‘यहवे दाङ्बान् हने़ कुसिक् मे़म्बोःक्मनाबा नु लुङ्माॽ आदुक्तुक्पा चोक्, फे़न्याःम्बक् नु लायो लासोत् ले़प्मि के़बिबा चोक्, कर आप्तिक्साबान् आत्तिन् परिक्ले़आङ् आप्तिक् मेःन्नेबा मे़न्जोःक्मनाबा, पाधे़बा थाःक्थे़बाहाॽरे़ खुन्छिॽ लायोल्ले़ कुले़क्वा खुन्छिॽ सुम्सि लिसि थाःक् थारिक्साङ् खुम्दिङ् के़बिबा चोक्॥’
लाम्दिक् 20:5 - लिम्बु5 आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥ Gade chapit la |
लाम्दिक् 20:5
65 Referans Kwoze
खे़ङ्हाॽ तगि अःक्खुम् मे़भन्नासिम्मिन्ने़ॽ, खे़ङ्हाॽ माङ्से़वा मे़मे़त्ते़म्सिम्मिन्ने़ॽ, थेआङ्भे़ल्ले़ आङ्गाॽ यहवे दाङ्बा वेॽ माङ्हाॽ नासिमे़न्धःप्मनाबा निङ्वाॽफुमाङ्आ॥ आङ्गाॽ के़नाॽबा पाधे़बाहाॽरे़ खुन्छिॽ फे़न्याःम्बक्किल्ले़ खुम्दिङ्ङिन् खे़ङ्हाॽरे़ खुनिॽ थिन्दाङ् सायोबोहाॽरे़ खुन्छिॽ सुम्सिगेक्पा लिसिगेक्पा थाःक् थारिक् पिरुङ्सिङ्ॽ,
खिनिॽ लुम्मो के़युङ्बा वेॽ मे़न्छाम् सुवाङ्हाॽनु मे़भःन्नासिम्मन्ने़ॽ, खुन्छिॽ माङ्हाॽरे़ मिङ्हाॽ मे़इङ्से़म्मिन्ने़ॽ, माङ्हाॽरे़ खुन्छिॽ मिङ्ङो माङ्हे़क् मे़जोगे़म्मे़न्ने़ॽ॥ खे़ङ्हाॽ से़वा मे़मे़त्ते़म्सिम्मे़न्ने़ॽ हे़क्क्याङ् साम्बोन्नाङ् खे़ङ्हाॽ माङ्से़वा मे़मे़त्ते़म्सिम्मे़न्ने़ॽ॥
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
हाःत्ताङ् युङ्ङाङ् निङ्वाॽ मे़इःत्छिङ्ङे़न्लो, कम्भे पाःप्मारे़ लागि आत्तिल्ले़आङ् सिक्कुम् निङ्वाॽ मे़गत्तुन्लो, इग्र खासिङ् मे़निःत्ने़न्लो, “आङ्गाॽ खे़ल्ले़ कुभ्रे़ःङ् सिङ् हाःन्दुङ्लो॥ हाबा खे़न् सिङ्ङिल्ले़ खरे़ःङ् ले़ःक्खुङ्लो, आङ्गाॽ सा नयुङ्ङाङ् चाङ्लो॥ थे आल्ल खे़न् के़नम्बा सिङ्ङिन् याम्गे़सिङ्बा सामा चोगुङ्बाबि? थे आङ्गाॽ सिङ्मुःत्ते़ल्ले़ कुदगाङ् साम्बोन् हबत् पप्मा पोङ्बाबि?”
