लाम्दिक् 19:18 - लिम्बु18 सिनै कोःक्मान् के़रे़क् मिःक्खोॽइल्ले़ थिम्सुआङ् पत्छे़ थेआङ्भे़ल्ले़ यहवे दाङ्बे़न् मिःल्ले़ कुसम्धाङ् खे़प्मो थासिङ् ये़आङ् वये़॥ मिःक्खुन् मिधुङ् मिराःक्कोबा मिःक्खुॽ कुइसिक् लःन्दे़आङ् पत्छे़॥ हे़क्क्याङ् के़रे़क् कोःक्मा फाङ्जङ्ङिन् थुरुप्लुप्ना यक्खे़॥ Gade chapit la |
लाम्दिक् 19:18
41 Referans Kwoze
खुने़ॽ पाःत्तु, “यहवे दाङ्बे़न् सिनै कोःक्मालाम् ये़रो, हे़क्क्याङ् सेइर थे़गुलाम् खे़ङ्हाॽरे़ खुन्छिॽ सम्धाङ् नाम् कुइसिक् के़रे़ थाङे़रो॥ खुने़ॽ पारान कोःक्मा फाङ्जङ्लाम् ओःत्ते़रो थिबोङ् हे़न्छिङ् माङ्लाइङ्बाहाॽनु लाङ्गे़त् पिसाङ्लाम्, कुगोःक्माओबा याक्केःक्केःक्पा ते़न्हाॽलाम् खुने़ॽ थाङे़रो॥
कन् इङ्जाङ्हाॽ यहवे दाङ्बे़ल्ले़ कोःक्मा फाङ्जङ्ङो मिधुङ्दिङ् मिराःक् नु खाॽमित् हे़क्क्याङ् खामाक्मा लुम्मोलाम् यम्बा इक्लाओ खिनिॽ के़रे़क् चुम्भोःन् के़मे़त्ति॥ खुने़ॽ कुयोॽबा वेॽ थे़माआङ् मे़बाःत्तुन्॥ हे़क्क्याङ् खे़न् इङ्जाङ्हाॽ ने़त्छि साप्लुङ्हाॽओ साप्तुआङ् आङ्गाॽ पिराङ्लो॥
कर दाङ्बान् नुःङ् युबा ये़न्निङ्ग से़न्दिक् के़घुःम्बान् खुःन्छे़ ताबा कुइसिक् हक्चघत् पोङ्लो॥ यम्बा इक्लाओ तरःङ्दिङ् ताङ्साक्पे़न् माबेःक्, हे़क्क्याङ् खे़प्मो के़बप्पाहाॽ काक् मिदिक्काङ् योःम्बेःक्, हे़क्क्याङ् इक्सादिङ् खाम्बेक् नु खे़प्मो के़वाॽबा काक् पाःन्हाॽआङ् मिःल्ले़ खाप्पुथ्यःङ् चोगुसिरो॥
खिनिॽग सिनाइ कोःक्मा हे़क्तङ्बा सुमा सुक्के़दे़प्पा दे़न्नो मे़न्दाए के़वयिॽ, हे़क्क्याङ् मि के़दिःप्पा, खागे़दाम्बा, माक्के़लॽबा हे़क्क्याङ् किप्मा के़घुबा सुरित् केजङ् के़हुबा दे़न्नो, थुत्तुरिःप्पा मुक्ते़बा इक्ला नु किप्मा के़घुबा इक्लाःल्ले़ कुबेसाङ् मे़न्दाए के़वयिॽरो॥ खे़न् के़घे़म्बाहाॽरे़ याम्मो अक्तङ्बा किप्मा के़घुबा इक्लाओ खुनिॽनु मे़बाःत्ने़न्ल फाॽआङ् पेलि मे़भाक्तुरो॥
आङ्गाॽ आगोःक्माओबा ने़ने़बादे़न्लाम्बा के़बोःक्खिआङ् खिनिॽ के़घे़त्तासिॽ, थेआङ्भे़ल्ले़ खे़न् आसेल थारिक् पोबेक्॥ यहुदाबा हाङ् उज्जियाहःल्ले़ कुये़म्मो लुप्लि थाङे़ल्ले़ मनाहाॽ मे़घे़त्छिङ्बा हे़क्केए खिनिॽ के़घे़त्ताॽसिॽ॥ खे़ब्याङ् यहवे दाङ्बा आङ्गाॽ आनिङ्वाॽफुमाङ्ङिन् खुने़ॽ के़रे़क् कुमाङ्लाइङ्बाहाॽनु युरो॥
दाङ्बा ये़सुन् साङ्ग्राम्पेदाङ्लाम् नुःङ् युःल्ले़ खिनिॽ तुक्खेओलाम् नाःम्सिङ्मा के़बिरिॽ, हे़क्क्याङ् आनिगे़आङ् नाःम्सिङ्मा खोसुम्बे़ॽरो॥ खुने़ॽ कुमुक्साम्गे़न् माङ्लाइङ्बाहाॽनु मिराःक्को युआङ् निङ्वाॽफुमाङ्ङिन् कुसिङ् मे़न्निःप्मनाबाहाॽ नु मिःम्जि दाङ्बा ये़सुरे़ कुसुनाइङ् ते़न्दिङ् चोःक्मा मे़न्दे़म्मनाबाहाॽ खुम्दिङ् पिरुसिरो॥
ये़म्सिङ्ङिल्ले़ खुने़ॽ इक्सादिङ् खाम्बेःक्मान् मुन्दुरो, खुने़ॽ ओमुये़आङ् मे़न्छाम् सुवाङ्हाॽ चिरिम्लिम् मे़यक्खे़रो॥ उन्छेःन् उन्छेःन्नाङ्धोबा कोःक्माहाॽ फयःप्फयःप् यबे़रो, खे़न् काप्पोबा थे़गु माङ्वाहाॽ चोःन्दे़ लासे़रो, खुने़ॽ कुलाम्हाॽ आभे़ल्ले़आङ् मे़म्नुप्मनाबा चोक्लो॥
Piblisite