लाम्‍दिक् 22:26 - लिम्‍बु

²⁶ खिनिॽ हिम्‍बेसाङ्‌बाल्‍ले़ कुसुङ्‌घेक्‌वान् याङ्‌ङो के़युक्‍खुम्‍माङ् वाॽने़भग्र, नाम्‍धामानुःल्‍ले़ तगिए खे़न् खुने़ॽ नुःक्‍ते़म् पिरे़म्‍मे़ॽ,

लाम्‍दिक् 22:26 Referans Kwoze

खाहुन् 20:16

कुसिङ् मे़न्‍निःत्तेबा मनाःल्‍ले़ कुसिङ्‌नात्तो तोःन्‍दि के़युङ्‌सिङ्‌बा मनाःल्‍ले़ कुदेःत्तिन्‍नाङ् नाप्‍ते़ॽओ, खे़ल्‍ले़ ताप्‍के़बे़ॽमा मे़न्‍छुमाःल्‍ले़ कुलागि हे़क्‍के चोगुबाग्र, खे़न् कुदेःत् कुजाङ्‌ङिन् तिक् युङ्‌मा पोङ्‌लो॥

आमोस 2:8

खे़ङ्‌हाॽ ले़त्ति तोःम्‍मादे़न्‍हाॽरे़ कुबेसाङ् सिङ्‌नात् के़देॽबाहाॽरे़ खुन्‍छिॽ चाङ्‌हाॽओ मे़नाःम्‍सिङ्‌लो॥ साम्‍बान् हुङ्‌मा मे़बाङ्‌घुसिबा चे़ल्‍ले़क्‍सेॽ थिन् खे़ङ्‌हाॽरे़ खुन्‍छिॽ माङ्‌हिम्‍मो मे़धुङुरो॥

साम्‌योथिम् इङ् 24:6

सिङ्‌नात्तिल्‍ले़ कुले़क्‌वा तिक् हे़क्‍के लुङ्‌सुम्‍मोबा ने़प्‍माङ् लुङ्‌हाॽ इग्र थाहाङ्‌बा लुङ्‌ङिन्‍नाङ् मे़देॽरे़म्‍मिन्‍ने़ॽ, थेआङ्‌भे़ल्‍ले़ खे़न् मनाःल्‍ले़ कुसाप्‍पोक् हिङ्‌मे़न्‍ने तिक् के़युक्‍खुम्‍बा कुइसिक् पोङ्‌ॽ॥

इजकिएल 18:16

खे़ल्‍ले़ याङ्‌गे़साॽबान् तुक्‍खे मे़जाःत्तुन्‌ॽ, कर खे़ ल्‍ले़ कुले़क्‌वा सिङ्‌नात् के़देॽबाहाॽ नुरिक् मे़त्तुसि हे़क्‍क्‍याङ् खे़ङ्‌हाॽ मे़नाप्‍तुसिन्‌ॽ॥ कुसिक् के़लाःक्‍पे़न् खुने़ॽ कुजा पिरुॽ खम्‍भ्‍याङ् कुहोःप्‍मा कुसाक्‍मो के़वाॽबान् तेत्‍चाङ्‌हाॽ पिरुॽ॥

इजकिएल 18:7

लुङ्‌माॽ तुक्‍तुसिआङ् चिगक्‌वा युक्‍खु पिरुसिॽ, सिङ्‌नात् के़देॽबा याङ्‌गे़साॽबाहाॽरे़ मे़युक्‍खुबा सामाहाॽ खुने़ॽ मे़मे़त्‍छिङ्‌ङिन्‌ॽ॥ खुने़ॽ याङ्‌गे़साॽबे़न् मे़नाप्‍तुन्‌ॽ कर खे़ल्‍ले़ कुले़क्‌वा कुसिक् के़लाःक्‍पे़न् कुजा पिरुॽ कुहोःप्‍मा कुसाक्‍मो के़वाॽबे़न् तेत्‍फुङ्‌हाॽ पिरुॽ॥

खाहुन् 22:27

खे़ने़ॽ सिङ्‌नात्तिन् हुङ्‌मा के़न्‍छुक्‍तुन्‍ने़भग्र, के़ने़त्‍नाःन्‍नाङ् खे़ने़ॽलाम् के़म्‍नाप्‍लो॥

अयुब 24:3

खे़ङ्‌हाॽरे़ ये़त्‍छाबाहाॽरे़ खुनिॽ अदङ्‌हाॽ मे़नाप्‍तुसिआङ् मे़देॽरुसिरो हे़क्‍क्‍याङ् मेमेदुमाल्‍ले़ कुबित्ते़न् खुने़ॽ कुसिङ्‌नात् हुङ्‌मा मे़न्‍जुःत्ते थारिक् खे़ङ्‌हाॽरे़ हाबा मे़गत्तुरो॥