खे़ब्याङ् खे़न् मनाःल्ले़ कुलागि हाःम्मा सिङ् पोङ्लो, हे़क्क्याङ् खुने़ॽ कुभा सिङ्जिॽ याङ्सिङ्ङाङ् आबाङे मि चाॽरुरो॥ खुने़ॽ खे़न् हाःन्दुआङ् खरे़ःङ् ले़ःङ्सुरो, हे़क्क्याङ् बाखे़न् सिङ्लाम्बा खुने़ॽ लत्छा माङ्धिक्काङ् चोगुआङ् खे़न् से़वा मे़त्तुरो॥ खुने़ॽ खे़न् सिङ्लाम्बा नावाइत्लाधिक् चोगुरो, खम्भ्याङ् खे़ल्ले़ कुदगि साम्बोन् हबत् फन्छिङ्लो॥
आल्ल यहवे दाङ्बे़ल्ले़ इस्राइलिहाॽनु माङ्हुप् चोगुल्ले़ खुने़ॽ खे़ङ्हाॽ कन् इङ्जाङ्ङिन् पिरुसिआङ् वये़—“वेॽ आत्तिन् माङ्हाॽआङ् खिनिॽ माङ्से़वा मे़मे़त्ते़म्सिम्मे़न्ने़ॽ, इग्र खे़ङ्हाॽ तगि खिनिॽ साबन् हबत् मे़भन्नासिम्मे़न्ने़ॽ, किग्र खे़ङ्हाॽ से़वा मे़मे़त्ते़म्सिम्मे़न्ने़ॽ, इग्र खे़ङ्हाॽओ सिदुङ्जभा मे़दोःन्दे़म्मिन्ने़ॽ॥
खे़न् मनाःल्ले़ कुमुॽइदाङ्साहाॽओबा नुसि ये़म्बित्छाहाॽ आनिगे हुक् आसुप्ते़ॽ, यहवे दाङ्बे़ल्ले़ सेगुबा सावल हाङ्ङिल्ले़ कुये़क्यक् गिबाओ यहवे दाङ्बे़ल्ले़ कुदगि खे़ङ्हाॽ से़रुम्सिम्बे़आङ् तिःक्सुम् फत्छुम्सिम्बे़॥” हाङ्ङिल्ले़ मे़त्तुसि, “आङ्गाॽ खिनिॽ के़बाःत्तुम्बा कुइसिक् खे़ङ्हाॽ खिनिॽ हुक्को पिनिङ्ॽ॥”
दाउदरे़ तङ्बेॽ सुम्सि हाङ् चोगुबा ये़म्मो साॽरिक् के़जाॽबा साक् पोगे़॥ हे़क्क्याङ् दाउदरे़ यहवे दाङ्बे़न् सेःन्दोसु॥ यहवे दाङ्बे़ल्ले़ दाउदे़न् मे़त्तु, “सावल नु खुने़ॽ कुहिम्सयङ्हाॽ मना के़से़प्पा मे़मे़त्तुसि, थेआङ्भे़ल्ले़ खे़ङ्हाॽरे़ गिबोनिहाॽ मे़से़रुसि॥ खे़ल्ले़चोगुल्ले़ साक् पोगे़आङ् वाॽ॥”
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
यहवे दाङ्बे़ल्ले़ पाःत्तुॽ, “‘खिनिॽ आबाङे लागि नावाइत्लाहाॽ मे़जोगे़म्सिम्मिन्ने़ॽ॥ हे़क्क्याङ् आबाङे लागि कुभा खोःम्मना लक्मनाबा नावाइत्ला इग्र सेसे लुङ्हाॽ मे़ये़प्से़म्सिम्मिन्ने़ॽ, हे़क्क्याङ् खोःम्मना लक्मनाबा लुङ्हाॽ खिनिॽ लाजेॽओ मे़ये़प्से़म्सिम्मिन्ने़ॽआङ् से़वा मे़प्मासिरे़ लागि साम्बोन् मे़बत्छे़म्मिन्ने़ॽ॥ आङ्गाॽ यहवे दाङ्बा खिनिॽ निङ्वाॽफुमाङ्आ॥
खे़ल्ले़ हुक् हे़क्तङ्बाधिक् सन्छुआङ् आङ्गाॽ आध्गेक् इओ ते़म्साङ्ङाङ् तेॽराङ्॥ खे़न् एगाङ् सुफोओ निङ्वाॽफुमाङ्ङिल्ले़ कुयाम्साम्मिल्ले़ आङ्गाॽ ताङ्साङ्बो थाःङ् पक्खाङ् हे़क्क्याङ् निङ्वाॽफुमाङ्लाम्बाबा सुफोओ यरुसले़म के़त्ताङ्॥ माङ्हिम् सिगाङ् के़ने़बा लक्खुम्मो लाःप्मा थाङ्गे़त् ले़प्माङ्बा यम्बा लाम्धेःत्तो के़त्ताङ्, खे़प्मो यम्बा नावाइत्ला थिक् युङ् खे़ल्ले़ यहवे दाङ्बे़न् साॽरिक् कुनागे़हे़म्बा चोगुआङ् वाॽ॥
