लाम्दिक् 15:14 - लिम्बु14 मे़न्छाम् सुवाङ्हाॽरे़ मे़घे़प्सुआङ् मे़वाॽरो, हे़क्क्याङ् खे़ङ्हाॽ किमाल्ले़ थे़गक्कक् मे़यङ्लो, पलिस्त लाजेॽबा मनाहाॽ यङ्मा के़रे़आङ् वाॽरो॥ Gade chapit la |
लाम्दिक् 15:14
20 Referans Kwoze
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
खे़ङ्हाॽरे़ यहोसुन् मे़मे़त्तु, “यहवे दाङ्बा खे़ने़ॽ के़निङ्वाॽफुमाङ्ङिल्ले़ कुसे़वारोबा मोसान् पिरुबा कन् लाजेन् के़रे़क् खिनिॽ पिमा नु कन् लाजेॽओ के़युङ्बाहाॽ के़रे़क् मे़ङ्मासि इङ्जाङ् पिरुबा पाःन्निन् खे़ने़ॽ के़योःग्बाहाॽ नुरिक्काङ् मे़मे़त्तिगे़आङ् वये़॥ कल्ले़चोगुल्ले़ साॽरिक् किसिगे़आङ् आनिगे हिङ्मन् से़ःप्मारे़ लागि अक्खे चोगुम्बे़बारो॥
कन् लाजेॽओ के़युङ्बाहाॽ मिस्रिहाॽरे़ कन् पाःन्निन् मे़जे़क्तुसिॽ॥ खे़ने़ॽ यहवे दाङ्बे़न् कन्हाॽरे़ खुन्छिॽ लुम्मो के़वाॽ के़लॽबा पाःन्निन् खे़ङ्हाॽरे़ मे़घे़प्सु मे़सुरुआङ् वाॽ, खे़ने़ॽ नादुम्दुम्बाए निगे़धाबे़आङ् के़वाॽ, हे़क्क्याङ् खे़ने़ॽ के़घाॽमिःत्तिन् कन्हाॽरे़ खुन्छिॽ सम्धाङ् ये़म्सिङ् खे़ब्याङ् ले़न्दिक् खाॽमित् सित्लाङ् नु से़न्दिक् मि सित्लाङ् के़बोङ्ङाङ् खे़ने़ॽ कन्हाॽरे़ खुन्छिॽ तगि तगि के़बेःक्॥
“पलिस्ति ये़क्यक्हाॽओ के़युङ्बा मनासे, खे़निॽ के़म्हिप्तिबा खे़न् तक्काःत्तिन् ए़गे़ फाॽआङ् मे़सःत्ताम्मिन्ने़ॽओ॥ थेआङ्भे़ल्ले़ हाबा खे़न् असेःक्पाल्ले़ कुस्साहाॽओलाम् खे़न्नुःल्ले़आङ् साॽरिक् कुनिङ् के़याक्पा वेॽसमा असेःक्पाधिक् लःन्लो॥ हे़क्क्याङ् खे़न् असेःक्पाल्ले़ कुधिःन्नोलाम् के़बे़बा असेःक् थिक् लःन्लो॥
खुने़ॽ युफ्रेतिस कुबेसाङ् के़युङ्बा, खुने़ॽ आप्फेक् कुसुवाङ्बा कुन्साॽरे़ कुबाङ्भेॽ पतोरओ बओररे़ कुस्सा बालामे़न् अक्खे मे़त्तुआङ् इङ्घङ् हाक्तुरो, “मिस्रलाम् लत्छा सुवाङ्बा मनाहाॽ मे़भे़रे़आङ् लाजेःन्ने सधे़क् मे़धिम्सु मे़सुरु॥ खे़ङ्हाॽ आङ्गाॽए आइःन्दोओ मे़भे़रे़आङ् मे़युङ्सिङ्ङाङ् मे़युङ्॥
ये़म्सिङ्ङिल्ले़ खुने़ॽ इक्सादिङ् खाम्बेःक्मान् मुन्दुरो, खुने़ॽ ओमुये़आङ् मे़न्छाम् सुवाङ्हाॽ चिरिम्लिम् मे़यक्खे़रो॥ उन्छेःन् उन्छेःन्नाङ्धोबा कोःक्माहाॽ फयःप्फयःप् यबे़रो, खे़न् काप्पोबा थे़गु माङ्वाहाॽ चोःन्दे़ लासे़रो, खुने़ॽ कुलाम्हाॽ आभे़ल्ले़आङ् मे़म्नुप्मनाबा चोक्लो॥
Piblisite