लाम्‍दिक् 16:7 - लिम्‍बु

⁷ यहवे दाङ्‌बे़न् आनिॽ लुम्‍मो ये़बा फाॽआङ् कुसिङ् निःप्‍मारे़ लागि ताःन्‍दिक् तानाम् यहवे दाङ्‌बे़ल्‍ले़ यम्‍बा कुमुक्‍साम्‍मिन् खिनिॽ के़निसुम्‌ॽ॥ खुने़ॽ कुदक्‍ले़ङ्‌वाओ मने़गे़धिक्‍तिबान् खुने़ॽ खे़प्‍सुआङ् वाॽ॥ आन्‍छिगे हाःत्‍छिगे़आङ् खिनिॽ आन्‍छिगे तक्‍ले़ङ्‌वाओ मने़गे़धिक्‍तिबाबे॥”

लाम्‍दिक् 16:7 Referans Kwoze

यसैया 40:5

हे़क्‍क्‍याङ् यहवे दाङ्‌बे़ल्‍ले़ कुमिमिदिङ् ओसेःन्‍धाङ् मे़जोगुरो, खे़ब्‍याङ् के़रे़क् मे़न्‍छाम् याप्‍मिहाॽरे़ खे़न् थिक्‍ले़ङ्‌ले़ सोरिक् मे़निसुरो, थेआङ्‌भे़ल्‍ले़ यहवे दाङ्‌बे़ल्‍ले़ए पाःन्‍निन् पाःत्तुआङ् वाॽरो॥’”

खानिःत् 16:11

खे़ने़ॽ के़दिम्‍बा के़रे़क् मनाहाॽनु यहवे दाङ्‌बे़ल्‍ले़ कुदक्‍ले़ङ्‌वाओ के़जुप्‍सिआङ् के़वयिबि? हारुने़न् हाःत्ताङ् खिनिॽ खुने़ॽ कुदक्‍ले़ङ्‌वाओ मने़गे़धिक्‍तिबे?”

युहुन्‍ना 11:40

हे़क्‍केःल्‍ले़ ये़सुरे़ मे़त्तु, “नसान् के़जोगुने़ फाॽग्र निङ्‌वाॽफुमाङ्‌ङिल्‍ले़ पयम् यम्‍बा कुमुक्‍साम्‍मिन् के़निसुॽ फाॽआङ् तगिसा मे़त्‍ने़आङ् वये़रो॥”

युहुन्‍ना 11:4

ये़सुरे़ कन् इङ्‌घङ्‌ङिन् खे़प्‍सुआङ् अक्‍खे पाःत्तु, “खुने़ॽग कन् तुक्‍माल्‍ले़ मे़सिःने़न्‍लो॥ कङ्‌ग निङ्‌वाॽफुमाङ्‌ङिल्‍ले़ कुमिमिदिङ्‌ले़ लागि पोःक्‍खे़बारो॥ कन्‍लाम्‍बा निङ्‌वाॽफुसाःल्‍ले़ कुमिङ्‌सो कुधाःङ्‌सो पोङ्‌लो॥”

यसैया 35:2

मुरे़क् खारे़क् थेआङ् के़होप्‍पा लाजेन् सःत्ताङ् साम्‍लोरो, खे़न् साॽरिक् कुसिराॽधाङ्‌ङाङ् अःक्‍लो॥ खे़ल्‍ले़ ले़बनानबा कुघे़म्‍सिङ्‌मे़न् खोसुरो, हे़क्‍क्‍याङ् खे़ल्‍ले़ कर्मेल कोःक्‍मान् नु सारोनबा ते़ल्‍लक्‍किल्‍ले़ कुहाङ्‌वा कुमाङ्‌वान् खोसुरो॥ खे़ङ्‌हाॽरे़ यहवे दाङ्‌बे़ल्‍ले़ कुमिमिदिङ् नु आनिॽ निङ्‌वाॽफुमाङ्‌ङिल्‍ले़ कुहाङ्‌वा कुमाङ्‌वान् मे़निसुरो॥

लाम्‍दिक् 40:34

खे़ब्‍याङ् तुम्‍मादे़न् साःङ्‌गाहिम्‍मिन् खाॽमिःत्तिल्‍ले़ पन्‍छु, हे़क्‍क्‍याङ् यहवे दाङ्‌बे़ल्‍ले़ कुमिमिदिङ्‌ङिल्‍ले़ सेसे साःङ्‌गाहिम्‍मिन् सधे़क् तिम्‍से़॥

लाम्‍दिक् 16:10

हारुने़न् के़रे़क् सङ्‌जुम्‍भोहाॽनु पारे़र पत्‍छे़ल्‍ले़ खे़ङ्‌हाॽरे़ खुन्‍छिॽ नारान् मुरे़क् खारे़क् थेआङ् के़होःप्‍पादे़न् ले़प्‍माङ् मे़हिसु हे़क्‍क्‍याङ् हक्‍चघत् यहवे दाङ्‌बे़ल्‍ले़ से़दिङ्‌दिङ् के़ओःप्‍पा कुमिमिदिङ्‌ङिन् खाॽमिःत्तो निधाबे़॥