कर खे़न् खासे़न्लोःम्बान् मासिङ्नुमे़ःन्ने एयाङ्बा साम्माङ्हाॽ मे़दिम्दुसि हे़क्क्याङ् खे़ङ्हाॽरे़ खुन्छिॽ तगि साम्बोन् मे़भन्छिङ्ङाङ् से़वा मे़मे़त्तुसिर खे़ङ्हाॽ खुन्छिॽ पाधे़बाहाॽनुःल्ले़ आल्लसाङ् यरिक् फे़त्मे़लाॽरे़॥ खे़ङ्हाॽरे़ खुन्छिॽ ताप्फे़ःम्बा ये़प्ले़क्किन् नु हादिङ् थक्मा सुत्नाःन् ले़प्मा मे़न्दे़न्दे़न्॥
यहवे दाङ्बा खिनिॽ निङ्वाॽफुमाङ्ङिल्ले़ इङ्जाङ् के़बिरिबा पाःन्हाॽलाम् खिनिॽ थिक्नाहाङ् के़हिआसिआङ् वेॽ माङ्हाॽ से़वा के़मे़त्तुम्सिम्ॽ हे़क्क्याङ् खे़ङ्हाॽ माङ्से़वा के़मे़त्तुम्सिम्ने़भग्र, यहवे दाङ्बे़ल्ले़ मि हे़क्के के़दिःप्पा कुसाक्के़न्निन् खिनिॽ सम्धाङ् थारो, हे़क्क्याङ् खुने़ॽ खिनिॽ के़बिरिबा कन् नुबा लाजेॽओलाम् खिनिॽ खिमो वरे़ङ्ले़ङ् के़मे़गिरो॥”
खुने़ॽ मे़त्तु, “मुक्साम्दाङ्बा यहवे दाङ्बा निङ्वाॽफुमाङ्ङिल्ले़ कुलागि आङ्गाॽ साॽरिक् कुसिक् के़सम्बा पोःक्खाङ्ङाङ् वाॽआ॥ इस्राइलिहाॽरे़ खे़ने़ॽ के़माङ्हुप्पिन् मे़नाॽरुआङ् वाॽ, खे़ने़ॽओ ले़त्ति तोःम्मादे़न्हाॽ मे़धुप्सु मे़लुःन्दुआङ् ने़रो, हे़क्क्याङ् खे़ने़ॽ के़माङ्निङ्वाॽपान् के़बाःप्पाहाॽ ताभेःल्ले़ मे़से़रुसिआङ् वाॽ॥ आङ्गाॽरक् याःक्ताङ्ङाङ् वाॽआ, हे़क्क्याङ् आल्ल खे़ङ्हाॽरे़ आङ्गाॽआङ् से़प्मा मे़गोःत्तार मे़वाॽ॥”
“आङ्गाॽ आमिङ्सो आधाःङ्सोरे़ लागि आङ्गाॽ थुक्काबा कुइसिक् इस्राइलिहाॽरे़ खुन्छिॽ लुम्मो एलाजाररे़ कुस्सा, निङ्वाॽफुसाम्बा हारुनरे़ कुम्मे़न्छाॽ पिनहासे़न् आङ्गाॽ मिङ्सो इङ्धाङ् पिमारे़ लागि थुक्तुआङ् वाॽ हे़क्क्याङ् इस्राइलिहाॽरे़ खुन्छिॽ लुम्मोलाम् आङ्गाॽ आसाक्के़न्निन् खे़त्तुदेसु॥ कल्ले़चोगुल्ले़ आङ्गाॽ आसिक् पोःक्मो खे़ङ्हाॽ आङ्गाॽ खाप्पुथ्यःङ् मे़जोगुङ्सिङ्ङिन्॥
कर कन् लत्छा पाःन्नोरक् आदाङ्बारे़ के़से़वारोबे़न् यहवे दाङ्बे़ल्ले़ ले़प्मि पिआर—आल्ल आङ्गाॽ आन्दाङ्बे़न् रिम्मोन माङ्हिम्मो साबोःन् हबत् फन्छिङ्माआङ् से़वा चोःक्मारे़ लागि आङ्गाॽ आहुक्को तक्सिङ्ङाङ् लाःत् हे़क्क्याङ् खुने़ॽ माङ्से़वा चोःक्किल्ले़ आङ्गाॽआङ् साम्बोन् पत्ता, कल्ले़ लागि आदाङ्बारे़ के़से़वारोबे़न् यहवे दाङ्बे़ल्ले़ ले़प्मि पिआर॥”
कर आनिगे खुने़ॽ ताङ्मे़से़ःप्तिगे़न्छाङ्, पयम् हाङ्ङे, आदाङ्बारे़ के़माङ्हाॽ आनिगे से़वा मे़मे़त्तुम्सिम्बे़न्ॽ हे़क्क्याङ् आदाङ्बारे़ के़ये़प्सुबा साम्म्याङ् नावाइत्लाःन्नाङ् साम्बोन्नाङ् से़वा मे़मे़त्तुम्बे़न्ॽ के़लॽबा आदाङ्बारे़ निङ्वाॽ के़घोसुर फाॽआङ् आनिगे इःत्तुम्बे़रो॥”
Piblisite