लाम्दिक् 13:9 - लिम्बु9 यहवे दाङ्बे़ल्ले़ खुने़ॽ मुक्साम्बा कुहुक्किल्ले़ मिस्र लाजेॽलाम् खिनिॽ के़लःत्ति के़भे़त्तिबाल्ले़ चोगुल्ले़ कन् तोःम्मनाबा तङ्नाम्मिन् खिनिॽ निङ्वाॽसुम् के़मे़प्पा पोङ्ल फाॽआङ् खुने़ॽ के़रे़क् कुधिम्हाॽ खिनिॽ मुराओ तामाआङ् पप्मारे़ लागि कन् खिनिॽ लागि लत्छा मिक्सेन् हुक्को नु त्वाबो पत्ल॥ Gade chapit la |
लाम्दिक् 13:9
38 Referans Kwoze
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
खे़न् ये़न्नो यहवे दाङ्बे़ल्ले़ किप्मा के़घुबा हे़क्क्याङ् कुमुक् के़याक्पा नु यम्बा ताभेःल्ले़ खे़न् खइक् खइक् के़इक्सिङ्बा के़उःङ्सिङ्बार लाङ्गे़घेःक्पा, वरःङ्ङो के़याक्पा आजाजाबा लिब्याताने़न् पाक्ले़ पाक्ले़ च्ये़प्तुरो, खे़ब्याङ् वरःङ्ङो खे़न् के़वे़ःङ्सिङ्बाआङ् के़युङ्बा असेःक्पे़न् खुम्दिङ् पिरुआङ् स्ये़रुरो॥
खे़ने़ॽ आभे़ल्ले़साङ् के़सिक्लुङ्मो आङ्गाॽ कत्ताङ्ङे़ॽओ के़मिङ्ङिन् लक्मनाबा सिक्रिःन् हे़क्के कत्ताङ्ङे़ॽओ, लुङ्माॽ हिःप्सिङ्मे़ङ्ग सिमे़न् हे़क्के के़धुम्बा चोक्लो, नाहेम्मे़न् इःप्पुङ्ङिन् हे़क्के मुक्साम्बा चोक्लो॥ खे़न् मिधुङ् मिराक् पोङ्ङाङ् लःन्लो खे़ब्याङ् हुरुरुना के़दिःप्पा मि हे़क्के तिःत्लो॥
मिस्र लाजेॽओ खिनिॽ योक् के़बोःक्खिआङ् के़वयिल्ले़ आक्खेलॽरिक् यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ कुमुक्साम् नु कुहुक्किन् सन्छुआङ् खिनिॽ के़लःत्ति के़भे़त्ति, खे़न् खिनिॽ निङ्वाॽ इःत्ते़म्मे़ॽ॥ कल्ले़चोगुल्ले़ यहवे दाङ्बा खिनिॽ निङ्वाॽफुमाङ्ङिल्ले़ सबाथ ये़न्निन् ने़प्मारे़ लागि खिनिॽ इङ्जाङ् के़बिरिबारो॥
मिस्रलाम् खुन्छिॽ के़लःप्पा के़भे़प्पा आप्फेक् पाधे़बाहाॽरे़ खुन्छिॽ यहवे दाङ्बा निङ्वाॽफुमाङ्ङिन् मे़ले़रुआङ् खे़ङ्हाॽ वेॽ माङ्हाॽ मे़नाःत्तु मे़दिम्दुसि इग्र खुन्छिॽ कब्रिङ् पिसाङ् के़युङ्बा मे़न्छाम् सुवाङ्हाॽरे़ खुन्छिॽ माङ्हाॽ मे़दिम्दुसि॥ खे़ङ्हाॽ खे़न् माङ्हाॽरे़ खुन्छिॽ तगि साबन् मे़भन्छिङ्, हे़क्क्याङ् यहवे दाङ्बे़न् कुसिक् पोगे़र मे़याःन्दु॥
Piblisite