लाम्‍दिक् 14:9 - लिम्‍बु

⁹ खे़ब्‍याङ् मिस्रिहाॽरे़, फारोल्‍ले़ के़रे़क् कुअन्, कुअन्‍लाधा खुने़ॽ कुअन् के़लोङ्‌बाहाॽ नु कुधक्‍सुबाहाॽरे़ इस्राइलिहाॽ मे़नाःत्तुसि, हे़क्‍क्‍याङ् खे़ङ्‌हाॽरे़ खुन्‍छिॽ पि-हहिरोतरे़ कुबेसाङ् बाल सेफोन तगि ले़प्‍माङ् वरःङ्‌ङिल्‍ले़ कुयाओ साःङ्‌गाहिम् मे़लेःत्तुआङ् याङ्‌मे़धोःक्‍ते़बादे़न्‍नो मे़सिॽरुसि॥

लाम्‍दिक् 14:9 Referans Kwoze

लाम्‍दिक् 15:9

निङ्‌मिःल्‍ले़ पाःत्तु, ‘आङ्‌गाॽ खे़ङ्‌हाॽ नाःत्तुङ्‌सिङ्‌लो, खे़ङ्‌हाॽ नाप्‍तुङ्‌सिङ्‌बा सामाहाॽ फःक्‍खुङ्‌लो॥ आङ्‌गाॽ खे़ङ्‌हाॽ आबाःप्‍पात् मे़त्तुसिङ्‌लो आङ्‌गाॽ आदाभेन् तरप् फिःक्‍खुङ्‌लो, हे़क्‍क्‍याङ् आहुक्‍किल्‍ले़ खे़ङ्‌हाॽ मे़क्‍खुङ्‌सिङ्‌लो॥’

यहोसु 24:6

आङ्‌गाॽ खिनिॽ पाधे़बाहाॽ मिस्रलाम् लःत्तुङ् फे़त्तुङ्‌सिङ्‌ङिल्‍ले़ हे़ःत्ताङ्‌बा वरःङ्‌ङो थारिक् खिनिॽ के़गे़रि के़भे़रि, मिस्रिहाॽरे़ खिनिॽ पाधे़बाहाॽ अन्‍लाधा हे़क्‍क्‍याङ् अन्‍गे़लोङ्‌बाहाॽनु सोसोरिक् हे़ःत्ताङ्‌बा वरःङ्‌ङो थारिक् मे़नाःत्तु मे़भे़त्तुसि॥

लाम्‍दिक् 14:2

“मिग्‍दोल नु हे़ःत्ताङ्‌बा वरःङ्‌ङिल्‍ले़ कुलुम्‍मो के़ने़बा पि-हहिरोत निःत्ताङ् याङ्‌मे़धोःक्‍ल हे़क्‍क्‍याङ् वरःङ्‌ङिल्‍ले़ कुबेसाङ् बाल सेफोन तगाङ्‌ङे साःङ्‌गाहिम् मे़जोगुआङ् मे़युङ्‌ल फाॽआङ् इस्राइलिहाॽ इङ्‌जाङ् पिरे़से़ॽ॥

लाम्‍दिक् 13:18

कल्‍ले़चोगुल्‍ले़ खुने़ॽ खे़ङ्‌हाॽ मुरे़क् खारे़क् थेआङ् के़होप्‍पादे़न्‍नो लाम्‍बा हे़ःत्ताङ्‌बा वरःङ् ले़प्‍माङ् तेॽरुसि॥ इस्राइलिहाॽ मिस्रलाम् थङ् चोःक्‍मारे़ लागि खजुम्‍घया फे़जुम्‍भे़या मे़याङ्‌सिङ्‌ङाङ् मे़लःन्‍दे़ मे़धाङे़॥

खानिःत् 33:7

एथामलाम् लाङ्‌मे़घेगे़आङ् बाल सेफोन नाङ्‌गे़न् ले़प्‍माङ्‌बा पि-हहिरोतओ मे़नुःक्‍खे़, हे़क्‍क्‍याङ् मिग्‍दोलनु निःत्ताङ् याङ्‌मे़धोःक्‍ते़॥