लाम्‍दिक् 2:15 - लिम्‍बु

¹⁵ कन् पाःन्‍निन् फारोल्‍ले़आङ् निङ्‌वाॽ खोसु हे़क्‍क्‍याङ् खुने़ॽ मोसान् से़प्‍मा निङ्‌वाॽ चोगु॥ खे़ब्‍याङ् मोसान् फारोःन्‍लाम् खे़त्‍छिङ् पेआङ् मिद्‌यान लाजेॽओ युङ्‌मा हेःक्‍ते़॥ थिक्‌यान् मोसान् लत्‍छा वगे़ङ् थिक्‍ले़ कुयाओ युङ्‌सिङ्‌ङाङ् युङे़॥

लाम्‍दिक् 2:15 Referans Kwoze

हिब्रु 11:27

नसाःन्‍लाम्‍बाए खुने़ॽग निःमे़न्‍धाःप्‍मनाबा निङ्‌वाॽफुमाङ्‌ङिन् निसुबा कुइसिःक्‍के हाङ्‌ङिल्‍ले़ कुसिक्‍किन्‍नु मे़गिसे़न्‍नाङ् मिस्रलाम् लःन्‍दे़पेबान् पेबाए पोःक्‍खे़आङ् मे़नुःक्‍खे़न्॥

सेःक्‌युक्‍मिबाहाॽ 7:29

कन् पाःन्‍निन् खे़प्‍सुआङ् मोसारे़ इङ्‌गाॽ मिस्रिःन् से़रुङ्‌बा पाःन्‍निन्‍नाङ् वेॽ मनाहाॽरे़ निङ्‌वाॽ मे़घोसुबिला लॽरिक् निङ्‌वाॽ इतुर किसे़आङ् मिस्रलाम् मिद्‌यान लाजेॽओ खे़त्‍छिङ् पेआङ् खे़प्‍मोए वाॽमा हेःक्‍ते़, हे़क्‍क्‍याङ् खे़प्‍मोए मेःक्‍खिम् चोगुआङ् ने़प्‍फु कुस्‍साआङ् पोःक्‍खे़त्‍छिरो॥

तोलिङ्‌सोमु 24:11

युःन्‍छिक् मे़न्‍छुमा हिन्‍जाॽहाॽरे़ खुन्‍छिॽ च्‍वाःत् फाःप्‍मा ये़म् पोःक्‍खे़॥ हे़क्‍केःल्‍ले़ ये़क्‌यक् लाःक्‍कात् ले़प्‍माङ्‌बा वबाक्‍किल्‍ले़ कुबेसाङ् खुने़ॽ उमेहाॽ ये़प्‍सुसि॥

तोलिङ्‌सोमु 29:2

खे़न् ते़न्‍नोबा प्‍याङ्‌सिओ खुने़ॽ ओमे़त्तुल्‍ले़ लत्‍छा वबाक्‍थिक् निसु, हे़क्‍क्‍याङ् खे़ल्‍ले़ कुबेसाङ् सुम्‍सि मे़ल्‍लुक् लुप्‍हाॽ मे़ये़बे़, थेआङ्‌भे़ल्‍ले़ मनाहाॽरे़ आम्‍भा खे़न् वबाक्‍कोलाम् मे़ल्‍लुक् लुप्‍हाॽ च्‍वाःत् मे़धुङ्‌घुसि॥ खे़न् वबाक्‍किल्‍ले़ कुम्‍ब्रा ते़प्‍मा यम्‍बा लुङ्‌धिक् पत्‍छे़॥

युहुन्‍ना 4:6

खे़प्‍मो याकुबरे़ तयुबा वाबाक्‍किन् ने़स्‍से़॥ ये़सुन् लाम्‍दिःक्‍कोलाम् नास्‍से़आङ् ले़न्‍दिक् खे़न् वाबाक्‍किल्‍ले़ कुबेसाङ् युङ्‌सिङ्॥

