लाम्‍दिक् 16:23 - लिम्‍बु

²³ खे़ब्‍याङ् खुने़ॽ खे़ङ्‌हाॽ मे़त्तुसि, “यहवे दाङ्‌बे़ल्‍ले़ इङ्‌जाङ् चोगुबा पाःन्‍निन् हाबा कन्‍लो—‘ताःन्‍दिक्‍क नाःम्‍सिङ्‌मा ये़न्‍लो, खे़ङ्‌ग यहवे दाङ्‌बाल्‍ले़ कुलागि सेसे सबाथरो॥ थोःक्‍मा के़बोङ्‌बा नु थे़म्‍मा के़बोङ्‌बा कुजाहाॽ आइन्‍छा थोःक्‍ते़म्‍मे़ॽ थे़न्‍दे़म्‍मे़ॽ॥ के़जाम्‍माङ् के़नम्‍बा थोःक्‍मनाबा कुजान् ताःन्‍दिक्‍ले़ लागि से़न्‍दाम् युक्‍खे़म्‍मे़ॽ॥’”

लाम्‍दिक् 16:23 Referans Kwoze

ले़बि 23:3

“‘तुक्‍सि ये़न् थारिक् याःम्‍बक् मे़जोःक्‍ल, कर नुसिगेक्‍पा ये़न्‍नोग नाःम्‍सिङ्‌मा, सबाथ लत्‍छा सेसे चुम्‍लुङ् ये़न् पोङ्‌ल॥ खे़ल्‍ले़ याःन्‍दिक् खिनिॽ आत्तिन् परिक्‍ले़न्‍नाङ् याःम्‍बक् मे़जोगे़म्‍मिन्‍ने़ॽ॥ खिनिॽ आत्ति के़वयि के़युङिसाङ् खे़ङ्‌ग यहवे दाङ्‌बे़ल्‍ले़ कुसाबाथ ये़न्‍लो॥

लाम्‍दिक् 31:15

तुक्‍सि ये़न् थारिक् याःम्‍बक् हे़न्‌या मे़जोःक्‍ल, कर नुसिगेक्‍पा नाःम्‍सिङ्‌मा सबाथ ये़न्‍निन् यहवे दाङ्‌बाल्‍ले़ कुलागि सेसेबा चोक्॥ आत्तिन् आत्तिन्‍हाॽरे़ नाःम्‍सिङ्‌मा सबाथ ये़न्‍नो याःम्‍बक् मे़जोक् खे़ङ्‌हाॽ से़प्‍मासि पोङ्‌ॽ॥

लुका 23:56

खे़ङ्‌हाॽ हिम्‍मो मे़नुःक्‍खे़ मे़बेआङ् ये़सुरे़ कुधक्‍को हुःप्‍मा फाॽआङ् मारुक् नु सिदाॽहाॽ यारिप् मे़जोगुरो॥ हे़क्‍क्‍याङ् कन् साम्‌योथिम् इङ्‌जाङ्‌ङिन् कुइसिक् नाःम्‍सिङ् ये़न्‍नो खे़ङ्‌हाॽ मे़नाःम्‍सिङ्‌लो॥

लाम्‍दिक् 23:12

“तुक्‍सि ये़न् थारिक् याःम्‍बक् चोगे़म्‍मे़ॽ, कर नुसिगेक्‍पा ये़न्‍नो याःम्‍बक् मे़जोगे़म्‍मिन्‍ने़ॽ॥ हे़क्‍केःल्‍ले़ खिनिॽ योःग्‍बा योःग्‍माहाॽरे़ नु खिनिॽ याःम्‍बक् के़जोःक्‍पा वेॽ लाजेॽबा मनाहाॽरे़ खे़ब्‍याङ् पित्‍थक्‍सा नु अदङ्‌हाॽरे़ नाःम्‍सिङ्‌मा मे़घोसुॽ॥

