लाम्‍दिक् 17:3 - लिम्‍बु

³ कर मनाहाॽ साॽरिक्‍के खुन्‍छिॽ वामिसे़ हे़क्‍क्‍याङ् अक्‍खे मे़लॽरे़आङ् मोसाःल्‍ले़ कुदक्‍ले़ङ्‌वाओ मने़मे़धिक्‍ते़, “खे़ने़ॽ आनिगे, आनिगे साहाॽ नु आनिगे थक्‍साहाॽ वामिःक्‍माल्‍ले़ से़प्‍मारे़ लागि थेआङ् मिस्र लाजेॽलाम् याप्‍मि के़भे़त्ते़बाबे?”

लाम्‍दिक् 17:3 Referans Kwoze

लाम्‍दिक् 15:24

खे़ब्‍याङ् मनाहाॽ मोसान् ले़प्‍माङ् मे़हिसिङ्‌ङाङ् मने़धिक्‍मा मे़हेःक्‍ते़, हे़क्‍क्‍याङ् खे़ङ्‌हाॽरे़ अक्‍खे मे़बाःत्तु, “आल्‍ल आनिगे थेःन् थुङुम्‍बे़बाबे?”

लाम्‍दिक् 12:38

खे़न्‍नुःल्‍ले़ वेॽ यरिक् इस्राइलि मेःम्‍बा मनाहाॽ नु यरिक् मे़ल्‍लुक् मे़ःन्‍दा हे़क्‍क्‍याङ् पित्‍हाॽआङ् खुन्‍छिॽनु मे़बे॥

खानिःत् 14:22

मिस्र नु मुरे़क् खारे़क् थेआङ् के़होप्‍पादे़न्‍नो आङ्‌गाॽ आमिमिदिङ्‌ङिन् नु आङ्‌गाॽ चोगुङ्‌बा निङ्‌वाॽ के़माबा याःम्‍बक्‍हाॽ मे़निसुआङ्‌साङ् इङ्‌जाङ् मे़न्‍इःप्‍मना मे़न्‍नाःप्‍मनाबा के़बोङ्‌बाआङ् थिबोङ्‌ले़ङ् थारिक् आङ्‌गाॽ आनिङ्‌वाॽ के़साॽबा कन् के़रे़क् मनाहाॽरे़—

खानिःत् 20:4

थेआङ्‌भे़ल्‍ले़ आल्‍ल आनिगे पित्‍थक्‍साहाॽनु सोसोरिक् आनिगे़आङ् स्‍ये़ॽइगे़॥ थेआङ् यहवे दाङ्‌बे़ल्‍ले़ कुसङ्‌जुम्‍भोन् खे़ने़ॽ कन् मुरे़क् खारे़क् थेआङ् के़होप्‍पादे़न्‍नो के़भे़त्तुसिबाबे?

लाम्‍दिक् 14:11

खे़ङ्‌हाॽरे़ मोसान् मे़मे़त्तु, “थे मिस्र लाजेॽओ इपुङ् मे़ने़स्‍से़न्‍बि? थे खे़ने़ॽ आनिगे कन् मुरे़क् खारे़क् थेआङ् के़होप्‍पादे़न्‍नो सिसे़ याप्‍मि के़भे़त्ते़बाबि? मिस्रलाम्‍बा आनिगे याप्‍मि के़लःत्ते़ के़भे़त्ते़आङ् आल्‍ल आनिगे याप्‍मि थे के़मे़त्ते़बाबे?

नहेम्‍याह 9:15

खे़ङ्‌हाॽरे़ खुनिॽ से़त्‍लाःक्‍ते़ल्‍ले़ साङ्‌ग्राम्‍पेदाङ्‌लाम्‍बा खरे़ःङ् चामा के़बिरुसिरो, खे़ङ्‌हाॽरे़ खुनिॽ वामिःक्‍ते़ल्‍ले़ पयम् यम्‍बा लुङ्‌ङोनु च्‍वाःत् थुङ्‌मा के़बिरुसिरो॥ आत्तिन् लाजेन् खे़ङ्‌हाॽ पिमासि माङ्‌हुप् के़जोगुआङ् वये़, खे़न् लाजेन् युक्‍मा इङ्‌जाङ् खे़ने़ॽ के़बिरुसिरो॥

नहेम्‍याह 9:20

सदादिङ्‌बा नुबा के़याम्‍साम्‍लाम् खे़ङ्‌हाॽ निसाम् के़बिरुसिरो, चामारे़ लागि मन्‍न नु थुङ्‌मारे़लागि च्‍वाःत् के़बिरुसिरो॥

निङ्‌वाॽफु साम्‍लोसुम् 107:5

खे़ङ्‌हाॽ से़त्‍लाःक्‍मा नु वामिमाल्‍ले़ याःन्‍दुसिआङ् वये़रो, के़रे़क् पाःन्‍हाॽओ खे़ङ्‌हाॽरे़ खुनिॽ निङ्‌साङ् पुगे़आङ् वये़रो॥