मत्ति 10:23

खिनिॽ थिक्‍ते़न्‍नो तुक्‍खे के़म्‍जाःत्तिल्‍ले़ वेॽसमा ते़न्‍नो खे़त्‍छिङ्‌ङे़म्‍मे़ॽओ॥ इङ्‌गाॽ से़क्‍खाए मे़त्‍निङ्, इङ्‌गाॽ मे़न्‍छाम्‍सान् नुःङ्‌ङा युआल्‍ले़ खिनिॽ कन् इस्राइलसमा के़रे़क् ये़क्‌यक्‍हाॽओ सुनाइङ् से़ःमा याःम्‍बक् मे़न्‍छुःत्ते के़वयिॽरो॥

खाहुन् 22:3

खासिङ्‌गे़निःप्‍पे़ल्‍ले़ ये़त्तुक्‍खे तार पप्‍पा निसुरो हे़क्‍क्‍याङ् कुभा ते़न्‍नो से़ःप्‍सिङ्‌लो, कर कुनिङ्‌वाॽ के़बाःक्‍पा मनान् खे़न् ले़प्‍माङ्‌ङे पेःक्‍लो हे़क्‍क्‍याङ् खे़ल्‍ले़ खुम्‍दिङ् खोसुरो॥

लाम्‍दिक् 4:19

मोसान् मिद्‌यान लाजेॽलाम् थासिङ्‌मानुःल्‍ले़ तगि यहवे दाङ्‌बे़ल्‍ले़ खुने़ॽ मे़त्तु, “खे़ने़ॽ मिस्र नुःक्‍खे़ पेगे़ॽ॥ खे़ने़ॽ से़प्‍मा के़गोःप्‍पाहाॽ के़रे़क् मे़स्‍ये़ मे़घे़रे़॥”

तोलिङ्‌सोमु 25:4

मिध्‍याने़ल्‍ले़ कुस्‍साहाॽ एपा, एपेर हनोक, अबिदा नु एल्‍दा मे़वये़॥ कङ्‌हाॽ के़रे़क् के़तुरारे़ कुमुॽइदाङ्‌साहाॽ मे़वये़॥

तोलिङ्‌सोमु 25:2

खे़ल्‍ले़ अब्राहामलाम् जिम्रान, योक्‍छान, मेदान, मिध्‍यान, यिस्‍बाक, हे़क्‍क्‍याङ् सुहन् कत्तुसि॥

लाम्‍दिक् 18:4

हे़क्‍क्‍याङ् खुने़ॽ वेॽ कुस्‍साःल्‍ले़ कुमिङ् एलिएजर मिङ् वाःत्तु, थेआङ्‌भे़ल्‍ले़ खुने़ॽ पाःत्तु, “आङ्‌गाॽ आम्‍बारे़ कुनिङ्‌वाॽफुमाङ्‌ङिल्‍ले़ फाॽराङ् हे़क्‍क्‍याङ् फारोल्‍ले़ कुदाभेओ थामालाम् ताङ्‌से़ःप्‍ताङ्॥”

१ हाङ् 11:18

खे़ङ्‌हाॽ मिद्‌यानलाम् मे़लःन्‍दे़आङ् पारान मे़बे॥ खे़ब्‍याङ् पारानलाम् कुभा मनाहाॽ सोरिक् मे़देॽरुसिआङ् खे़ङ्‌हाॽ मिस्र लाजेॽबा फारो हाङ्‌ङे़ओ मे़द्‌ये़॥ खुने़ॽ हददे़न् लत्‍छा हिम् नु लाजेॽसिङ्‌बुङ् हे़क्‍क्‍याङ् चामा थुङ्‌मा हिसु तङ्‌घु पिरु॥

हबकुक 3:7

आङ्‌गाॽ कुसनबा मनाहाॽ तुक्‍खेलाक्‍खेओ मे़ध्‍ये़बा निसुङ्‌लो, मिद्‌यानबा मे़न्‍छाम् सुवाङ्‌ङिन् किमा यङ्‌माओ थ्‍ये़बा निसुङ्‌लो॥