सुफो 1:10

दाङ्‌बाल्‍ले़ कुये़न्‍नो सेसेमाङ्‌ङिल्‍ले़ थुक्‍ताङ्‌ङाङ् वयाङ्‌ङिल्‍ले़ आएगाङ्‌लाम् थुत्‍थुरिःप्‍पाल्‍ले़ पयम् यम्‍बा कुइक्‍ला हे़क्‍तङ्‌बा इक्‍लाधिक् खे़प्‍सुङ्॥

खानिःत् 11:8

मनाहाॽ मे़बेआङ् खे़न् मे़भुक्‍खु, लुङ्‌सुम्‍मो मे़युःत्तुआङ् इग्र सुम्‍बाङ्‌ङो मे़हागु, हे़क्‍क्‍याङ् खप्‍प्‍याओ मे़धोःक्‍तुआङ् हाःक्‌वा मे़जोगु॥ खे़न् चैतुन निःङ्‌गेॽओ थोःक्‍मनाबा कुजा हे़क्‍के कुजानुरे़॥

लाम्‍दिक् 16:19

खे़ब्‍याङ् मोसाःल्‍ले़ खे़ङ्‌हाॽ मे़त्तुसि, “आत्तिन्‍हाॽरे़आङ् खे़न् ताःन्‍दिक्‍ले़ लागि तानाम् थारिक् मे़नन्‍छे़म् मे़युक्‍खे़म्‍मिन्‍ने़ॽ॥”

साम्‌योथिम् इङ् 5:12

“यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ इङ्‌जाङ् के़बिरिबा हे़क्‍के सबाथ ये़न्‍निन् सेसे लॽरिक् ने़प्‍मारे़ लागि निङ्‌वाॽओ युक्‍खे़म्‍मे़ॽ॥

नहेम्‍याह 9:13

“सिनै कोःक्‍माओ खे़ने़ॽ साङ्‌ग्राम्‍पेदाङ्‌लाम्‍बा के़धासिङ् के़ये़रो, खे़ने़ॽ आबाङे के़मनाहाॽनु ताॽगे़जे़क्‍खे़रो हे़क्‍क्‍याङ् खे़ङ्‌हाॽ नुबा साम्‌योथिम् इङ्‌जाङ् नु के़लाॽबा निसाम् के़बिरुसिरो॥

नहेम्‍याह 9:14

खे़ने़ॽ के़से़वारोबा मोसालाम्‍बा खे़ङ्‌हाॽ नाःम्‍सिङ्‌मा ये़न्‍निन् सेसे कप्‍मा के़हुॽरुसिरो, हे़क्‍क्‍याङ् के़मनाहाॽ के़साम्‌योथिम् इङ्‌जाङ् नु निसाम्‍हाॽ के़बिरुसिरो॥

यर्मिया 17:22

नाःम्‍सिङ्‌मा ये़न्‍नो खे़निॽ हिम्‍मोलाम्‍बा थे पाःन्‍हाॽआङ् मे़गुये़म्‍मिन्‍ने़ॽआङ् लाःक्‍कात् मे़लःत्ते़म्‍मिन्‍ने़ॽ॥ नाःम्‍सिङ्‌मा ये़न्‍नो खिनिॽ थेआङ् याःम्‍बक् मे़जोगे़म्‍मिन्‍ने़ॽ, कर आङ्‌गाॽ खिनिॽ पाधे़बाहाॽ इङ्‌जाङ् पिरुङ्‌सिङ्‌बा हे़क्‍के खे़न् सेसे ये़न्‍निन् इःत्ते़म् नाःत्ते़म्‍मे़ॽ॥

खानिःत् 11:7

मन्‍न मे़प्‍मनाबे़न् सःप्‍फाःल्‍ले़ कुसेॽ हे़क्‍तङ्‌बा चोगे़, हे़क्‍क्‍याङ् ओमे़प्‍मे़ल्‍ले़ आःङ्‌घिक्‌वा कुइसिक् निदे़त्ते़॥