लाम्‍दिक् 22:23 - लिम्‍बु

²³ खिनिॽ हे़क्‍के के़जोगुम्‍ने़भग्र खे़ङ्‌हाॽरे़ आङ्‌गाॽ कुभाॽरे़ लागि पेलि मे़भाक्‍काल्‍ले़ आङ्‌गाॽ यहवे दाङ्‌बाल्‍ले़ खे़ङ्‌हाॽ नोगप् पिरुङ्‌सिङ्‌ॽ॥

लाम्‍दिक् 22:23 Referans Kwoze

लुका 18:7

निङ्‌वाॽफुमाङ्‌ङिल्‍ले़ सेगुसिबा कुमनाहाॽ से़न्‍दिक् ले़न्‍दिक् मे़हाःप्‍ल तुवा चोःक्‍कि पेलि मे़भाक्‍किल्‍ले़, खुने़ॽ से़क्‍खासाङ् कुमनाहाॽ खासे़न् मे़लोःन्‍दुन् मे़बिरुन्‍सिन्‍नाङ् खुने़ॽ खे़ङ्‌हाॽ खे़म्‍घे़म्‍लक् लाप्‍तुसिॽबि?

निङ्‌वाॽफु साम्‍लोसुम् 18:6

आदुक्‍खे आलाक्‍खेओ यहवे दाङ्‌बान् उःत्तुङ्‌लो, कुभाॽरे़ लागि आनिङ्‌वाॽफुमाङ्‌ङिन् आङ्‌गाॽ यम्‍बा इक्‍लाःल्‍ले़ उःत्तुङ्‌लो॥ कुहिम्‍मो आङ्‌गाॽ आइक्‍लान् खे़प्‍सुरो, खुने़ॽ उःत्तुङ्‌बा आङ्‌गाॽ आइक्‍लान् खुने़ॽ कुने़क्‍खोॽओए के़रे़रो॥

अयुब 34:28

खे़ङ्‌हाॽरे़ मे़जोगुल्‍ले़ याङ्‌गे़साॽबाहाॽरे़ पेलि मे़भाक्‍तुबान् निङ्‌वाॽफुमाङ्‌ङिल्‍ले़ कुने़क्‍खोॽओ के़त्‍लो हे़क्‍क्‍याङ् थेधिक्‍काङ् मे़ङ्‌गप्‍मनाबाहाॽरे़ कुभाॽरे़ लागि मे़जोगुबा तुवान् खे़प्‍सुरो॥

साम्‌योथिम् इङ् 15:9

सिङ्‌सिङ् ये़क्‌ये़क् लॽरे़म्‍मे़ॽ! सिङ्‌नात् ले़प्‍मा तङ्‌बेन् तामा इःत्ते़आङ् वाॽ फाॽआङ् निङ्‌वाॽ चुक्‍पा के़जोगुम्‍माङ् याङ्‌गे़साॽबा आप्‍फेक् फुॽनुसाॽहाॽ फाॽमासि के़न्‍दे़न्‍दिन्‍ने़भग्र, खे़न् याङ्‌गे़साॽबे़ल्‍ले़ खिनिॽ तक्‍ले़ङ्‌वाओ यहवे दाङ्‌बाओ पेलिगे़न् तुवा चोगुॽ, हे़क्‍क्‍याङ् लायोबा आप्‍तिक्‍को के़ध्‍ये़ॽइ॥

याकुब 5:4

ओमे़त्ते़म्‍मे़ॽओ! खिनिॽ इक्‍ताप्‍पो नाम्‌याक् मे़म्‍बिए याःम्‍बक्‍को के़भत्‍छुम्‍सिम्‍बा मनाहाॽरे़ खुनिॽ नाम्‌याक्‍किन् खिनिॽ तक्‍ले़ङ्‌वाओ अःक्‍लो॥ खे़न् चागे़सुम्‍बाहाॽरे़ खुनिॽ इक्‍लाःङ्‌ग मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ खे़प्‍सुआङ् वाॽरो॥

अयुब 35:9

“तुक्‍खे मे़जाःत्तुसिबा मनाहाॽ याम्‍दुक्‍माल्‍ले़ मे़याःत्‍लो॥ कुभाॽरे़ लागि खे़ङ्‌हाॽरे़ पेलिगे़न् तुवा मे़जोगुरो॥

