लाम्दिक् 20:2 - लिम्बु2 “आङ्गाॽ खिनिॽ यहवे दाङ्बा निङ्वाॽफुमाङ्आ, आङ्गाॽ खिनिॽ योःग्बा योःग्मा के़बोःक्खिआङ् के़युङिबा मिस्र लाजेॽलाम् खिनिॽ लःत्निङ् फे़त्निङ्॥ Gade chapit la |
लाम्दिक् 20:2
50 Referans Kwoze
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
कर यहवे दाङ्बे़ल्ले़ खिनिॽ लुङ्माॽ के़दुक्तिबाल्ले़ चोगुल्ले़, हे़क्क्याङ् खुने़ॽ खिनिॽ पाधे़बाहाॽनु चोगुबा माङ्हुप्पिन् के़प्मारे़ लागिए यहवे दाङ्बाल्ले़ खुने़ॽ आप्फेक् कुमुक्साम्मिल्ले़ खिनिॽ के़लःत्ति के़भे़त्ति, खे़ब्याङ् मिस्रबा हाङ् फारोल्ले़ कुहुक्कोलाम्, योक् के़म्जोगिबा लाजेॽलाम् चोःक्युम्भो के़बिरि॥
मिस्र लाजेॽओ खिनिॽ योक् के़बोःक्खिआङ् के़वयिल्ले़ आक्खेलॽरिक् यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ कुमुक्साम् नु कुहुक्किन् सन्छुआङ् खिनिॽ के़लःत्ति के़भे़त्ति, खे़न् खिनिॽ निङ्वाॽ इःत्ते़म्मे़ॽ॥ कल्ले़चोगुल्ले़ यहवे दाङ्बा खिनिॽ निङ्वाॽफुमाङ्ङिल्ले़ सबाथ ये़न्निन् ने़प्मारे़ लागि खिनिॽ इङ्जाङ् के़बिरिबारो॥
यहवे दाङ्बे़ल्ले़ पाःत्तुॽ, “‘खिनिॽ आबाङे लागि नावाइत्लाहाॽ मे़जोगे़म्सिम्मिन्ने़ॽ॥ हे़क्क्याङ् आबाङे लागि कुभा खोःम्मना लक्मनाबा नावाइत्ला इग्र सेसे लुङ्हाॽ मे़ये़प्से़म्सिम्मिन्ने़ॽ, हे़क्क्याङ् खोःम्मना लक्मनाबा लुङ्हाॽ खिनिॽ लाजेॽओ मे़ये़प्से़म्सिम्मिन्ने़ॽआङ् से़वा मे़प्मासिरे़ लागि साम्बोन् मे़बत्छे़म्मिन्ने़ॽ॥ आङ्गाॽ यहवे दाङ्बा खिनिॽ निङ्वाॽफुमाङ्आ॥
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
कल्ले़चोगुल्ले़ यहवे दाङ्बा खुने़ॽ कुनिङ्वाॽफुमाङ्ङिल्ले़ खुने़ॽ आरामबा हाङ्ङिल्ले़ कुहुक्कोलाम् हारिद्ये़र याःन्दु॥ आरामिहाॽरे़ खुने़ॽ मे़नाःन्दुआङ् खुने़ॽ कुमनाहाॽओलाम् यरिक् मे़दे़म्सुसिआङ् दमस्कसओ मे़देॽरुसि॥ खुने़ॽ इस्राइलबा हाङ् पेकहःल्ले़ कुहुक्कोआङ् थ्ये़, हे़क्क्याङ् हाङ्ङिल्ले़ खुने़ॽ साॽरिक् कुजाभे़रे़र नाःन्दु॥
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
खे़ङ्हाॽ किमा नु यङ्मा के़प्माल्ले़ सुःप्तुसिआङ् वाॽरो॥ यहवे दाङ्बाए! खे़ङ्हाॽरे़ खे़ने़ॽ के़मुक्साम्मिन् मे़निसुरो, खे़ने़ॽ योःक्लाम् के़से़न्दु के़भे़त्तुसिबा के़मनाहाॽ, लाङ्मे़घेःक्काङ् नाधाःम्बि मे़बेःक्किल्ले़ निङ्मिहाॽ किमाल्ले़ चिरिम्लिम्ना मे़यङ्ङाङ् मे़म्बाःत्ते मे़ये़प्लो॥
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
यहवे दाङ्बे़ल्ले़ कुमाङ्लाइङ्बान् गिलगाललाम् बोकिमओ थोःक्सिङ् पे, हे़क्क्याङ् पाःत्तु, “आङ्गाॽ मिस्र लाजेॽलाम् खिनिॽ लःत्निङ् फे़त्निङ्, खे़ब्याङ् आङ्गाॽ खिनिॽ पाधे़बाहाॽ पिनिङ् मे़त्तुङ्सिङ्ङाङ् माङ्हे़क् चोगुङ्बा कन् लाजेॽओ खिनिॽ के़त्निङ् फे़त्निङ्॥ आङ्गाॽ पाःत्तुङ्, ‘आङ्गाॽ खिनिॽनु चोगुङ्ङाङ् वये़बा माङ्हुप्पिन् आभे़ल्ले़आङ् मे़भेःन्नान्॥
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
Piblisite