबा मोसाःल्ले़ खिनिॽ के़बिरिबा इङ्जाङ्ङिन् नु साम्योथिम् इङ्जाङ्ङिन् निङ्वाॽ पिरे़म्मे़ॽआङ् इःत्ते़म् नाःत्ते़म्मे़ॽ॥”
खुने़ॽ खिनिॽ लुङ्माॽ के़दुक्तिॽ, हे़क्क्याङ् खुने़ॽ खिनिॽ हाङ्वागे़न् मुॽइसाम् के़बिरिआङ् खिनिॽ के़भोसिॽ॥ खुने़ॽ पिनिङ् फाॽआङ् खिनिॽ पाधे़बाहाॽनु माङ्हुप् चोगुबा लाजेॽओ खिनिॽ थक्लारे़ लागि यरिक् सामे़न्छाॽहाॽ के़बिरिॽ, इक्ताप्पो के़धोःक्पा कुजारे़ लागि, कुबोक् चे़ल्ले़क्सेॽ थि नु निःङ्गेॽ, पित्थक्सा, कुम्बाबा कुम्मामा पित्सात्हाॽ नु मे़ल्लुक् मे़न्दाक् साःत्हाॽओआङ् खुने़ॽ हाङ्वागे़न् मुॽइसाम् थासुॽ॥
कल्ले़चोगुल्ले़ आल्ल इस्राइलिसे, यहवे दाङ्बा खिनिॽ निङ्वाॽफुमाङ्ङिल्ले़ खिनिॽलाम् खोमा इःत्तुबा पाःन्हाॽ हाबा कन्लो—यहवे दाङ्बा निङ्वाॽफुमाङ्ङिन्नु खिनिॽ किसे़म्मे़ॽ, खुने़ॽ के़रे़क् कुलाम्हाॽओ लाङ्घेगे़म्मे़ॽ, खुने़ॽ मिःम्जि मे़त्ते़म्मे़ॽ, खिनिॽ के़रे़क् सिक्लुङ्माॽ नु सक्मा साम्मिल्ले़ निङ्वाॽफुमाङ्ङिन् माङ्से़वा मे़त्ते़म्मे़ॽ,
हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥”
आङ्गाॽ आहिम्मो चामा थुङ्मा वाॽर फाॽआङ् के़रे़क् थिबोङ्लक्किन् चाधाःङ्ङो ताराम्मे़ॽ॥ कन् पाःन्नो आङ्गाॽ आसाॽरे़आङ् ओआमे़त्ते़ आसाॽरे़ॽ, आङ्गाॽ साङ्ग्राम्पेदाङ्बा लाम्धेःत्हाॽ हन्दुङ्ङाङ् कुयाङ्मारे़आङ् मे़हत्तुन्ल थारिक् हाङ्वागे़न् मुॽइसाम् खे़निॽ लागि सःक्सुङ् थासुङ्बि मे़धाआन्बि॥
Piblisite