लाम्‍दिक् 17:9 - लिम्‍बु

⁹ मोसाःल्‍ले़ यहोसुन् मे़त्तु, “आनिॽ लागि मनाहाॽ सेगे़से़ॽआङ् अमाले़किहाॽनु थङ् चोःक्‍से़ पेगे़ॽ॥ ताःन्‍दिक् यहवे दाङ्‌बे़ल्‍ले़ कुदक्‍काःत्तिन् आहुक्‍को याङ्‌सिङ्‌ङाआङ् कोःक्‍माल्‍ले़ कुसम्‍धाङ् आङ्‌गाॽ ये़प्‍पा॥”

लाम्‍दिक् 17:9 Referans Kwoze

साम्‌योथिम् इङ् 32:44

मोसान् नु नुनरे़ कुस्‍सा यहोसुन् त्‍ये़सिआङ् कन् से़वासाम्‍लोओबा के़रे़क् पाःन्‍हाॽ मनाहाॽ चे़क्‍ते़छुसिरो॥

लाम्‍दिक् 24:13

खे़ब्‍याङ् मोसान् नु खुने़ॽ कुभाॽबाङ् यहोसुन् यारिप् पोःक्‍खे़सि हे़क्‍क्‍याङ् मोसाःल्‍ले़ सेसे कोःक्‍मान् लिङ्‌मा हेःक्‍तु॥

लाम्‍दिक् 4:20

कल्‍ले़चोगुल्‍ले़ मोसाःल्‍ले़ खुने़ॽ कुमेत् नु कुस्‍साहाॽ लत्‍छा अदङ्‌ङो युक्‍खुसि हे़क्‍क्‍याङ् निङ्‌वाॽफुमाङ्‌ङिल्‍ले़ कुदक्‍काःत्तिन् कुहुक्‍को याङ्‌सिङ्‌ङाङ् खुने़ॽ मिस्र ले़प्‍माङ् थासिङ्॥

लाम्‍दिक् 4:2

यहवे दाङ्‌बे़ल्‍ले़ सेःन्‍दोसु, “खे़ने़ॽ के़हुक्‍को थे़माःन् के़गत्तुॽ?” खे़ल्‍ले़ पाःत्तुॽ, “तक्‍कात्॥”

हिब्रु 4:8

थेआङ्‌भे़ल्‍ले़ यहोसुरे़ खे़ङ्‌हाॽ कन् नाःम्‍सिङ्‌मा ते़न्‍निन् पिरुसिआङ् वये़ल्‍ले़ग निङ्‌वाॽफुमाङ्‌ङिल्‍ले़ हे़क्‍केलॽरिक् वेॽसमा नाःम्‍सिङ् ये़न्‍निल्‍ले़ कुयाःम्‍बेओ याङ्‌सि मे़बाःत्तुन्‍बामे़न्॥

सेःक्‌युक्‍मिबाहाॽ 7:45

याङ्‌सि निङ्‌वाॽफुमाङ्‌ङिल्‍ले़ खुनिॽ तगिलाम् नाःत्तु लःत्तुसिबा सुवाङ्‌हाॽरे़ खुनिॽ लाजेॽओ यहोसुन् नु मे़बेःल्‍ले़, खे़ङ्‌हाॽरे़ साःङ्‌गाहिम्‍मिन् खुनिॽनुए मे़गुयुआङ् मे़देॽरुरो॥ हे़क्‍क्‍याङ् दाउद हाङ्‌ङिल्‍ले़ कुये़म् थारिक् खे़न् साःङ्‌गाहिम्‍मिन् ने़स्‍से़रो॥

खानिःत् 11:28

नालिगे़न् थाङ्‌बे़न् वये़आङ्‌धोबा मोसारे़ कुभाॽबाङ्, नुनरे़ कुस्‍सा यहोसुःल्‍ले़ मोसान् मे़त्तु, “आदाङ्‌बे, खे़ङ्‌हाॽ माङ्‌निङ्‌वाॽपान् पाःप्‍मा मे़भाःक्‍ते़से़न्‍ने़ॽ॥”

लाम्‍दिक् 17:13

अक्‍खेलॽरिक् यहोसुःल्‍ले़ अमाले़कि थक्‍सुबाहाॽ ताभेःल्‍ले़ ले़ःक्‍खुसि॥

खानिःत् 13:16

लाजेॽओबा सिबिॽ पाःन्‍हाॽ कुसिङ् निःप्‍मारे़ लागि मोसाःल्‍ले़ पाङ्‌घुसिबा मनाहाॽरे़ खुन्‍छिॽ मिङ् आम्‍भा कन्‍हाॽएरो॥ (मोसाःल्‍ले़ नुनरे़ कुस्‍सा होसियान् यहोसु मिङ् वाःत्तु॥)

