लाम्दिक् 20:3 - लिम्बु3 “आङ्गाॽनुःल्ले़ वेॽ आत्तिन् माङ् साम्माङ्हाॽआङ् से़वा मे़मे़त्ते़म्सिम्मिन्ने़ॽ॥ Gade chapit la |
लाम्दिक् 20:3
37 Referans Kwoze
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
कर आनिॽलागिग थिक्लक् निङ्वाॽफुमाङ् वाॽरो॥ खुने़ॽग पानुदिङ् पा निङ्वाॽफुमाङ्लो हे़क्क्याङ् खुने़ॽलाम्बाए काक् पाःन्हाॽरे़न् नावागे़न् चइःत् पोःक्खे़आङ् खुने़ॽ कुलागिए आनिॽ आहिङ्लो॥ हे़क्क्याङ् थिक्लक् दाङ्बा वाॽरो, खुने़ॽग ये़सु ख्रिस्तरो॥ खुने़ॽलाम्बाए काक् पाःन्हाॽरे़न् नावागे़न् चइःत् पोःक्खे़ हे़क्क्याङ् खुने़ॽलाम्बाए आनिॽ आहिङ्लो॥
हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
आनिगे सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ से़वा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोम्नाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
थेआङ्भे़ल्ले़ याम्बोःप्मा याःम्बक् के़जोःक्पा, आजिःन्जिःम्बा याःम्बक् के़जोःक्पा नु खिःम्ब्राक्पा आत्तिन्हाॽरे़आङ् ख्रिस्त नु निङ्वाॽफुमाङ्ङिल्ले़ खुन्छिॽ हाङ्जुम्मो लक् मे़ङ्घोसुन् फाॽआङ् खिनिॽ नुरिक्काङ् कुसिङ् के़निःत्तुम्मेरो॥ खे़न् खिःम्ब्राक्पाङ्ग नावाइत्ला से़वा के़जोःक्पाएरो॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
कर खे़ल्ले़ इङ्गाॽ अक्खे मे़त्ताङ्लो, “इङ्गाॽ से़वा मे़जोगाङ्ङिन्ने़ॽ! इङ्गाॽग खे़ने़ॽ कुइसिक् हे़क्क्याङ् माङ्निङ्वाॽपान् के़बाःप्पा के़म्भुॽ के़न्साॽसि नु कन् साप्पन्नो के़बप्पा पाःन्हाॽ के़इःप्पा के़नाःप्पाहाॽ हे़क्तङ्बा निङ्वाॽफुमाङ्ङिल्ले़ कुसेवारोबाआरो॥ निङ्वाॽफुमाङ्ङिन्लक् से़वा चोगे़ॽओ!”
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
कर आनिगे खुने़ॽ ताङ्मे़से़ःप्तिगे़न्छाङ्, पयम् हाङ्ङे, आदाङ्बारे़ के़माङ्हाॽ आनिगे से़वा मे़मे़त्तुम्सिम्बे़न्ॽ हे़क्क्याङ् आदाङ्बारे़ के़ये़प्सुबा साम्म्याङ् नावाइत्लाःन्नाङ् साम्बोन्नाङ् से़वा मे़मे़त्तुम्बे़न्ॽ के़लॽबा आदाङ्बारे़ निङ्वाॽ के़घोसुर फाॽआङ् आनिगे इःत्तुम्बे़रो॥”
Piblisite