लाम्दिक् 14:21 - लिम्बु21 खे़ब्याङ् मोसाःल्ले़ कुहुक्किन् हे़ःत्ताङ्बा वरःङ्ङिल्ले़ कुसम्धाङ् सन्छु हे़क्क्याङ् यहवे दाङ्बे़ल्ले़ नाङ्गे़न् पिसाङ्लाम् साॽरिक् यम्बा सुरित् केजङ् हुसे़र याःन्दु, हे़क्क्याङ् वरःङ्ङिन् एगाङ् नुःक्खे़बेर चोगुआङ् च्वाःत्ते़न् कुलुम्मो से़न्छिङ् हे़क्क्याङ् वरःङ्ङिन् से़ङ्से़ङ्बा खाम्बाङ् पोःक्खे़॥ Gade chapit la |
लाम्दिक् 14:21
30 Referans Kwoze
खे़ने़ॽ वरःङ्ङिन् कुलुम्मो खुन्छिॽ तगि हर्गे़ॽ के़भःक्खुरो हे़क्क्याङ् के़मनाहाॽ से़ङ्से़ङ्बा खाम्बाङ्ङोलाम् नाधाःम्बि के़देॽरुसिरो॥ के़मनाहाॽ के़नाःप्पा के़भे़प्पाहाॽ ग खे़ने़ॽ कुदिम्बे केःम्बा च्वाःत्तो के़निःप्सु के़हुम्सुसिरो, के़गुङ्बा च्वाःत्तो लुङ्ङिन् हुम्लाःप्पा कुइसिक्, के़दिम्बा च्वाःत्तो खे़ङ्हाॽ मे़निबे़आङ् मे़स्ये़रो॥
याम्मो यहवे दाङ्बे़ल्ले़ मोसान् मे़त्तु, “हारुने़न् मे़त्ते़ॽ, ‘खे़ने़ॽ के़दक्काःत्तिन् याङ्सिङ्ङे़ॽआङ् मिस्रओ के़ने़ने़बा च्वाःत्, इग्र वहःङ्, खावा, नु वरक्कोबा च्वाःत्तिन् माक्खिॽ पोङ्बेःक्ल फाॽआङ् खे़ङ्हाॽरे़ कुसम्धाङ् के़हुक्किन् सन्छे़ॽ॥’ हे़क्क्याङ् खे़ङ्हाॽ माक्खिॽ पोङ्ॽ॥ मिस्र लाजेॽ के़रे़क् के़ने़बा च्वाःत्, खर्बा नु लुङ्बाक्वा च्वाःत्हाॽआङ् माक्खिॽ पोङ्ॽ॥”
मिस्र लाजेॽलाम् खिनिॽ के़लःन्दि के़भे़रिल्ले़ खिनिॽ तगि निङ्वाॽफुमाङ्ङिल्ले़ हे़ःत्ताङ्बा वरःङ्ङोबा च्वाःत्तिन् चप्प्रे़क् चबे़र याःन्दुबा नु यर्दन नाङ्गे़न् पिसाङ्बा एमोरिहाॽरे़ खुन्छिॽ ने़प्माङ् हाङ्हाॽ, सिहोननु ओगे़न् खिनिॽ वरे़ङ्ले़ङ् के़मे़क्खुम्सिम्बान्नाङ् आनिगे खे़प्सुम्बे़आङ् वाॽ॥
आङ्गाॽ खे़ॽयो फे़राङ्ङिल्ले़ थेआङ् हाःत्ताङ् होःप्ते़बाबे? आङ्गाॽ पाःन्छाःत्तुङ्सिङ्ङे़ल्ले़ नुगप् के़बिबा थेआङ् एःन्नाङ् मे़वये़ने़म्बाबे? थे आङ्गाॽ आहुक्किन् खे़निॽ थे़ॽमा मे़न्छुक्मना पोःक्खे़आङ् वये़बि? थे खे़निॽ ताङ्से़ःप्मारे़ लागि आङ्गाॽ आमुक्साम्मिन् सुःम्बि? आङ्गाॽ वरःङ्ङिन् चबे़ःत्छिक् फे़ःक्तुङ्ङिल्ले़ खे़न् चप्प्रे़क् चप्लो, वहःङ्हाॽ आङ्गाॽ मुरे़क् खारे़क्पा ये़ःङ्घादे़न् चोगुङ्लो॥ च्वाःत्तिन् सुःम्बाल्ले़ चोगुल्ले़ खे़प्मोबा ङाहाॽ हर्गिॽ मे़गिरो खे़ब्याङ् वामिःक्माल्ले़ मे़सिरो॥
थे खे़ने़ॽ के़साक्के़न्निन् वहःङ्हाॽरे़ कुदक्ले़ङ्वाओ वये़बि, यहवे दाङ्बाए? थे खे़ने़ॽ के़याःक्ले़ॽमान् हःङ्गुहाॽरे़ कुदक्ले़ङ्वाओ वये़बि? खे़ने़ॽ के़अन्हाॽओ नु थङ् के़नाःम्बा के़अन्लाधाहाॽओ के़लोःक्ते़र के़बत्छे़ल्ले़ थे खे़ने़ॽ वरःङ्ङिल्ले़ कुदक्ले़ङ्वाओ खे़ने़ॽ के़सिक् पोगे़आङ् वये़बि?
Piblisite