निङ्‌वाॽफु साम्‍लोसुम् 145:19

खुने़ॽ मिङ्‌सो इङ्‌धाङ् के़बिबाहाॽरे़ मे़इःत्तुबा के़रे़क् पाःन्‍हाॽ के़त्तु पिरुसिरो॥ खे़ङ्‌हाॽरे़ खुने़ॽ पेलि मे़भाक्‍तुबान् खे़प्‍सुरो, हे़क्‍क्‍याङ् खे़ङ्‌हाॽ खुने़ॽ से़ःप्‍तुसिरो॥

निङ्‌वाॽफु साम्‍लोसुम् 140:12

यहवे दाङ्‌बे़ल्‍ले़ याङ्‌गे़साॽबाहाॽ कुदोःप्‍मा खासे़न् लोःन्‍दु पिरुसि के़लॽबान् आङ्‌गाॽ निसुङ्‌लो, हे़क्‍क्‍याङ् थेआङ् मे़ङ्‌गप्‍मनाबाहाॽ कम्‍ब्राङ् मे़त्तुसिरो॥

साम्‌योथिम् इङ् 24:15

नाम्‍धामानुःल्‍ले़ तगिए थिक्‌याःन्‍धक् खे़ल्‍ले़ कुनिम्‍म्‍याक्‍किन् पिरे़म्‍देसे़म्‍मे़ॽ, थेआङ्‌भे़ल्‍ले़ खे़न् याङ्‌गे़साॽबा चोक् हे़क्‍क्‍याङ् खुने़ॽ कुनिम्‍म्‍याक्‍कोए कुनिङ्‌वाॽ इगेःक् पत्॥ मेःन्‍ने़भग्र खे़ल्‍ले़ खिनिॽ तक्‍ले़ङ्‌वाओ यहवे दाङ्‌बे़न् पेलि फाक्‍तुने़भग्र, लायोल्‍ले़ खिनिॽ के़दे़त्तिॽ॥

लाम्‍दिक् 22:27

थेआङ्‌भे़ल्‍ले़ खे़ल्‍ले़ खे़न्‍लक् लत्‍छा खाम्‍मा कत्तु॥ खे़न् होःप्‍पिल्‍ले़ खुने़ॽ थे़माओ इम्? खे़ल्‍ले़ आङ्‌गाॽ पेलि फाक्‍काने़भग्र खे़ल्‍ले़ कुबेलिन् आङ्‌गाॽ खे़प्‍सुङ्‌ॽ, थेआङ्‌भे़ल्‍ले़ आङ्‌गाॽ के़नुॽबा चोःक्‍का॥

साम्‌योथिम् इङ् 10:18

खुने़ॽ ये़त्‍छाबाहाॽ नु मेमेदुमाहाॽ खुन्‍छिॽ ले़प्‍माङ् कुदोःप्‍मा खासे़न् लोःन्‍दु पिरुसिॽ, हे़क्‍क्‍याङ् वे़प्‍मिबाहाॽ लुङ्‌माॽ तुक्‍तुसिॽ खे़ब्‍याङ् खुने़ॽ कुजा नु चाङ् पिरुसिॽ॥

निङ्‌वाॽफु साम्‍लोसुम् 10:14

कर निङ्‌वाॽफुमाङ्‌ङे, मे़रिङ् थक्‍मा नु तुक्‍खेन् के़निसुरो, हे़क्‍क्‍याङ् सदादिङ् कुभाॽ पिमा यारिप् के़वाॽरो॥ थेआङ् चोःक्‍मा मे़न्‍छुमनाबा मनान् फाॽराङ्‌ङे़ॽ फाॽआङ् खे़ने़ॽओ तारो॥ ये़त्‍छाबाहाॽरे़ कुभाॽ दाङ्‌बाङ्‌ग हाबा खे़ने़ॽने़रो॥

निङ्‌वाॽफु साम्‍लोसुम् 68:5

निङ्‌वाॽफुमाङ्‌ङिन् सेसेदे़न् कुहिम्‍मो युङ्‌लो, ये़त्‍छाबाहाॽ खुने़ॽ पारे़ ओमे़त्तुसिबा हे़क्‍के ओमे़त्तुसिरो हे़क्‍क्‍याङ् मेमेदुमाहाॽ कुदोःप्‍मा खासे़न् लोःन्‍दु पिरुसिरो॥

मे़रिङ् साप्‍पन् 5:3

आनिगे ये़त्‍छाबा नु पानुदिङ् पा मेःन्‍नेबा पोःक्‍खिगे़आङ् वयिगे़रो, आनिगे माहाॽ मेमेदुमा हे़क्‍तङ्‌मा मे़बोःक्‍खे़आङ् मे़वाॽरो॥