लाम्दिक् 15:21 - लिम्बु21 मिरियम्मिन् अक्खेलॽरिक् साम्लोरे़रो— “यहवे दाङ्बान् कुनारा फोसे़म्मे़र साम्लोरे़म्मे़ॽओ, थेआङ्भे़ल्ले़ खुने़ॽ मिमिदिङ्गे़न् थङ् नाःन्दुआङ् वाॽरो, खुने़ॽ अन्हाॽ अन्गे़युक्पाहाॽनु सोरिक् वरःङ्ङो लाप्फुसु याक्तुसिरो॥” Gade chapit la |
लाम्दिक् 15:21
17 Referans Kwoze
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
सादाङ् के़मुःप्पाहाॽ नु साम्लो के़लःप्पाहाॽरे़ यहवे दाङ्बे़न् कुनारा फोमा नु नुगे़न् पिमारे़ लागि लत्छा इक्ला मे़लःत्तु॥ हे़क्क्याङ् सादाङ्हाॽ, साप्फङ्गाहाॽ नु वेॽ मुक्लाहाॽ सोसोरिक् यहवे दाङ्बे़न् कुनारा फोमारे़ लागि खे़ङ्हाॽरे़ अक्खे मे़बाःत्तुआङ् साम्लो इक्ला मे़लःत्तुरो “खुने़ॽ के़नुॽबा चोक्लो, थेआङ्भे़ल्ले़ खुने़ॽ कुमिःम्जिन् आभे़ल्ले़साङ् वाॽरो॥” खे़ब्याङ् यहवे दाङ्बे़ल्ले़ कुहिम्मिन् खाॽमिःत्ते़ल्ले़ तिम्से़॥
खे़ङ्हाॽरे़ निङ्वाॽफुमाङ्ङिल्ले़ कुहाङ्युक्नाःल्ले़न् हे़क्क्याङ् लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ तगि कुसङ् साम्लोन् साम्मे़मे़त्तुबा इङ्गाॽ खे़प्सुङ्लो॥ खे़न् साम्लोःङ्ग इक्सादिङ् खाम्बेःक्मोलाम् थे़ॽमनाबा खे़न् लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽनुःल्ले़ वेॽ आत्तिन्हाॽरे़आङ् हुॽसिङ्मा मे़न्छुक्तुन्लो॥
Piblisite