खानिःत् 16:42

कर आल्‍ल सङ्‌जुम्‍भोःल्‍ले़ मोसान् नु हारुनरे़ खुन्‍छिॽ तक्‍ले़ङ्‌वाओ मे़जुप्‍से़आङ् तुम्‍मादे़न् साःङ्‌गाहिम्‍मिन् ओमे़मे़त्तु, खे़ब्‍याङ् चघप् खाॽमिःत्ते़ल्‍ले़ खे़न् चिबन् पन्‍छु, हे़क्‍क्‍याङ् यहवे दाङ्‌बे़ल्‍ले़ कुमिमिदिङ्‌ङिन् ओसेःन्‍धाङ् पोःक्‍खे़॥

खानिःत् 14:10

कर के़रे़क् सङ्‌जुम्‍भोःल्‍ले़ खे़ङ्‌हाॽ लुङ्‌ङिल्‍ले़ ले़प्‍मासि फाॽआङ् पान् मे़हुप्‍तु॥ खे़न् ये़म्‍मो यहवे दाङ्‌बे़ल्‍ले़ कुमिमिदिङ्‌ङिन् तुम्‍मादे़न् साःङ्‌गाहिम्‍मो के़रे़क् इस्राइलिहाॽओ ओसेःन्‍धाङ् पोःक्‍खे़॥

खानिःत् 14:27

“आङ्‌गाॽ आदक्‍ले़ङ्‌वाओ कन् कुॽइगे़भे़म्‍बा सङ्‌जुम्‍भोःन् आफाल्‍धारिक् मने़मे़धिक्‍पाबे? खे़ङ्‌हाॽ आङ्‌गाॽ आदक्‍ले़ङ्‌वाओ मने़मे़धिक्‍ते़बे़न् आङ्‌गाॽ खे़प्‍सुङ्‌ङाङ् वाॽ॥

लाम्‍दिक् 24:16

यहवे दाङ्‌बे़ल्‍ले़ कुमिमिदिङ्‌ङिन् सिनै कोःक्‍माओ पत्‍छे़, हे़क्‍क्‍याङ् खाॽमिःत्तिल्‍ले़ तुक्‍सि ये़न् थारिक् कोःक्‍मान् पन्‍छुआङ् पत्‍छे़॥ नुसि ये़न्‍नो याःन्‍दिक् खाॽमिःत्तिल्‍ले़ कुलुम्‍मोलाम् यहवे दाङ्‌बे़ल्‍ले़ मोसान् पाःन्‍छाःत्तु॥

लाम्‍दिक् 24:10

खे़ङ्‌हाॽरे़ इस्राइलबा निङ्‌वाॽफुमाङ्‌ङिन् मे़निसु॥ खुने़ॽ कुलाङ्‌वाजक्‍पो सिगाङ् माङ्‌लुङ् फे़मनाबा ताङ्‌साक् हे़क्‍तङ्‌बा माङ्‌लुङ् लाम् ने़स्‍से़॥

ले़बि 9:6

हे़क्‍क्‍याङ् मोसाःल्‍ले़ मे़त्तुसि, “यहवे दाङ्‌बे़ल्‍ले़ इङ्‌जाङ् चोगुबा खिनिॽ चोःक्‍मा के़बोङ्‌बा याःम्‍बक्‍किन् हाबा कन्‍लो, खे़ब्‍याङ् यहवे दाङ्‌बाल्‍ले़ कुमिमिदिङ्‌ङिन् खिनिॽओ ओसेःन्‍धाङ् पोङ्‌ॽ॥”

लाम्‍दिक् 16:12

“आङ्‌गाॽ इस्राइलिहाॽ मने़मे़धिक्‍ते़बान् खे़प्‍सुङ्, खे़ङ्‌हाॽ मे़त्ते़से़ॽ, ‘युःन्‍छिक् चामारे़ लागि सा के़जाम्‌ॽ, हे़क्‍क्‍याङ् तानाम् खरे़ःङ्‌ङिल्‍ले़ के़घासिॽ॥ खे़ब्‍याङ् आङ्‌गाॽए यहवे दाङ्‌बा खिनिॽ निङ्‌वाॽफुमाङ्‌आ फाॽआङ् कुसिङ् के़निःत्तुम्‌ॽ॥’”

लाम्‍दिक् 16:8

खे़न् एगाङ् याम्‍मो मोसाःल्‍ले़ पाःत्तु, “यहवे दाङ्‌बे़ल्‍ले़ए खिनिॽ युःन्‍छिक् सा नु तानाम् खिनिॽ चाहा के़जोगिबा यारिक् खरे़ःङ् के़बिरिॽ थेआङ्‌भे़ल्‍ले़ खिनिॽ खुने़ॽ कुदक्‍ले़ङ्‌वाओ साॽरिक् मने़गे़धिक्‍ति, खे़न् खुने़ॽ खे़प्‍सुआङ् वाॽ॥ आन्‍छिगे तक्‍ले़ङ्‌वाओ खिनिॽ मने़गे़धिक्‍तिल्‍ले़ से़क्‍खाःल्‍ले़ खिनिॽ यहवे दाङ्‌बे़ल्‍ले़ कुदक्‍ले़ङ्‌वाओ मने़गे़धिक्‍तिबा पोङ्‌ॽ॥”

खानिःत् 17:5

आङ्‌गाॽ आत्तिन् मनान् सेगुङ्‌ॽ, खे़ल्‍ले़ कुदक्‍काःत्तिन् कुजःक् लःन्‌ॽ॥ कम्‍भलॽरिक् खे़ने़ॽ के़दक्‍ले़ङ्‌वाओ इस्राइलिहाॽ मने़धिक्‍मा मे़नाॽर चोगुङ्‌ॽ॥”