लाम्‍दिक् 22:7 - लिम्‍बु

⁷ “कुभा मनाधिक्‍ले़ कुहिम्‍बेसाङ्‌बान् याङ् इग्र सामा युङ्‌मा पिरु, हे़क्‍क्‍याङ् खे़न् मनाःल्‍ले़ कुहिम्‍मोलाम् खे़न् मे़घुःत्तुआङ् खे़न् के़घुःप्‍पान् मे़दे़म्‍सुने़भग्र, खे़न् के़घुःप्‍पाल्‍ले़ निले़ङ् यारिक् यरिक् हुङुर पोङ्‌ॽ॥

लाम्‍दिक् 22:7 Referans Kwoze

लाम्‍दिक् 22:4

खुने़ॽ खुःत्तुसिबा थक्‍साहाॽ कुहिङ्‌वे़त् कत्तुसिबा खोमे़दे़त्‍ने़भग्र, खे़न् कुम्‍बाबा पित् इग्र अदङ् इग्र मे़ल्‍लुक् च्‍यासाङ् खे़न् खुःत्तुबाल्‍ले़ निले़ङ् कुले़क्‌वा हुङुर पोङ्‌ॽ॥

१ कोरन्‍थि 6:10

के़घुःप्‍पाहाॽ, खिःम्‌यक्‍पाहाॽ, थिःमसाङ्‌हाॽ, चाःत्‍थि के़देबा नु फोत्‍याबाहाॽरे़ निङ्‌वाॽफुहाङ्‌जुम्‍मिल्‍ले़न् लाघो मे़ङ्‌घोसुन्‍लो॥

युहुन्‍ना 12:6

खे़ल्‍ले़ से़क्‍खाए याङ्‌गे़साॽबाहाॽ लुङ्‌माॽ तुक्‍तुसिआङ् हे़क्‍के पाःत्तुबा मेःन्‍लो, कर खे़ङ्‌ग के़घुःम्‍बा वये़, हे़क्‍क्‍याङ् याङ् याङ्‌मा सुःक्‌वा के़युङ्‌बा वये़आङ् ए़त्‍ले़ङ् खे़प्‍मोलाम् याङ्‌ङिन् खुःत्तुर वये़रो॥

यर्मिया 2:26

यहवे दाङ्‌बे़ल्‍ले़ अक्‍खे पाःत्तुरो, “लत्‍थिक् खुःन्‍द्रिक्‍पान् साक्‍पो थाःल्‍ले़ खे़ल्‍ले़ कुजाःत्‍थि पेःक्‍लो, हे़क्‍केलॽरिक्‍के खिनिॽ इस्राइलिहाॽ, हाङ्‌हाॽ नु युक्‍साबाहाॽ, खिनिॽ निङ्‌वाॽफुसाम्‍बाहाॽ नु माङ्‌निङ्‌वाॽपान् के़बाःप्‍पाहाॽ के़रे़क्‍ले़ खुन्‍छिॽ चाःत्‍थि पेःक्‍लो॥

लाम्‍दिक् 22:6

“आत्तिन् मनाःल्‍ले़ कुब्‍याङ्‌सिओ मि तुप्‍तु हे़क्‍क्‍याङ् मिन् हाॽरुर पेःक्‍काङ् याप्‍मिःल्‍ले़ कुजे़ल्‍ले़क्‍सेॽ इक्‍ताप् नु खे़प्‍मो के़लिङ्‌बा इग्र कुजा मे़हे़गुआङ् इमे़घेःक्‍खु मे़युक्‍खुबा चाधःङ्‌मान् थ्‍यःङ् मिदिक् पेःक्‍ने़भग्र मि के़हाःम्‍बा मनाःल्‍ले़ साम्‍बान् हुङुरए पोङ्‌ॽ॥

ले़बि 6:1

याम्‍मो यहवे दाङ्‌बे़ल्‍ले़ मोसान् मे़त्तु,

ले़बि 6:2

“कॽयो के़बप्‍पा पाःन्‍हाॽ इसिःक्—कुभारे़ कन् फे़न्‌याःम्‍बक्‍हाॽ चोगुआङ् यहवे दाङ्‌बे़ल्‍ले़ कुदक्‍ले़ङ्‌वाओ लायो चोगुने़भग्र, कुभारे़ कप्‍मा मे़बिरुबा पाःन्‍नो, तिःक्‍को मे़युक्‍खुबा चिगक्‌वान् खुःत्तु इग्र खुःत्तुबा पाःन्‍नो हिम्‍बेसाङ्‌बे़न् इङ्‌ले़क्‍तुने़भग्र,

ले़बि 19:13

“‘खिनिॽ आप्‍फेक् हिम्‍बेसाङ्‌बे़न् मे़युक्‍ते़म्‍मिन्‍ने़ॽ, हे़क्‍क्‍याङ् खे़न् मे़नाप्‍ते़म्‍मिन्‍ने़ॽ॥ “‘नाम्‌याक्‍को याःम्‍बक् के़जोःक्‍पे़ल्‍ले़ कुयाङ्‌ङिन् खिनिॽ थिक् से़न्‍नाङ् मे़गत्ते़म्‍मिन्‍ने़ॽ॥

ले़बि 6:5

इग्र च्‍याज्‍या पाःन्‍निल्‍ले़ कुयाःम्‍बेओ खे़ल्‍ले़ मे़न्‌वाॽमनाबा पाःन्‍नो माङ्‌हे़क्‍सिङ्‌ङाङ् वाॽने़भग्र, खे़ल्‍ले़ कन् के़रे़क् पाःन्‍हाॽओ कुलक् ङासि योॽरुआङ् के़रे़क् नुःक्‍तुर पोङ्‌ॽ॥ खे़ल्‍ले़ आप्‍तिक्‍लाम्‌ ले़प्‍मि खोमा सिदुङ्‌जभा तोःन्‍दुबा ये़न्‍निल्‍ले़ याःन्‍दिक्‍के खे़न् सामाःन् हाःत्‍ले़ कुसामा वये़, खुने़ॽए खे़न् नुःक्‍तुर पिरुर पोङ्‌ॽ॥