लाम्दिक् 19:5 - लिम्बु5 आल्ल आङ्गाॽ आबाःन्निन् खिनिॽ से़क्खाए के़घे़प्सुम्ॽ हे़क्क्याङ् आङ्गाॽ चोगुङ्बा माङ्हुप्पिन् के़इःत्तुम् के़नाःत्तुम्ने़भग्र, के़रे़क् मे़न्छाम् सुवाङ्हाॽओ खिनिॽग आङ्गाॽ इमे़ल्लुङ्बा आयाङ्सा कुन्धे के़बोःक्खिॽ॥ काक् इक्सादिङ् खाम्बेःक्मान् आङ्गाॽइन्छाङ् Gade chapit la |
लाम्दिक् 19:5
54 Referans Kwoze
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ कुलागि खिनिॽ लत्छा सेसेबा सुवाङ्निङ्लो॥ यहवे दाङ्बा खिनिॽ निङ्वाॽफुमाङ्ङिल्ले़ इक्सादिङ् खाम्बेःक्को के़वाॽबा के़रे़क् मे़न्छाम् याप्मिहाॽलाम् खुने़ॽ कुलागि लत्छा के़ये़क्पा सुवाङ्, लत्छा इमे़ल्लुङ्बा याङ्साकुन्धे चोःक्मारे़ लागि खिनिॽ के़सेगिआङ् वाॽ॥
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
मोसाःल्ले़ हाङ्ङिन् मे़त्तु, “ये़क्यक्कोलाम् लाःक्कात् लःन्दिगे़ पेगिगे़नुमे़ःन्ने आङ्गाॽ आहुक्हाॽ फोःक्खुङ्ङाङ् यहवे दाङ्बे़न् पेलि फाक्तुङ्ॽ॥ खे़रे़ङ्घुरुङ् लॽमा नाॽ हे़क्क्याङ् फःन् थामा नाॽ॥ खे़ब्याङ् कन् इक्सादिङ् खाम्बेःक्मान् यहवे दाङ्बे़ल्ले़न्रे़त्छ फाॽआङ् खे़ने़ॽ निङ्वाॽ के़घोसुॽ॥
थेआङ्भे़ल्ले़ यहवे दाङ्बा निङ्वाॽफुमाङ्ङे, आनिगे पाधे़बाहाॽ, मिस्र लाजेॽलाम् के़लःत्तु के़धाक्तुसिल्ले़ खे़ने़ॽ के़से़वारोबा मोसालाम्बा उवा के़जोगुआङ् वये़बा हे़क्केए खे़ने़ॽ खे़ङ्हाॽ आप्फेक् के़लक्खोबा पोङ्मारे़ लागि इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ खुन्छिॽ लुम्मोलाम् एःक् के़से़न्दुसिरो॥”
आङ्गाॽ आइन् खिनिॽ इङ्जाङ् पिनिङ्बा कुइसिक् खिनिॽ सिङ्सिङ् ये़क्ये़क्काङ् यहवे दाङ्बा खिनिॽ निङ्वाॽफुमाङ्ङिल्ले़ के़रे़क् कुइङ्जाङ्हाॽ तिम्मा नाःप्मा के़दे़न्दिॽ हे़क्क्याङ् खुने़ॽ कुबाःन्जाक्किन् के़इःत्तुम् के़नाःत्तुम्ने़भग्र, खुने़ॽ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽनुःल्ले़ खिनिॽ थोधोक्पा के़जोगिॽ॥
खे़न् एगाङ् खुने़ॽ यहवे दाङ्बे़ल्ले़ कुइङ्जाङ्हाॽ साप्मनाबा माङ्हुप् साप्पन्निन् याङ्सिङ् हे़क्क्याङ् मनाहाॽरे़ खुनिॽ तगि मे़घे़प्सुर निरुआङ् खे़म्बाङ्घुसि॥ मनाहाॽरे़ मे़बाःत्तु, “यहवे दाङ्बाल्ले़ कुइङ्जाङ्ङिन् आनिगे इःत्तुम् नाःत्तुम्बे़रो हे़क्क्याङ् यहवे दाङ्बाल्ले़ इङ्जाङ् चोगुबा के़रे़क् पाःन्हाॽ आनिगे के़त्तुम्बे़रो॥”
खिनिॽ थे़माःन् कुसिवे़त् के़घोसुम्ॽ, खिनिॽ खे़न् मे़जे़म्मिन्ने़ॽ॥ खिनिॽ ये़क्यक्को के़युङ्बा वेॽ लाजेॽबा मनान् खे़न् पिमा के़सुक्तुम्ॽ, हे़क्क्याङ् खुने़ॽ खे़न् चःल्ले़ नुॽ, इग्र खिनिॽ खे़न् के़घोसुम्बा कुसिवे़त्ते़न् कुभा वेॽ लाजेॽबा मनाओ सङ्मा के़सुक्तुम्॥ कर खिनिॽग यहवे दाङ्बा खिनिॽ निङ्वाॽफुमाङ्ङिल्ले़ कुलागि के़सेःन्दिबा सुवाङ्निङ्लो॥ मे़ःन्दसाःत् सान् कुम्मारे़ कुनुओ मे़धोःक्ते़म्मिन्ने़ॽओ॥
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
खुने़ॽ मे़त्तु, “आङ्गाॽ आदाङ्बारे़ के़निमो के़निङ्वाॽ के़दाबा पोःक्खाङ्ङाङ् वाॽआने़भग्र, यहवे दाङ्बाए, आङ्गाॽ पेलि फाक्ने़, यहवे दाङ्बान्ने आनिगे़नु सोरिक् लाङ्घेगे़ॽ॥ कन्हाॽ आधिङ्गानि मना मे़बोःक्खे़साङ् आनिगे फे़न्याःम्बक् नु लायोलाम् ले़प्मि आबिरे़ॽआङ् लक्खोबा कुइसिक् आबाङे के़माना हे़क्के आदाःक्ते़ॽओ॥”
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
Piblisite