हे़क्क्याङ् खुने़ॽ पाःत्तुरो, “यहवे दाङ्बा, इस्राइलबा निङ्वाॽफुमाङ्ङे, थाःङ् साङ्ग्राम्पेदाङ्ङो नु मु इक्सादिङ् खाम्बेःक्मो खे़ने़ॽ हे़क्तङ्बा वेॽ निङ्वाॽफुमाङ् हाःत्ताङ् होप्लो—के़रे़क् सिक्लुङ्माॽरे़ चक्मे़ल्लॽए खे़ने़ॽ के़लाम् के़दिम्बा, खे़न् के़से़वारोबाहाॽनु खे़ने़ॽ माङ्हुप् के़जोगुआङ् चक्मे़ल्लॽए लुङ्माॽ के़दुक्तुसिॽ॥
लाम्दिक् 15:11 - लिम्बु11 यहवे दाङ्बाए, माङ्हाॽओ खे़ने़ॽ हे़क्तङ्बा हात् वाॽबे? सेसे साङ्साङ्ङो खे़ने़ॽ हे़क्तङ्बा निङ्वाॽ के़माबा हात् वाॽबे? हाःत्ले़ खे़ने़ॽ हे़क्के निङ्वाॽरे़ मे़न्धाप्मनाबा नु मुक्साम्साबा याःम्बक् चोःक्मा सुक्तुबे? Gade chapit la |
लाम्दिक् 15:11
51 Referans Kwoze
खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् तारो॥”
“यहवे दाङ्बा निङ्वाॽफुमाङ्ङे, खे़ने़ॽ आप्फेक् के़से़वारोबे़न् खे़ने़ॽ साॽरिक् पयम् यम्बा के़जोःक्पा नु के़मुक्साम्मिन् ओःन्धाक्मा के़इःत्तुआङ् वाॽ, थेआङ्भे़ल्ले़ साङ्ग्राम्पेदाङ् नु इक्सादिङ् खाम्बेःक्मो खे़ने़ॽ के़जोगुबा हे़क्तङ्बा याःम्बक् नु हाङ्वा माङ्वाबा याःम्बक् चोःक्मा के़सुक्पा हात् वाॽबे?
आसिक्लुङ्मोलाम् यहवे दाङ्बान् अक्खे मे़त्तुङ्लो, “यहवे दाङ्बाए, खे़ने़ॽ हे़क्तङ्बा हात् वाॽआङ्बे? के़धुम्बाहाॽरे़ मे़न्धुम्मनाबाहाॽ ताप्फे़ःल्लिक् मे़मे़त्तुसिल्ले़ खे़ने़ॽ मे़न्धुम्मनाबाहाॽ के़से़ःप्तुसिरो, हे़क्क्याङ् कुइगे़भे़म्बाहाॽरे़ याङ्गे़साॽबाहाॽ तुक्खे मे़जाःत्तुसिल्ले़ खे़ने़ॽ याङ्गे़साॽबाहाॽ के़नाङुसिरो॥”
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
मनाहाॽरे़ खे़न् हन्दगेःक्गे़न् वासेरिःन् से़वा मे़जोगु, थेआङ्भे़ल्ले़ खे़ल्ले़ कुयुक्किन् किप्मा के़घुबा थक्सान् पिरुआङ् वये़, हे़क्क्याङ् खे़ङ्हाॽरे़ अक्खे मे़बाःत्तुर से़वा मे़जोगु, “कन् किप्मा के़घुबा थक्सान् हे़क्तङ्बा हात् वाॽबे? कन् किप्मा के़घुबा थक्साःन्नु थङ् चोःक्मा के़सुक्पा हात् वाॽआङ्बे?”
खे़ब्याङ् खुने़ॽ अक्खे पाःत्तुरो— “यहवे दाङ्बा इस्राइलबा निङ्वाॽफुमाङ्ङे, खुन्छिॽ के़रे़क् निङ्वाःल्ले़ आदाङ्बारे़ के़लाम्मो चक्मे़ल्लॽए के़वाॽबा से़वारोबाहाॽनु के़मिःम्जिओ माङ्हुप् के़जोःक्पा आदाङ्बा हे़क्तङ्बा वेॽ निङ्वाॽफुमाङ् साङ्ग्राम्पेदाङ् नु इक्सादिङ् खाम्बेःक्मो हाःत्ताङ् होप्॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
Piblisite