लाम्‍दिक् 2:22 - लिम्‍बु

²² सिप्‍पोराःल्‍ले़ ये़म्‍बित्‍छा साधिक् कत्तु, हे़क्‍क्‍याङ् मोसाःल्‍ले़ खे़न् गेर्सोम मिङ् वाःत्तु, थेआङ्‌भे़ल्‍ले़ खुने़ॽ पाःत्तु, “आङ्‌गाॽ वेॽ लाजेॽओ वे़प्‍मिबा पोःक्‍खाङ्‌ङाङ् युङ्‌ङा॥”

लाम्‍दिक् 2:22 Referans Kwoze

सेःक्‌युक्‍मिबाहाॽ 7:29

कन् पाःन्‍निन् खे़प्‍सुआङ् मोसारे़ इङ्‌गाॽ मिस्रिःन् से़रुङ्‌बा पाःन्‍निन्‍नाङ् वेॽ मनाहाॽरे़ निङ्‌वाॽ मे़घोसुबिला लॽरिक् निङ्‌वाॽ इतुर किसे़आङ् मिस्रलाम् मिद्‌यान लाजेॽओ खे़त्‍छिङ् पेआङ् खे़प्‍मोए वाॽमा हेःक्‍ते़, हे़क्‍क्‍याङ् खे़प्‍मोए मेःक्‍खिम् चोगुआङ् ने़प्‍फु कुस्‍साआङ् पोःक्‍खे़त्‍छिरो॥

लाम्‍दिक् 22:21

“वेॽ लाजेॽबा मनान् तुक्‍खे मे़जाःत्ते़म्‍मिन्‍ने़ॽ, ताप्‍फे़ःल्‍लिक् मे़मे़त्ते़म्‍मिन्‍ने़ॽ, थेआङ्‌भे़ल्‍ले़ खिनिॽआङ् मिस्र लाजेॽओ वेॽ लाजेॽबा के़बोःक्‍खिआङ् के़वयि॥

निङ्‌वाॽफु साम्‍लोसुम् 119:19

आङ्‌गाॽग कन् इक्‍सादिङ् खाम्‍बेःक्‍मो सप्‍मारे़ लागिरक् वाॽआरो, के़इङ्‌जाङ्‌हाॽ आङ्‌गाॽलाम् लाःत्‍लाःत् मे़जोगे़न्‍ने़ॽओ॥

१ साप्‍मुःन्‍धुम् 29:15

आनिगे सुधे़बा थाःक्‍थे़बाहाॽ हे़क्‍केए आनिगे़ग आदाङ्‌बारे़ के़निमो वेॽ लाजेॽबा नु वे़प्‍मिबासिगे़॥ आनिगे ये़न्‍निन् कन् इक्‍सादिङ् खाम्‍बेःक्‍मो साम्‍मिःक्‍खुङ्‌बा हे़क्‍तङ्‌बारक् चोक् हे़क्‍क्‍याङ् आनिगे लागि निङ्‌साङ् चोःक्‍मालाम् होप्॥

१ साप्‍मुःन्‍धुम् 16:20

खे़ङ्‌हाॽ थिक् लाजेॽ नु वेॽ लाजेॽहाॽओ ताक्‍मे़गन्‍दे़रो, थिक् हाङ्‌जुम् नु वेॽ हाङ्‌जुम्‍हाॽओ मे़वये़रो॥

निङ्‌वाॽफु साम्‍लोसुम् 39:12

“यहवे दाङ्‌बाए, आबेलिन् खे़प्‍से़ॽओ, फाॽराङ्‌ङे़ॽ फाॽआङ् अःक्‍काल्‍ले़ खे़प्‍से़ॽओ॥ आङ्‌गाॽ हाःप्‍पाआङ् सुक्‍सुक् लॽआल्‍ले़ मे़ङ्‌घे़म्‍मना मे़ले़ङ्‌सिङ्‌ङिन्‍ने़ॽओ, थेआङ्‌भे़ल्‍ले़ के़रे़क् आसुधे़बा आदाक्‍थे़बाहाॽ हे़क्‍के आङ्‌गाॽग खे़ने़ॽनु के़वाॽबा तरेबाआरो, लत्‍छा वेॽ लाजेॽ के़युङ्‌बा हे़क्‍के आङ्‌गाॽ खे़ने़ॽओ याङ्‌धोःक्‍कारो॥