लाम्‍दिक् 4:17

कर कन् तक्‍काःत्तिन् खे़ने़ॽ के़हुक्‍कोए तेॽरे़आङ् पेगे़ॽ॥ खे़ने़ॽ कन् तक्‍काःत्तोलाम् निङ्‌वाॽ के़माबा मिक्‍सेःन्‍हाॽ के़जोगुरो॥”

यहोसु 8:18

खे़ब्‍याङ् यहवे दाङ्‌बे़ल्‍ले़ यहोसुन् मे़त्तु, “खे़ने़ॽ के़हुक्‍को के़गत्तुबा लाःक्‍किन् ऐ ले़प्‍माङ् सन्‍छे़ॽ, थेआङ्‌भे़ल्‍ले़ आङ्‌गाॽ खे़न् खे़ने़ॽ के़हुक्‍को पिने़॥” खम्‍भ्‍याङ् यहोसुःल्‍ले़ कुहुक्‍को कत्तुबा लाःक्‍किन् ये़क्‌यक् ले़प्‍माङ् सन्‍छु॥

१ साप्‍मुःन्‍धुम् 7:27

एलिसामारे़ कुस्‍सा नुन, हे़क्‍क्‍याङ् नुनरे़ कुस्‍सा यहोसु वये़॥

लाम्‍दिक् 18:21

कर के़रे़क् मनाहाॽओलाम् निङ्‌वाॽफुमाङ्‌ङिन्‍नु के़गिबा, सुम्‍बोधासाबा ये़म्‍बित्‍छाहाॽ सेगे़से़ॽ॥ खे़ङ्‌हाॽ मे़न्‌वाॽमनाबा पाःन्‍हाॽलाम् याङ्‌थक्‍मा के़जिःप्‍पा कुदोःप्‍मा मना मे़बोङ्‌ल॥ खे़ङ्‌हाॽ हे़न्‍छिङ् हे़न्‍छिङ्, किप्‍थिक् किप्‍थिक्, ङाबोङ् ङाबोङ् नु थिबोङ् थिबोङ् मनाहाॽरे़ लागि लाम्‍लोबा चोगे़से़ॽ॥

लाम्‍दिक् 33:11

कम्‍भलॽरिक् कुभा चुम्‍देङ्‌नु ताॽजे़ङ्‌मना पाःप्‍मनाबा हे़क्‍के यहवे दाङ्‌बान् मोसाःन्‍नु तुम्‍दुम्‍बा ताॽजे़क्‍खे़॥ खे़ब्‍याङ् मोसान् नुःक्‍खे़आङ् साःङ्‌गाहिम्‍मो त्‍ये़, कर खुने़ॽ थाङ्‌बे़न् कुभाॽबाङ् नुनरे़ कुस्‍सा यहोसुन् खे़न् साःङ्‌गाहिम्‍मोलाम् मे़ल्‍लःन्‍ने यागे़कत्ते़रो॥

खानिःत् 13:8

इफ्राइमरे़ कुधाःक्‍लाम् नुनरे़ कुस्‍सा होसिया,

खानिःत् 27:18

यहवे दाङ्‌बे़ल्‍ले़ मोसान् मे़त्तु, “लाम्‍लोबा याःम्‍बक् चोःक्‍मा याम्‍साम्‍मिन् के़वाॽबा नुनरे़ कुस्‍सा यहोसुन् तेॽरे़आङ् खे़ने़ॽ खे़ल्‍ले़ कुधे़गेःक्‍पो खे़ने़ॽ के़हुक्‍किन् ने़स्‍से़ॽ,

यहोसु 8:3

कल्‍ले़चोगुल्‍ले़ यहोसुन् के़रे़क् थङ् के़धक्‍पा मनाहाॽनु सोरिक् ऐ ये़क्‌यक्‍को थङ् चोःक्‍से़ पेःक्‍मारे़ लागि पोगे़॥ यहोसुःल्‍ले़ सुम्‍बोङ् हे़न्‍छिङ् नुरिक् थङ् के़धक्‍पा मनाहाॽ सेगुसिआङ् से़न्‍दिक्‍सा फोःक्‍खुसि॥