लाम्दिक् 19:9 - लिम्बु9 यहवे दाङ्बे़ल्ले़ मोसान् मे़त्तु, “आङ्गाॽ माक्सिःङ्ग्याःप्पा खाॽमिःत्तोलाम् खे़ने़ॽओ युआ हे़क्क्याङ् मनाहाॽरे़ आङ्गाॽ खे़ने़ॽनु पाःत्ताबान् मे़घे़प्सुॽ खे़ब्याङ् आल्लआङ्धो खे़ने़ॽ नसान् के़म्जोक्॥” मनाहाॽरे़ आक्तङ्बा नोगप् मे़बाःत्तुआङ् मे़वये़, खे़न् पाःन्निन् मोसाःल्ले़ यहवे दाङ्बे़न् मे़त्तु॥ Gade chapit la |
लाम्दिक् 19:9
25 Referans Kwoze
सुम्यान् के़रे़ल्ले़ याःन्दिक् तानाम् साःम्भे ले़क्ते़ हे़क्क्याङ् ताङ्साङ्बे़न् खे़रे़ङ्घुरुङ् लॽरे़, माक्सिःङ्ग्याःप्पा खाॽमिःप्पान् कोःक्माओ थाःङ् फन्छिङ् खे़ब्याङ् थुत्थुरिःप्पान् यम्बा लाइक्ते़बा खे़म्दे़त्ते़॥ साःङ्गाहिम्मोबा के़रे़क् मनाहाॽ किमाल्ले़ थे़गक्कक् मे़यक्खे़॥
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
इस्राइल लाजेन् कल्ले़ कुहाङ्पाङ् सामरियाःन्नुःल्ले़ के़धुम्बा मे़जोक्ने़न्लो, हे़क्क्याङ् सामरिया हाङ्पाङ्ङिन् कल्ले़ कुहाङ् रमलियाहःल्ले़ कुस्सा पेकहःन्नुःल्ले़ के़धुम्बा मे़जोक्ने़न्लो॥ खे़ने़ॽ के़नसाःन्ने़न् के़धुम्बा मे़जोक्ने़न्ने़भग्र आङ्गाॽ खे़ने़ॽ के़धुम्बा चोःक्मा मे़सुक्ने़न्लो॥”
खे़ब्याङ् खे़ङ्हाॽ तानाम् आन्देन् मे़बोगे़आङ् तकोबा मुरे़क् खारे़क् थेआङ् के़होप्पा ये़ःङ्घादे़न्नो मे़बे॥ खे़ङ्हाॽ मे़लःन्दे़ मे़बेःल्ले़ ये़म्सिङ्ङाङ् यहोसापातरे़ मे़त्तुसि, “यहुदाबा नु यरुसले़मबा यक्युङ्बासे, आङ्गाॽ आबाःन्निन् खे़प्से़म्मे़ॽ! यहवे दाङ्बा खिनिॽ निङ्वाॽफुमाङ्ङिन् नसान् के़जोगुम्बाओ खिनिॽ थधप् मे़ल्लॽए पत्छे़म्मे़ॽ, हे़क्क्याङ् खुने़ॽ खिनिॽ के़दक्ति के़भत्छिॽ॥ खुने़ॽ कुमाङ्निङ्वाॽपान् के़बाःप्पाहाॽ नसान् चोगे़म्सिम्मे़ॽ, खम्भ्याङ् खिनिॽ कुलिङ्दो के़गे़प्पा के़बोक्खिरो॥”
होरेब कोःक्माओ खिनिॽ यहवे दाङ्बा निङ्वाॽफुमाङ्ङिल्ले़ कुदगि के़ये़बिबा ये़न्निन् निङ्वाॽ इःत्ते़म्मे़ॽ, आल्ल खुने़ॽ आङ्गाॽ अक्खे मे़त्ताङ्, “आङ्गाॽ आबाःन्जाक् खे़म्मारे़ लागि मनाहाॽ आङ्गाॽ आदगि सुप्से़से़ॽ, हे़क्क्याङ् खे़न् लाजेॽओ खुन्छिॽ हिङ्हिङ् आङ्गाॽनु किमा मे़हुॽसिङ्ल खम्भ्याङ् खे़न् पाःन्जाःक्हाॽ खुन्छिॽ साहाॽआङ् मे़हुॽरुसिर॥”
Piblisite