लाम्‍दिक् 2:10

याङ्‌सि अङे़ःक्‌वान् यम्‍बा पोःक्‍खे़आङ् खे़ल्‍ले़ फारोल्‍ले़ कुस्‍साओ तारु, हे़क्‍क्‍याङ् खे़न् खुने़ॽ कुस्‍सा चोगु॥ खे़ल्‍ले़ खुने़ॽ मोसा मिङ् वाःत्तु, थेआङ्‌भे़ल्‍ले़ खे़ल्‍ले़ पाःत्तु, “आङ्‌गाॽ कन् च्‍वाःत्तोलाम् लःत्तुङ्‌बारो॥”

तोलिङ्‌सोमु 23:4

“खिनिॽ लुम्‍मो आङ्‌गाॽ लत्‍छा वे़प्‍मिबाआ हे़क्‍क्‍याङ् वेॽ लाजेॽओबाआ॥ के़सिमा मे़ल्‍लिङ्‌गे़न् आमेःत्तिल्‍ले़ कुजेन् लुप्‍मारे़ लागि कॽयो लाजेॽधिक् इङ्‌मा आङ्‌गाॽ याप्‍मि आबिरे़ॽ, हे़क्‍केलॽरिक् के़सिमा आहिम्‍सामे़न् आङ्‌गाॽ खे़प्‍मो नुरिक्‍काङ् लुप्‍मा सुक्‍तुङ्‌ल॥”

लाम्‍दिक् 4:20

कल्‍ले़चोगुल्‍ले़ मोसाःल्‍ले़ खुने़ॽ कुमेत् नु कुस्‍साहाॽ लत्‍छा अदङ्‌ङो युक्‍खुसि हे़क्‍क्‍याङ् निङ्‌वाॽफुमाङ्‌ङिल्‍ले़ कुदक्‍काःत्तिन् कुहुक्‍को याङ्‌सिङ्‌ङाङ् खुने़ॽ मिस्र ले़प्‍माङ् थासिङ्॥

ले़बि 25:23

“‘लाजेन् सदादिङ्‌ले़ लागि सिॽयाक् मे़सङ्‌घे़म् मे़देसे़म्‍मिन्‍ने़ॽ॥ थेआङ्‌भे़ल्‍ले़ लाजेःङ्‌ग आङ्‌गाॽइन्‍लो॥ खिनिॽग वेॽ लाजेॽबा नु वे़प्‍मिबा के़बोःक्‍खिआङ् आङ्‌गाॽनु के़युङिर के़वयिॽ॥

खासे़न्‍लोःम्‍बा 18:30

दानबा थाःक्‍हाॽरे़ खे़न् लक्‍मनाबा नावाइत्‍लान् मे़युक्‍खु, हे़क्‍क्‍याङ् इस्राइलि सुवाङ्‌हाॽ मे़न्‍दे़म्‍सुन् मे़न्‍देॽरुसिन्‍ल थारिक् मसाःल्‍ले़ कुम्‍मे़न्‍छाॽ गेर्सोमरे़ कुस्‍सा जोनाथन नु खुने़ॽ कुस्‍साहाॽ दानरे़ कुधाःक्‍हाॽरे़ खुन्‍छिॽ निङ्‌वाॽफुसाम्‍बा मे़बोःक्‍खे़॥

१ सामुए़ल 1:20

हे़क्‍केलॽरिक् हन्‍नाःन् मे़न्‍छुक्‍मा पोःक्‍खे़, हे़क्‍क्‍याङ् ये़म्‍बित्‍छा साधिक् सावाःन्‍दु॥ खुने़ॽ खे़ल्‍ले़ कुमिङ् सामुए़ल मिङ् वाःत्तु, हे़क्‍क्‍याङ् याम्‍मो पाःत्तु, “थेआङ्‌भे़ल्‍ले़ यहवे दाङ्‌बे़न् नाःक्‍तुङ्‌ङाङ्‌ङे कन् ये़म्‍बित्‍छा सान् पोःक्‍खे़बारो॥”