लाम्दिक् 2:24 - लिम्बु24 निङ्वाॽफुमाङ्ङिल्ले़ खे़ङ्हाॽ मे़यारे़बान् खे़प्सु हे़क्क्याङ् खुने़ॽ अब्राहाम, इसहाक हे़क्क्याङ् याकुबे़न्नु चोगुबा माङ्हुप्पिन् निङ्वाॽ इःत्तु॥ Gade chapit la |
लाम्दिक् 2:24
33 Referans Kwoze
हाबा खे़न् से़न्दिक् यहवे दाङ्बान् खुने़ॽओ निधाःम्सिङ्, हे़क्क्याङ् मे़त्तु, “आङ्गाॽ के़म्बा अब्राहाम्मिल्ले़ कुनिङ्वाॽफुमाङ्आ॥ खे़ने़ॽ मे़ङ्गिए़ॽ थेआङ्भे़ल्ले़ आङ्गाॽ खे़ने़ॽनु वाॽआ॥ आङ्गाॽ खे़ने़ॽ हाङ्वामुॽइ पिने़, आसे़वारोबा अब्राहाम्मिन्नु चोगुङ्बा माङ्हुप्पिल्ले़ चोगुल्ले़ आङ्गाॽ के़मुॽइदाङ्साहाॽ फोसुङ्सिङ् पिने़॥”
आप्फाल्ले़साङ् यहवे दाङ्बे़ल्ले़ खे़ङ्हाॽरे़ खुन्छिॽ लागि खासे़न्लोःम्बाहाॽ फोःक्खुसिल्ले़, यहवे दाङ्बे़न् खे़न् खासे़न्लोःम्बान्नु वये़, हे़क्क्याङ् खे़न् कुहिङ्हिङ् खुने़ॽ खे़ङ्हाॽ निङ्मिहाॽरे़ खुन्छिॽ हुक्कोलाम् ताङ्से़ःप्तुसिआङ् पत्छे़॥ आभे़ल्ले़साङ् खे़ङ्हाॽरे़ खुन्छिॽ निङ्मिहाॽरे़ ताप्फे़ःल्लिक् मे़मे़त्तुसि हे़क्क्याङ् तुक्खे मे़जाःत्तुसिआङ् खे़ङ्हाॽ मे़यारे़ल्ले़ यहवे दाङ्बे़ल्ले़ खे़ङ्हाॽ लुङ्माॽ तुक्तुसि॥
हे़क्क्याङ् यहवे दाङ्बाल्ले़ अब्राम्मिन् मे़त्तु, “खे़ने़ॽ के़मुॽइदाङ्साहाॽ आबाङे खुन्छिॽ लाजेॽ मेःम्बा माःङ्घाबा लाजेॽओ मे़बेःक्काङ् मे़युङ् के़लॽबान् निङ्वाॽ खोसे़ युक्से़ॽओ, हे़क्क्याङ् खे़ङ्हाॽ खे़न् लाजेॽबा मनाहाॽरे़ खुन्छिॽ योग्बा मे़बोङ्, हे़क्क्याङ् किप् लिसि तङ्बे थारिक् साॽरिक् ताप्फे़ःल्लिक् मे़मे़त्तुसिरो॥
“ताःन्दिक्पा हाबा कन् ये़म्मो बेन्यामिन थुम्लाम्बा मनाधिक् खे़ने़ॽओ पाङ्घुङ्॥ खे़न्निन् इस्राइलबा आङ्गाॽ आमनाहाॽरे़ खुनिॽ हाङ् पोङ्मारे़ लागि युक्तिङ् चोगे़ॽ॥ खे़ल्ले़ पलिस्तिहाॽरे़ खुनिॽ हुक्लाम्बा आमनाहाॽ से़ःप्तुसिॽ॥ आङ्गाॽ आमनाहाॽरे़ खुन्छिॽ तुक्खेन् निसुङ्ङाङ् वाॽआ, थेआङ्भे़ल्ले़ खे़ङ्हाॽरे़ खुन्छिॽ पेलिगे़न् तुवान् आङ्गाॽ आदगि के़रे़आङ् वाॽ॥”
कर अब्राहाम, इसहाक हे़क्क्याङ् याकुबनुबा यहवे दाङ्बे़ल्ले़ कुमाङ्हुप्पिल्ले़ चोगुल्ले़ खुने़ॽ खे़ङ्हाॽ लुङ्माॽ तुक्तुसिआङ् खुने़ॽ कुलुङ्माॽ स्याःत् मे़लॽरे़॥ खुने़ॽ खे़ङ्हाॽ ओमे़त्तुसि कम्ब्राङ् मे़त्तुसि॥ आइन्बा ये़न् थारिक्के खुने़ॽ खे़ङ्हाॽ मे़ङ्मासि इग्र खे़ङ्हाॽ खुने़ॽ कुदगिलाम् लःप्मादेमासि निङ्वाॽ मे़न्जोःक्के कत्तुसिॽ॥
Piblisite