लाम्‍दिक् 16:14 - लिम्‍बु

¹⁴ सेःक्‌वान् हेरे़आङ् एगाङ् खे़प्‍मो चुजुक्‍सा कुगाक्‍मा हे़क्‍तङ्‌बा कुजा ने़स्‍से़बा मे़निसु॥ खे़न् सेःक्‌वा हे़क्‍तङ्‌बा चोगे़॥

लाम्‍दिक् 16:14 Referans Kwoze

निङ्‌वाॽफु साम्‍लोसुम् 105:40

खे़ङ्‌हाॽरे़ सा चामा मे़नाःक्‍तुल्‍ले़ उःत्‍लुङ्‌घे मुःत्‍लुङ्‌गे पुहाॽ पिरुसिरो, साङ्‌ग्राम्‍पेदाङ्‌बा खरे़ःङ्‌ङिल्‍ले़ खे़ङ्‌हाॽ खाःत्तुसिरो॥

निङ्‌वाॽफु साम्‍लोसुम् 78:24

मनाहाॽरे़ मे़जर फाॽआङ् मन्‍नाःन् थासुपिरुसिरो, हे़क्‍क्‍याङ् खुने़ॽ साङ्‌ग्राम्‍पेदाङ्‌लाम्‍बा खे़ङ्‌हाॽ कुजा पिरुसिरो॥

नहेम्‍याह 9:15

खे़ङ्‌हाॽरे़ खुनिॽ से़त्‍लाःक्‍ते़ल्‍ले़ साङ्‌ग्राम्‍पेदाङ्‌लाम्‍बा खरे़ःङ् चामा के़बिरुसिरो, खे़ङ्‌हाॽरे़ खुनिॽ वामिःक्‍ते़ल्‍ले़ पयम् यम्‍बा लुङ्‌ङोनु च्‍वाःत् थुङ्‌मा के़बिरुसिरो॥ आत्तिन् लाजेन् खे़ङ्‌हाॽ पिमासि माङ्‌हुप् के़जोगुआङ् वये़, खे़न् लाजेन् युक्‍मा इङ्‌जाङ् खे़ने़ॽ के़बिरुसिरो॥

साम्‌योथिम् इङ् 8:3

खुने़ॽ खिनिॽ नःम्‍नःम्‍बा चोःक्‍मारे़ लागि साक्‍किल्‍ले़ के़दरिर के़याःन्‍दि, हे़क्‍क्‍याङ् खुने़ॽ खिनिॽ मन्‍न के़जाःत्ति, खे़ल्‍ले़ कुयाःम्‍बेओ खिनिॽ नु खिनिॽ पाधे़बाहाॽरे़ थे़माआङ् कुसिङ् मे़न्‍निःत्ते के़वयि॥ मे़न्‍छाम् याप्‍मिन् कुजाःल्‍ले़रक् मे़हिङ्‌ने़न्, कर यहवे दाङ्‌बे़ल्‍ले़ पाःत्तुबा पाःन्‍जाःक्‍किल्‍ले़ हिङ्‌ॽ के़लॽबा पाःन्‍निन् कुसिङ् के़निःत्तुम्‍ल फाॽआङ् खुने़ॽ अक्‍खे चोगुबारो॥

निङ्‌वाॽफु साम्‍लोसुम् 147:16

खुने़ॽग कुभरा खाम्‍देःत्तिल्‍ले़ खाम्‍मिन् ते़प्‍तुबा कुइसिक् नाःङ् थार याःन्‍दुरो, हे़क्‍क्‍याङ् सेःक्‌वान् खाप्‍पु कुइसिक् से़सुरो॥

लाम्‍दिक् 16:31

इस्राइलिहाॽरे़ खे़न् कुजाःल्‍ले़ कुमिङ् “मन्‍न” मे़मे़त्तु॥ खे़न् सःप्‍फाःल्‍ले़ कुसेॽ हे़क्‍तङ्‌बा फदाङ्‌बा चोगे़ हे़क्‍क्‍याङ् सक्‌वाघुःन्‍नु सॽमनाबा हे़क्‍के पाॽबाःम्‍बा चुक्‍सा खरे़ःङ् कुसिङ् कुजागे़नुॽबा चोगे़॥