लाम्दिक् 2:23 - लिम्बु23 यरिक् तङ्बे याङ्सि मिस्रबा हाङ्ङिन् स्ये़ कर इस्राइलिहाॽ योक् याःम्बक्को मे़युःत्तुसिआङ् आल्लसाङ् खुन्छिॽ सक्मा पुॽरे़आङ् मे़यागे़ हे़क्क्याङ् कुभाॽरे़ लागि पेलि फाक्मा मे़हेःक्ते़॥ खे़ङ्हाॽरे़ खुन्छिॽ पेलिन् निङ्वाॽफुमाङ्ङो के़रे़॥ Gade chapit la |
लाम्दिक् 2:23
31 Referans Kwoze
मिस्र लाजेॽओ खे़न् लुङ् सित्लाङ्ङिन् मुक्साम्दाङ्बा यहवे दाङ्बे़ल्ले़ कुलागि लत्छा मिक्सेन् नु तोःन्दि पोङ्ॽ॥ आयुक्युक्पा नु साक्के़ल्ले़क् के़जोःक्पा मनाहाॽरे़ मे़जोगुल्ले़ यहवे दाङ्बान् कुभाॽरे़ लागि पेलि मे़भाक्तुॽ, हे़क्क्याङ् खुने़ॽ खे़ङ्हाॽरे़ खुन्छिॽ लागि लत्छा से़न्लप्दाङ्बाधिक् नु के़से़ःप्पाधिक् पाङ्घुयुसुॽ, खे़ब्याङ् खे़ल्ले़ खे़न् मनाहाॽ खुन्छिॽ निङ्मिहाॽलाम् से़ःप्तुसिॽ॥
नाम्धामानुःल्ले़ तगिए थिक्याःन्धक् खे़ल्ले़ कुनिम्म्याक्किन् पिरे़म्देसे़म्मे़ॽ, थेआङ्भे़ल्ले़ खे़न् याङ्गे़साॽबा चोक् हे़क्क्याङ् खुने़ॽ कुनिम्म्याक्कोए कुनिङ्वाॽ इगेःक् पत्॥ मेःन्ने़भग्र खे़ल्ले़ खिनिॽ तक्ले़ङ्वाओ यहवे दाङ्बे़न् पेलि फाक्तुने़भग्र, लायोल्ले़ खिनिॽ के़दे़त्तिॽ॥
मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥
“याकुबे़न् मिस्रलाजेॽ पेआङ् खुने़ॽ कुस्सा कुम्मे़न्छाॽ इस्राइलिहाॽ के़साक्पा तुक्खेओ मे़ध्ये़॥ हे़क्क्याङ् खे़ङ्हाॽरे़ यहवे दाङ्बान् पेलि मे़भाक्तु, खे़ब्याङ् खुने़ॽ मोसान् नु हारुने़न् पाङ्घुसि॥ खे़न् ने़प्फुहाॽरे़ खे़निॽ पाधे़बाहाॽ मिस्रलाम् लःत्ते़सुआङ् खे़ङ्हाॽ कन् ते़न्नो युक्खुसि॥
“ताःन्दिक्पा हाबा कन् ये़म्मो बेन्यामिन थुम्लाम्बा मनाधिक् खे़ने़ॽओ पाङ्घुङ्॥ खे़न्निन् इस्राइलबा आङ्गाॽ आमनाहाॽरे़ खुनिॽ हाङ् पोङ्मारे़ लागि युक्तिङ् चोगे़ॽ॥ खे़ल्ले़ पलिस्तिहाॽरे़ खुनिॽ हुक्लाम्बा आमनाहाॽ से़ःप्तुसिॽ॥ आङ्गाॽ आमनाहाॽरे़ खुन्छिॽ तुक्खेन् निसुङ्ङाङ् वाॽआ, थेआङ्भे़ल्ले़ खे़ङ्हाॽरे़ खुन्छिॽ पेलिगे़न् तुवान् आङ्गाॽ आदगि के़रे़आङ् वाॽ॥”
Piblisite