लाम्‍दिक् 18:4 - लिम्‍बु

⁴ हे़क्‍क्‍याङ् खुने़ॽ वेॽ कुस्‍साःल्‍ले़ कुमिङ् एलिएजर मिङ् वाःत्तु, थेआङ्‌भे़ल्‍ले़ खुने़ॽ पाःत्तु, “आङ्‌गाॽ आम्‍बारे़ कुनिङ्‌वाॽफुमाङ्‌ङिल्‍ले़ फाॽराङ् हे़क्‍क्‍याङ् फारोल्‍ले़ कुदाभेओ थामालाम् ताङ्‌से़ःप्‍ताङ्॥”

लाम्‍दिक् 18:4 Referans Kwoze

हिब्रु 13:6

खे़ल्‍ले़चोगुल्‍ले़ आनिॽ हाङ्‌हाङ्‌ङाङ् अक्‍खे पाःप्‍मा आसुक्‍तुम्‍लो, “इङ्‌गाॽ याप्‍मि कुभाॽ के़बिबे़ङ्‌ग दाङ्‌बाल्‍लो, इङ्‌गाॽ मे़गिआन्‍लो॥ इङ्‌गाॽ हाःत्‍ले़ थे मे़प्‍मा सुक्‍काबे?”

२ तिमोथि 4:17

कर दाङ्‌बान् इङ्‌गाॽनु वये़आङ् थिम्‍मे़न्‍दङ् सुवाङ्‌हाॽरे़ सुनाइङ् खे़म्‍मा मे़घोसुनि फाॽआङ् सुनाइङ् इङ्‌भोमा के़सुक्‍पा पोङ्‌मा थुम् पिराङ्‌लो॥ दाङ्‌बाल्‍ले़ग इङ्‌गाॽ खिरिङ्‌बाल्‍ले़ कुमुराओलाम्‍माङ् से़ःप्‍ताङ्‌लो॥

सेःक्‌युक्‍मिबाहाॽ 12:11

हे़क्‍क्‍याङ् पत्रुसरे़ कन् से़क्‍खाए पोःक्‍खे़बारो फाॽआङ् खुने़ॽ निङ्‌वाॽ खोसुआङ् अक्‍खे मे़त्‍छिङ्, “कन् पाःन्‍निङ्‌ग से़क्‍खाएरो॥ दाङ्‌बाल्‍ले़ खुने़ॽ कुमाङ्‌लाइङ्‌बान् पाङ्‌घुआङ् यहुदि लाम्‍लोबाहाॽरे़ निङ्‌साङ् मे़जोगुबा नु हे़रोदलाम् इङ्‌गाॽ से़ःप्‍ताङ्‌लो॥”

दानिए़ल 6:22

आङ्‌गाॽ आनिङ्‌वाॽफुमाङ्‌ङिल्‍ले़ कुमाङ्‌लाइङ्‌बान् पाङ्‌घुयुसु, हे़क्‍क्‍याङ् खे़ल्‍ले़ खिरिङ्‌बाहाॽरे़ खुन्‍छिॽ मुरान् हुॽरु पिरुसि॥ खे़ङ्‌हाॽरे़ आङ्‌गाॽ चबे़ःत्‍छिक्‍काङ् मे़घाःन्‍दाङ्‌बा होप्, थेआङ्‌भे़ल्‍ले़ खुने़ॽ कुनिमो आङ्‌गाॽ कुदोःप्‍मा चोगाङ्॥ पयम् हाङ्‌ङे, आदाङ्‌बारे़ के़दगिआङ् आङ्‌गाॽ थेआङ् फे़त्‍लाःन्‍दुङ्‌बा होप्॥”

निङ्‌वाॽफु साम्‍लोसुम् 46:1

निङ्‌वाॽफुमाङ्‌ङिन् आनिॽ इःम्‍सिङ्‌मादे़न् हे़क्‍क्‍याङ् आनिॽ मुक्‍साम्‍लो, आनिॽ साॽरिक् तुक्‍खे आजाःल्‍ले़ आनिॽ फाॽमारे़ लागि खुने़ॽ आभे़ल्‍ले़साङ् यारिप् वाॽरो॥

निङ्‌वाॽफु साम्‍लोसुम् 34:4

आङ्‌गाॽ यहवे दाङ्‌बान् कोःत्तुङ्‌लो, हे़क्‍क्‍याङ् खुने़ॽ नुगप् पिराङ्‌लो, के़रे़क् आगिमा आयङ्‌माहाॽ खे़त्तुदेसुरो॥

निङ्‌वाॽफु साम्‍लोसुम् 18:48

हे़क्‍क्‍याङ् खुने़ॽ आनिङ्‌मिहाॽरे़ खुनिॽ हुक्‍को थामा मे़भाःक्‍काआन्‍लो॥ खुने़ॽ आनिङ्‌मिहाॽ सम्‍धाङ् आङ्‌गाॽ मिङ्‌सो इङ्‌धाङ्‌साबा चोःक्‍कारो, ते़न्‍धङ् केजोःक्‍पाहाॽलाम् के़से़ःप्‍पारो॥