साम्‌योथिम् इङ् 24:17

वेॽ लाजेॽबाहाॽ नु ये़त्‍छा होॽदोक्‍हाॽरे़ लागि मे़न्‌वाॽमनाबा खासे़न् मे़लोःन्‍दे़म्‍मिन्‍ने़ॽ॥ आत्तिन् मेमेदुमाल्‍ले़ कुघाम्‍देःत्तिन्‍नाङ् याङ्‌ङो मे़युक्‍खे़म्‍मिन्‍ने़ॽ॥

इजकिएल 33:15

कुबिरे़ लागि, सिङ्‌नात् के़देॽबाल्‍ले़ युक्‍खुबा चिगक्‌वान् खे़ङ्‌हाॽरे़ याङ्‌ना मे़नुःक्‍तु मे़बिरुॽ, खे़ङ्‌हाॽरे़ मे़घुःत्तुआङ् के़वाॽबा चिगक्‌वाहाॽ मे़नुःक्‍तु मे़बिरुसिॽ, हे़क्‍क्‍याङ् हिङ्‌मन् के़बिबा आङ्‌गाॽ आसाम्‌यो थिम्‍हाॽ मे़इःत्तु मे़नाःत्तु, आल्‍लआङ्‌धो फे़न्‌याःम्‍बक् मे़न्‍जोगुन्‌ॽ॥ खे़ङ्‌हाॽरे़ कन् पाःन्‍निन् मे़जोगुने़भग्र, खे़ङ्‌हाॽ से़क्‍खाए मे़हिङ्‌ॽ हे़क्‍क्‍याङ् मे़न्‍छिने़न्‌ॽ॥

अयुब 24:9

“कुम्‍बा के़होप्‍पा अङे़ःक्‌वाहाॽ खुन्‍छिॽ माःल्‍ले़ कुभक्‍तुङ्‌ङोलाम् मे़नाप्‍तुसिआङ् मे़देॽरुसिरो॥ याङ्‌गे़साॽबा मनाःल्‍ले़ कुमुॽइदाङ्‌साहाॽ सिङ्‌नात्तो मे़युक्‍खुसिरो॥

अयुब 22:6

लत्‍छा नुसाॽधिक्‍ले़ खे़ने़ॽलाम्‍बा सिङ्‌नात् तेॽरुआङ् वाॽरो हे़क्‍क्‍याङ् खे़न् सिङ्‌नात्तिन् हुङ्‌मारे़ लागि खे़ल्‍ले़ कुजाङ्‌ङिन् याङ्‌ङो युङ्‌मा चाहाब् मे़न्‍जोःक्‍मनाबा वये़रो हे़क्‍केसाङ् खे़ने़ॽ खे़न् के़रे़क् के़नाप्‍तुआङ् खुने़ॽ ले़क्‍चाॽबे़धिक् के़जोगुरो॥

अयुब 24:7

खे़ङ्‌हाॽरे़ थेआङ् मे़ङ्‌घाम्‍मे नाम्‍मे़दाःत्‍छुरो, चुङ्‌ङो खे़ङ्‌हाॽरे़ खुनिॽ थक् ते़प्‍मा वेॽ थेआङ् मे़ङ्‌गत्तुन्‍लो॥

अयुब 34:28

खे़ङ्‌हाॽरे़ मे़जोगुल्‍ले़ याङ्‌गे़साॽबाहाॽरे़ पेलि मे़भाक्‍तुबान् निङ्‌वाॽफुमाङ्‌ङिल्‍ले़ कुने़क्‍खोॽओ के़त्‍लो हे़क्‍क्‍याङ् थेधिक्‍काङ् मे़ङ्‌गप्‍मनाबाहाॽरे़ कुभाॽरे़ लागि मे़जोगुबा तुवान् खे़प्‍सुरो॥

निङ्‌वाॽफु साम्‍लोसुम् 10:14

कर निङ्‌वाॽफुमाङ्‌ङे, मे़रिङ् थक्‍मा नु तुक्‍खेन् के़निसुरो, हे़क्‍क्‍याङ् सदादिङ् कुभाॽ पिमा यारिप् के़वाॽरो॥ थेआङ् चोःक्‍मा मे़न्‍छुमनाबा मनान् फाॽराङ्‌ङे़ॽ फाॽआङ् खे़ने़ॽओ तारो॥ ये़त्‍छाबाहाॽरे़ कुभाॽ दाङ्‌बाङ्‌ग हाबा खे़ने़ॽने़रो॥

निङ्‌वाॽफु साम्‍लोसुम् 34:7

यहवे दाङ्‌बान् मिङ्‌सो इङ्‌धाङ् के़बिबाहाॽ खुने़ॽ कुमाङ्‌लाइङ्‌बाल्‍ले़ कब्रिङ् कबुसिरो, हे़क्‍क्‍याङ् यहवे दाङ्‌बे़ल्‍ले़ खे़ङ्‌हाॽ से़ःप्‍तुसिरो॥