लाम्‍दिक् 17:13 - लिम्‍बु

¹³ अक्‍खेलॽरिक् यहोसुःल्‍ले़ अमाले़कि थक्‍सुबाहाॽ ताभेःल्‍ले़ ले़ःक्‍खुसि॥

लाम्‍दिक् 17:13 Referans Kwoze

यहोसु 10:42

कन् के़रे़क् हाङ्‌हाॽ खुन्‍छिॽ लाजेॽहाॽनु सोसोरिक् यहोसुःल्‍ले़ थिक्‍ले़ङ्‌ले़ नाःन्‍दुदेॽरुसि, थेआङ्‌भे़ल्‍ले़ यहवे दाङ्‌बा इस्राइलबा निङ्‌वाॽफुमाङ्‌ङिन्‍ने इस्राइलिहाॽरे़ खुन्‍छिॽ लागि थङ् थक्‍ते़॥

यहोसु 11:12

खे़न् हाङ्‌युक्‍ना ये़क्‌यक्‍हाॽ नु खे़प्‍मोबा के़रे़क् हाङ्‌हाॽआङ् यहोसुःल्‍ले़ हुक्‍काप् चोगुसि, हे़क्‍क्‍याङ् यहवे दाङ्‌बे़ल्‍ले़ कुसे़वारोबा मोसाःल्‍ले़ इङ्‌जाङ् चोगुबा कुइसिक् के़रे़क् ताभेःल्‍ले़ च्‍ये़प्‍तु से़रुसि॥

यहोसु 10:37

खे़ङ्‌हाॽरे़ खे़न् ये़क्‌यक्‍किन् हुक्‍काप् मे़जोगु हे़क्‍क्‍याङ् खे़न् नु खे़प्‍मोबा हाङ्‌ङिन् खे़ब्‍याङ् खे़प्‍मोबा के़रे़क् पाङ्‌भेॽहाॽ नु खे़प्‍मो के़वाॽबा के़रे़क् मनाहाॽ ताभेःल्‍ले़ मे़मे़क्‍खुसि॥ खे़ङ्‌हाॽरे़ आत्तिन्‍हाॽआङ् मे़ल्‍ले़रुसिन्॥ एग्‍लोनओ कुइसिःक्‍के खे़ङ्‌हाॽरे़ खे़न् नु खे़प्‍मो के़वाॽबाहाॽ के़रे़क् वरे़ङ्‌ले़ङ् मे़मे़क्‍खुसि॥

यहोसु 10:32

यहवे दाङ्‌बे़ल्‍ले़ लाकिस ये़क्‌यक्‍किन् इस्राइलिहाॽरे़ खुन्‍छिॽ हुक्‍को थासु, हे़क्‍क्‍याङ् कुदाःन्‍दिक्‍मा खुन्‍छिॽ खे़न् हुक्‍काप् मे़जोगु, खम्‍भ्‍याङ् खे़न् नु खे़प्‍मो के़युङ्‌बा के़रे़क् मनाहाॽ खुने़ॽ ताभेःल्‍ले़ मे़क्‍खुसिआङ् लिब्‍नाओ चोगुबा कुइसिःक्‍के मे़त्तुसि॥

यहोसु 10:28

हे़क्‍क्‍याङ् आम्‍भा खे़ल्‍ले़ याःन्‍दिक् यहोसुःल्‍ले़ मक्‍केदाःन् हुक्‍काप् चोगु, खे़ब्‍याङ् खे़न् लाजेन् नु खे़प्‍मोबा हाङ्‌ङिन्‍नाङ् ताभेःल्‍ले़ च्‍ये़प्‍तु से़रु॥ खुने़ॽ खे़प्‍मो के़वाॽबा के़रे़क् मनाहाॽ मे़क्‍खुसि, खुने़ॽ कुहिङ्‌वे़त् आत्तिन्‍हाॽआङ् मे़ले़रुसिन्॥ खुने़ॽ यरिहोबा हाङ्‌ङिन् मे़त्तुबा हे़क्‍केए मक्‍केदाबा हाङ्‌ङिन्‍नाङ् मे़त्तुरो॥

लुका 21:24

खे़ङ्‌हाॽ ताभेःल्‍ले़ मे़जे़प्‍तु मे़से़रुसिॽ हे़क्‍क्‍याङ् यरिक् लाजेॽओ पुङ्‌लाधाबा मे़बोङ्‌ङाङ् मे़बेःक्‍लो॥ थिम्‍मे़न्‍दङ् सुवाङ्‌हाॽरे़ खुनिॽ ये़म् मे़ङ्‌गे़त्ते थारिक् खे़ङ्‌हाॽरे़ यरुसले़म्‍मिन् मे़दोॽरु मे़सॽरुॽरो॥

लाम्‍दिक् 17:12

आल्‍ल मोसाःल्‍ले़ कुहुक्‍किन् नासे़ल्‍ले़ खे़ङ्‌हाॽरे़ लुङ्‌धिक् मे़दारुआङ् खुने़ॽ कुसिगाङ् मे़ने़स्‍सु, हे़क्‍क्‍याङ् खुने़ॽ खे़ल्‍ले़ कुसम्‍धाङ् युङ्‌सिङ्॥ हारुने़न् नु हुरे़ल्‍ले़ नाहाङ् नु कत्‍नाहाङ् खुने़ॽ कुहुक्‍किन् तक्‍ते़ फत्‍छे़सु॥ कम्‍भलॽरिक् नाम् मे़न्‍धाए थारिक् खुने़ॽ कुहुक्‍किन् थधप् मे़ल्‍लॽए पत्‍छे़॥

लाम्‍दिक् 17:14

खे़ब्‍याङ् यहवे दाङ्‌बे़ल्‍ले़ मोसान् मे़त्तु, “कन् पाःन्‍निन् निङ्‌वाॽसोक्‍ले़ लागि साप्‍लाथःङ्‌मो साप्‍ते़ॽ, हे़क्‍क्‍याङ् यहोसुन् मे़त्ते़ॽ, थेआङ्‌भे़ल्‍ले़ ताङ्‌साङ्‌बाल्‍ले़ कुसिगाङ् आङ्‌गाॽ अमाले़किहाॽरे़ खुन्‍छिॽ मिङ् वरे़ङ्‌ले़ङ् मासुङ् पिरुङ्‌सिङ्‌ॽ॥”

यहोसु 8:26

थेआङ्‌भे़ल्‍ले़ यहोसुःल्‍ले़ ऐबा के़रे़क् यक्‌युङ्‌बाहाॽ युम्रे़क् मे़म्‍मे़ङ्‌सिङ्‌ङे थारिक् खुने़ॽ लाःक्‍किन् ते़म्‍सुआङ् सन्‍छुबा कुहुक्‍किन् मे़नाःप्‍सुन्॥