लाम्दिक् 16:3 - लिम्बु3 हे़क्क्याङ् इस्राइलिहाॽरे़ खे़ङ्हाॽ मे़मे़त्तुसि, “मिस्रबा सा थोःक्मा खप्प्याहाॽ कब्रिङ् युङिगे़आङ् आनिगे कुजा नु सा चाम्बे़बा वये़मे़न्॥ हाबा खे़न् ये़म्मो यहवे दाङ्बे़ल्ले़ कुहुक्कोलाम् स्ये़ॽइगे़ल्ले़ नुबा पोःक्खे़मे़न्॥ कर आनिगे कन् के़रे़क् सङ्जुम्भोहाॽ साक्के़ल्ले़ सिमारे़ लागि कन् मुरे़क् खारे़क् थेआङ् के़होप्पादे़न्नो याप्मि के़भे़त्तिआङ् के़वयि॥” Gade chapit la |
लाम्दिक् 16:3
32 Referans Kwoze
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
हे़क्क्याङ् यहोसुःल्ले़ पाःत्तु, “नाॽराङ्स्याङ्लो! यहवे दाङ्बा निङ्वाॽफुमाङ्ङे, खे़ने़ॽ कन् मनाहाॽ यर्दन कत्नाहाङ्दाङ् के़भे़त्तुसि हे़क्क्याङ् एमोरिहाॽरे़ खुन्छिॽ हुक्को के़धासुसिआङ् आनिगे मे़ङ्मारे़ लागि थेआङ् याप्मि के़भे़त्ते़बाबे? खे़न्नुःल्ले़ग आनिगे निङ्वाॽ तासुम्बे़आङ् यर्दन नाधाःम्बिए वयिगे़मे़न्॥
हे़क्क्याङ् हाङ्ङिन् कुयोम् पुॽरे़आङ् लाम्धेत् सम्धाङ्बा याक्फाङ्ङो लासे़आङ् हाबे़, हे़क्क्याङ् थो पेर पत्छे़ल्ले़ अक्खे पाःत्तुर हाबे़, “आस्साए, आस्सा अब्सालोःम्मे! आङ्गाॽ आस्सा अब्सालोःम्मे! खे़ने़ॽ के़ले़क्वाओ आङ्गाॽ स्याङ्साङ् पोःक्खे़बारो! अब्सालोःम्मे, आङ्गाॽ आस्साए, आङ्गाॽ आस्साए!”
खुने़ॽ खिनिॽ नःम्नःम्बा चोःक्मारे़ लागि साक्किल्ले़ के़दरिर के़याःन्दि, हे़क्क्याङ् खुने़ॽ खिनिॽ मन्न के़जाःत्ति, खे़ल्ले़ कुयाःम्बेओ खिनिॽ नु खिनिॽ पाधे़बाहाॽरे़ थे़माआङ् कुसिङ् मे़न्निःत्ते के़वयि॥ मे़न्छाम् याप्मिन् कुजाःल्ले़रक् मे़हिङ्ने़न्, कर यहवे दाङ्बे़ल्ले़ पाःत्तुबा पाःन्जाःक्किल्ले़ हिङ्ॽ के़लॽबा पाःन्निन् कुसिङ् के़निःत्तुम्ल फाॽआङ् खुने़ॽ अक्खे चोगुबारो॥
खे़ङ्हाॽरे़ मोसान् नु हारुने़न् मे़मे़त्तुसि, “खिन्छिॽ थे़मा के़जोगुसिआङ् के़वाॽसि, यहवे दाङ्बे़ल्ले़ निसुआङ् वाॽ॥ खिन्छिॽ के़जोगुसिल्ले़ हाङ्ङिन् नु कुसुहाङ्युक्पाहाॽ आनिगे़नु खुन्छिॽ याःक्ले़ॽरे़आङ् वाॽ॥ खे़ल्ले़ लागि निङ्वाॽफुमाङ्ङिल्ले़ खिन्छिॽ खुम्दिङ् के़बिसिॽ॥ खे़न्छिॽ के़जोगुसिबाल्ले़ चोगुल्ले़ खे़ङ्हाॽरे़ आनिगे से़प्मारे़ लागि खे़माॽ चोःक्मा लाम् मे़घोसुआङ् वाॽ॥”
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
खे़ब्याङ् खे़ङ्हाॽ निङ्वाॽफुमाङ्ङिन् नु मोसान् खुन्छिॽ तक्ले़ङ्वाओ अक्खे लॽमा मे़हेःक्ते़, “कन् मुरे़क् खारे़क् थेआङ् के़होप्पादे़न्नो सिसे़ खे़ने़ॽ थेआङ् मिस्र लाजेॽलाम् आनिगे आग्भे़त्ते़बाबे? कॽयो खरे़ःङ् होप्, कॽयो च्वाःत्ताङ् होप्॥ कन् कुजागे़भे़म्बा कुजाःल्ले़ आनिगे निङ्सत्ले़ॽ ले़ॽरु!”
Piblisite