लाम्‍दिक् 13:7 - लिम्‍बु

⁷ खे़न् नुसि ये़न् थारिक् के़भङ्‌बा सिदाॽ मे़न्‌याक्‍मनाबा खरे़ःङ्‌रक् चाम्‍मे़ॽ, खिनिॽ लाजेॽओबा इःन्‍दोहाॽओ के़भङ्‌बा सिदाॽ के़याक्‍पा पान् नु के़भङ्‌बा सिदाॽ थे़माआङ् निधाःप्‍मा मे़नुॽने़न्॥

लाम्‍दिक् 13:7 Referans Kwoze

लाम्‍दिक् 12:19

नुसि ये़न् थारिक् खिनिॽ हिम्‍मो खरे़ःङ् के़भङ्बा सिदाॽ थेआङ् होःप्‍ल॥ कुभारे़ कन् ये़त्‍नाम्‍मो खरे़ःङ् के़भङ्‌बा सिदाॽ के़याक्‍पा कुजा मे़जने़भग्र खे़न् वेॽ लाजेॽबा पोङ्‌साङ्, इग्र आप्‍फेक् लाजेॽबा पोङ्‌साङ्, इस्राइलबा सङ्‌जुम्‍भोलाम् खे़न् मे़लःत्तु मे़देसुर॥

मत्ति 16:6

ये़सुरे़ खे़ङ्‌हाॽ मे़त्तुसि, “फरिसिहाॽ नु सदुकिहाॽरे़ खुनिॽ खरे़ःङ् के़भङ्‌बा सिदाॽलाम् सिङ्‌सिङ् लॽरे़म्‍मे़ॽओ॥”

१ कोरन्‍थि 5:8

आनिॽग तगिबा ताप्‍फे़ःम्‍बा याःम्‍बक्‍हाॽ नु लायो हे़क्‍तङ्‌बा खे़ॽसुङ् कुधिम्‍बा खरे़ःङ्‌ङिल्‍ले़ मेःन्, कर सेसेबा नु से़क्‍खाबा कुसङ् खरे़ःङ्‌ङिल्‍ले़ चोःक्‌युम्‍भो तङ्‌नाम्‍ले़न् ससाङ्‌स्रोत् चोगुम्‍लो॥

लाम्‍दिक् 12:15

यहवे दाङ्‌बे़ल्‍ले़ पाःत्तु, “नुसि ये़न् थारिक् खिनिॽ सिदाॽ मे़म्‍भःन्‍नेबा खरे़ःङ् चे़म्‍मे़ॽ॥ थिक्‍सिगेक्‍पा ये़न्‍नोए खिनिॽ हिम्‍मो के़गत्तुम्‍बा के़रे़क् खरे़ःङ् के़भङ्‌बा सिदाॽइन् लःत्ते़म् तेसे़म्‍मे़ॽ थेआङ्‌भे़ल्‍ले़ कुभारे़ खे़न् नुसि ये़न् थारिक् खरे़ःङ् के़भङ्‌बा सिदाॽ याक्‍मनाबा खरे़ःङ्‌ङिन् मे़जने़भग्र खे़ङ्‌हाॽ आङ्‌गाॽ आमनाहाॽलाम् मे़लःत्तु मे़देसुसिर॥

साम्‌योथिम् इङ् 16:4

नुसि ये़न् थारिक् खिनिॽ लाजेॽओ खिनिॽ के़गत्तुम्‍बा खरे़ःङ् के़भङ्‌बा सिदाॽइन् खोमे़दे़त्‍ने़न्‍ल॥ थिक्‍सिगेक्‍पा ये़न्‍निल्‍ले़ याःन्‍दिक् युःन्‍छिक् खिनिॽ सिदुङ्‌जभा के़दोःन्‍दुम्‍बा थक्‍सा सान् हाबा खे़न् से़न्‍दिक्‍सा चाम्‍देसाम्‍मे़ॽ तानाम् थारिक् खे़न् मे़गत्ते़म्‍मिन्‍ने़ॽ॥

यहोसु 5:11

चोःक्‌युम्‍भो तङ्‌नाम्‍मिल्‍ले़ कुदाःन्‍दिक्‍मा, हाबा खे़न् ये़न्‍नो खे़ङ्‌हाॽरे़ खे़न् लाजेॽओ के़बोःक्‍पा कुजालाम्‍बा के़भङ्‌बा सिदाॽ मे़न्‌याक्‍मनाबा खरे़ःङ् नु सिप्‍फङ्‌ग्रा कुजा मे़ज॥