निङ्‌वाॽफु साम्‍लोसुम् 18:1

यहवे दाङ्‌बाए, आमुक्‍साम्‍मे, खे़ने़ॽ मिःम् मे़त्‍ने़रो॥

१ साप्‍मुःन्‍धुम् 23:15

मोसाःल्‍ले़ कुस्‍साहाॽ— गेर्सोम नु एलिएजर॥

लाम्‍दिक् 2:15

कन् पाःन्‍निन् फारोल्‍ले़आङ् निङ्‌वाॽ खोसु हे़क्‍क्‍याङ् खुने़ॽ मोसान् से़प्‍मा निङ्‌वाॽ चोगु॥ खे़ब्‍याङ् मोसान् फारोःन्‍लाम् खे़त्‍छिङ् पेआङ् मिद्‌यान लाजेॽओ युङ्‌मा हेःक्‍ते़॥ थिक्‌यान् मोसान् लत्‍छा वगे़ङ् थिक्‍ले़ कुयाओ युङ्‌सिङ्‌ङाङ् युङे़॥

सेःक्‌युक्‍मिबाहाॽ 7:29

कन् पाःन्‍निन् खे़प्‍सुआङ् मोसारे़ इङ्‌गाॽ मिस्रिःन् से़रुङ्‌बा पाःन्‍निन्‍नाङ् वेॽ मनाहाॽरे़ निङ्‌वाॽ मे़घोसुबिला लॽरिक् निङ्‌वाॽ इतुर किसे़आङ् मिस्रलाम् मिद्‌यान लाजेॽओ खे़त्‍छिङ् पेआङ् खे़प्‍मोए वाॽमा हेःक्‍ते़, हे़क्‍क्‍याङ् खे़प्‍मोए मेःक्‍खिम् चोगुआङ् ने़प्‍फु कुस्‍साआङ् पोःक्‍खे़त्‍छिरो॥

हिब्रु 11:34

पयम् यम्‍बा मिराःक्‍हाॽ मे़से़रु, ताभेलाम्‍बा ताङ्‌मे़से़ःप्‍ते़, खे़ङ्‌हाॽरे़ खुनिॽ साॽइ होःप्‍ते़साङ् के़धुम्‍बा मे़बोःक्‍खे़ हे़क्‍क्‍याङ् थङ्‌ङो मुक्‍के़गुबा मे़बोःक्‍खे़आङ् निङ्‌मिहाॽ मे़नाःन्‍दुसिरो॥

तोलिङ्‌सोमु 49:25

इग्र खे़ने़ॽ के़भाॽबाङ् के़म्‍बारे़ कुनिङ्‌वाॽफुमाङ्, खुने़ॽ के़भाॽरो, मुक्‍साम्‍दाङ्‌बा निङ्‌वाॽफुमाङ्, खुने़ॽ खे़ने़ॽ हाङ्‌वा मुॽइसाम् के़बिरो— थो साङ्‌ग्राम्‍पेदाङ्‌बा हाङ्‌वा मुॽइसाम्‍हाॽ, कुदिम्‍बे केःम्‍बा वबुन्‍हाॽओबा हाङ्‌वा मुॽइसाम्‍हाॽ, हे़क्‍क्‍याङ् साप्‍पोःक्‍कोबा हाङ्‌वा मुॽइसाम्‍हाॽ॥

लाम्‍दिक् 2:22

सिप्‍पोराःल्‍ले़ ये़म्‍बित्‍छा साधिक् कत्तु, हे़क्‍क्‍याङ् मोसाःल्‍ले़ खे़न् गेर्सोम मिङ् वाःत्तु, थेआङ्‌भे़ल्‍ले़ खुने़ॽ पाःत्तु, “आङ्‌गाॽ वेॽ लाजेॽओ वे़प्‍मिबा पोःक्‍खाङ्‌ङाङ् युङ्‌ङा॥”

लाम्‍दिक् 4:20

कल्‍ले़चोगुल्‍ले़ मोसाःल्‍ले़ खुने़ॽ कुमेत् नु कुस्‍साहाॽ लत्‍छा अदङ्‌ङो युक्‍खुसि हे़क्‍क्‍याङ् निङ्‌वाॽफुमाङ्‌ङिल्‍ले़ कुदक्‍काःत्तिन् कुहुक्‍को याङ्‌सिङ्‌ङाङ् खुने़ॽ मिस्र ले़प्‍माङ् थासिङ्॥

१ साप्‍मुःन्‍धुम् 23:17

एलिएजररे़ कुमुॽइदाङ्‌साहाॽ— रहब्‍याहन् तुम्‍बा सा वये़॥ एलिएजररे़ वेॽ कुस्‍साहाॽ मे़होःप्‍ते़, कर रहब्‍याहरे़ कुस्‍साहाॽ साॽरिक् यरिक् मे़वये़॥

लाम्‍दिक् 10:28

खुने़ॽ मोसान् मे़त्तु, “आङ्‌गाॽ आदगाङ्‌लाम्‍बा लःन्‍दे़ पेगे़ॽ! खे़ने़ॽ के़नारान् आङ्‌गाॽ याम्‍मो ओःन्‍मे़धाक्‍ताङ्‌ङिन्‍ने़ॽ! आत्तिन् ये़न्‍नो खे़ने़ॽ आङ्‌गाॽ आदगि ओःन्‍गेधाक्‍सिङ्‌ॽ हाबा खे़ल्‍ले़ याःन्‍दिक् खे़ने़ॽ के़सिःॽ!”