लाम्दिक् 14:25 - लिम्बु25 खुने़ॽ खे़ङ्हाॽरे़ खुन्छिॽ अन्लाधा काप्लोःक्हाॽ ले़क्वाओ हुम्सु पिरुसि हे़क्क्याङ् खे़न् काप्लोःक्हाॽ हाप्तु॥ साॽरिक् साक्ते़र अन्लाधाहाॽ मुम्मा हेःक्ते़ हे़क्क्याङ् मिस्रिहाॽ अक्खे लॽमा मे़हेःक्ते़, “इस्राइलिहाॽरे़ खुन्छिॽ लागि यहवे दाङ्बान् आनिॽनु थङ् चोःक्ल पत्॥ आनिॽ कप्मोलाम् लःन्दि!” Gade chapit la |
लाम्दिक् 14:25
26 Referans Kwoze
आङ्गाॽ यहवे दाङ्बे़न् ले़त्ति तोःम्मादे़न्निल्ले़ कुबेसाङ् ये़बे़बा निसुङ्, हे़क्क्याङ् खुने़ॽ आङ्गाॽ अक्खे मे़त्ताङ्लो— “खे़ने़ॽ लाम्धेःप्पुङ्हाॽ मुन्ल थारिक् सित्लाङ्हाॽरे़ कुसम्हाॽओ हिप्ते़ॽओ, सित्लाङ् सम्हाॽरे़ मना थे़गेःक्हाॽ ते़त्तुररो हे़क्क्याङ् के़दाङ्बाहाॽ आङ्गाॽ ताभेःल्ले़ से़रुङ्सिङ्लो॥ लत्छाआङ् खे़त्छिङ्मा मे़ङ्घोने़न्लो लत्थिक्काङ् खे़त्छिङ्मा मे़घोने़न्लो॥
हे़क्क्याङ् आङ्गाॽ खे़ल्ले़ कुनिङ्वान् हादिङ् के़धक्पा चोगुङ् पिरुङ्ॽ खे़ब्याङ् खे़ल्ले़ खे़ङ्हाॽ नाःत्तुसिॽ, कर खे़न् नु खे़ल्ले़ कुधक्सुबाहाॽ आङ्गाॽ नाःन्दुङ्सिङ्ॽ हे़क्क्याङ् मनाहाॽरे़ आङ्गाॽ मिमिदिङ् मे़बिआ॥ खे़ब्याङ् मिस्रिहाॽरे़ यहवे दाङ्बान् आङ्गाॽए फाॽआङ् निङ्वाॽ मे़घोसुॽ॥” हे़क्क्याङ् इस्राइलिहाॽरे़ हे़क्केए मे़जोगु॥
आङ्गाॽ के़रे़क् ओमे़त्तुङ्, हे़क्क्याङ् ये़म्सिङ्ङाङ्ङाङ् लाम्लोबाहाॽ, सुहाङ्युक्पाहाॽ हे़क्क्याङ् वेॽ मनाहाॽ मे़त्तुङ्सिङ्, “खे़ङ्हाॽनु मे़गिसे़म्मिन्ने़ॽ॥ पयम् यम्बा किप्मा के़घुबा यहवे दाङ्बान् निङ्वाॽ इःत्ते़म्मे़ॽ॥ हे़क्क्याङ् आबाङे फुॽनुसाॽ, मेःत् सा नु हिम्धाःङ्ले़ लागि थङ् थक्ते़म्मे़ॽ॥”
खे़ने़ॽ वरःङ्ङिन् कुलुम्मो खुन्छिॽ तगि हर्गे़ॽ के़भःक्खुरो हे़क्क्याङ् के़मनाहाॽ से़ङ्से़ङ्बा खाम्बाङ्ङोलाम् नाधाःम्बि के़देॽरुसिरो॥ के़मनाहाॽ के़नाःप्पा के़भे़प्पाहाॽ ग खे़ने़ॽ कुदिम्बे केःम्बा च्वाःत्तो के़निःप्सु के़हुम्सुसिरो, के़गुङ्बा च्वाःत्तो लुङ्ङिन् हुम्लाःप्पा कुइसिक्, के़दिम्बा च्वाःत्तो खे़ङ्हाॽ मे़निबे़आङ् मे़स्ये़रो॥
दाङ्बे़ल्ले़ आङ्गाॽ अक्खे मे़त्ताङ्लो, “यम्बा केबान् से़रुबा साओ हुःक्लो, हे़क्क्याङ् पित् मे़ःन्दा के़गप्पा यम्बा लुप्हाॽ आक्ख्यारिक् साॽरिक् मे़अःक् मे़भिःक्साङ् खे़ङ्हाॽरे़ यङ्मा मे़से़रुबालाम् केबान् यङ्मा मे़सिने़ल्लो— हे़क्केलॽरिक्के सियोन कोःक्मान् नु खे़ल्ले़ कुभाङ्जङ्हाॽओ थङ् चोःक्से़ मुक्साम्दाङ्बा यहवे दाङ्बान् युरो॥
Piblisite