लाम्‍दिक् 22:5 - लिम्‍बु

⁵ “आत्तिन् मनाःल्‍ले़ कुधक्‍सान् प्‍याङ्‌सिओ इग्र चे़ल्‍ले़क्‍सेॽ इक्‍ताप्‍पो चाराम्‍से़ ले़रु हे़क्‍क्‍याङ् थक्‍सान् पेःक्‍काङ् याप्‍मिःल्‍ले़ कुब्‍याङ्‌सिओबा कुजान् चदेसु पिरुने़भग्र खे़न् मनाःल्‍ले़ याप्‍मिःल्‍ले़ हान्‍ति के़बोङ्‌बान् खुने़ॽ कुब्‍याङ्‌सि इग्र कुजे़ल्‍ले़क्‍सेॽ इक्‍ताप्‍पोबा के़रे़क्‍नुःल्‍ले़ नुबा कुजान् पिरुआङ् साम्‍बान् हुङुर पोङ्‌ॽ॥

लाम्‍दिक् 22:5 Referans Kwoze

अयुब 20:18

खे़ल्‍ले़ आबाङे स्‍याङ्‌मे़न्‍दाङ् चोगुबा पाःन्‍हाॽ ले़प्‍मा पोङ्‌लो॥ खे़ल्‍ले़ आबाङे कुयाङ्‌सा कुन्‍धेःन् चामा मे़घोसुन्‍लो॥

लाम्‍दिक् 22:12

कर थक्‍सान् मे़घुःत्तु मे़देॽरुबाने़भग्र खे़न् थक्‍सा ओगे़मे़प्‍पाल्‍ले़ कुन्‍दाङ्‌बान् हान्‍ति पोःक्‍खे़बाल्‍ले़ कुले़क्‌वा पिमा पोङ्‌ॽ॥

लाम्‍दिक् 22:3

कर नाम् लिङ् चुःत्ताङ्‌ने़भग्र, खे़न् खुःन्‍द्रिक्‍पा के़से़प्‍पान् आप्‍तिक्‍को थाःॽ॥ के़घुःप्‍पाल्‍ले़ के़रे़क् पाःन्‍हाॽ साम्‍बान् हुङुर पोङ्‌ॽ॥ हुङ्‌मारे़ लागि खे़ल्‍ले़ थेआङ् मे़गत्तुन्‍ने़भग्र, खुःत्तुबान् कुहुङ्‌से़ खे़न् के़घुःप्‍पान् योक् पोङ्‌मारे़ लागि मे़सङ्‌घु मे़देसुर पोङ्‌ॽ॥

लाम्‍दिक् 21:34

खे़न् मनाःल्‍ले़ खे़न् से़गम्‍बा इग्र अदङ्‌ङिल्‍ले़ कुमे़न् हुङुर पोङ्‌ॽ॥ थक्‍साःल्‍ले़ कुन्‍दाङ्‌बान् कुमे़न् पिरुआङ् के़सिबा थक्‍सान् लुम्‍बात् के़दबाल्‍ले़ लारुर॥

लाम्‍दिक् 22:4

खुने़ॽ खुःत्तुसिबा थक्‍साहाॽ कुहिङ्‌वे़त् कत्तुसिबा खोमे़दे़त्‍ने़भग्र, खे़न् कुम्‍बाबा पित् इग्र अदङ् इग्र मे़ल्‍लुक् च्‍यासाङ् खे़न् खुःत्तुबाल्‍ले़ निले़ङ् कुले़क्‌वा हुङुर पोङ्‌ॽ॥

लाम्‍दिक् 22:6

“आत्तिन् मनाःल्‍ले़ कुब्‍याङ्‌सिओ मि तुप्‍तु हे़क्‍क्‍याङ् मिन् हाॽरुर पेःक्‍काङ् याप्‍मिःल्‍ले़ कुजे़ल्‍ले़क्‍सेॽ इक्‍ताप् नु खे़प्‍मो के़लिङ्‌बा इग्र कुजा मे़हे़गुआङ् इमे़घेःक्‍खु मे़युक्‍खुबा चाधःङ्‌मान् थ्‍यःङ् मिदिक् पेःक्‍ने़भग्र मि के़हाःम्‍बा मनाःल्‍ले़ साम्‍बान् हुङुरए पोङ्‌ॽ॥

खानिःत् 16:14

खे़ने़ॽ आनिगे पित्‍नु नु सक्‌वाघु के़गुङ्‌बा लाजेॽओआङ् याप्‍मि के़म्‍भे़त्ते़न्, हे़क्‍क्‍याङ् इक्‍ताप् नु चे़ल्‍ले़क्‍सेॽ इक्‍ताप्‍पाहाॽ हुक्‍काप् चोःक्‍माआङ् याप्‍मि के़म्‍बे़रे़न्॥ खे़ने़ॽ थे कन् मनाहाॽरे़ खुन्‍छिॽ मिक्‍किन् ते़प्‍मा निङ्‌वाॽ के़जोगुबि? आनिगे फे़म्‍माए मे़भे़रिगे़न्॥”